منو غيرك يلم البچي لبعيوني ويگلي أضحك
مصطفئ الخزاعي
_____________________
بقلم ميرال
___________
يُسر:
وصلت للمكتب و صعدت اشوفه
اريد افهم منه شديصير
قبل لا افتح الباب سمعته يحجي ويه صديقي
استوقفني حديثه و ظليت اتسمع عليهم...
باهر : هددني بيُسر .
اسلام :شنوو؟؟شوكت؟ و شلون؟
باهر: قبل خطوبتنا ، همه نفسهم الي دكوا بيتهم
و رادوا يخطفوها..
اسلام : شنو الي يخليك متأكد همه نفسهم ؟
باهر :لأن ورى ما رجعت دزلي تهديد و كتبلي
(وصلت لكَلبك و راح اوكفه الك)
اسلام: منين عرفوها و منين عرفوا تحبها او ألك علاقة بيها؟
باهر : الوصل لنص بيتي و اقتحم مكتبي مو صعب عليه يعرف هالشي ،المشكلة مو هنا
اسلام: لعد وين؟
باهر : اظن يُسر طرف بالقصة نفس ما اني طرف بيها...
سكتوا اثنينهم
دكيت الباب و سمحلي ادخل
دخلت ، وكفوا متفاجأين من جيتي
يُسر : السلام عليكم
_ و عليكم السلام
اسلام : أهلاً و سهلاً نورتي
يلا اني اترخص و اترككم لوحدك
اسمحولي
عافنه و طلع
التفت الي باهر و اشرلي اكعد
باهر : تشربين شي؟
يُسر_لا ماريد
باهر ؛:صاير شي وياج ؟ بيج شي؟
يُسر_لا مجرد ضجت و حبيت اطلع اشم هوى
بنص الطريق خطرلي امرلك و اجيت
أبتسم بطرف شفته و و كف
اجه يمي مدلي ايده
باهر :دام اجيتي نروح نزور الإمامين الجوادي(ع) و نتغدا هناك بلكي تتغير نفسيتج و من يتغير الجو عليج
يُسر: بس مجايبة احتياجاتي وياي شلون اروح بلا حجاب او عباة
لزم ايدي و شابك اصابعنا
باهر ؛ مناك نشتري مو مشكلة و ها نروح عبرية
ع مود تختلطين بالببشر ،اسمعي هموم المواطنين و مشاكلهم ح تهون عليج حياتج
وافقت و طلعنا من المكتب
ركبنا و انطلقنا
وصلنا ويه صلاة الظهر
اشترالي ربطة و عباة لبستهن
و احنا نمشي أسمعه يردد
((اللهُمَّ صَلِّ عَلى الأمِينِ المُؤتَمَنِ
مُوسى بنِ جَعفَرٍ البَرِّ الوَفِيِّ الطَّاهِرِ
الزَّكِيّ النُورِ المُبِينِ المُجتَهِدِ
المُحتَسِبِ الصَّابِرِ عَلى الأذى فِيكَ ...))
_شنو دتقره خليني اردد وراك
التفت و ضحكلي
باهر :
((□ زيارة يَوم الاَربِعاء□))
وَهُوَ باسم موسى بن جعفر وعلي بن موسى الرِّضا ومُحَمَّد التَّقي وعَلِيّ النَّقي صَلَواتُ الله عَلَيهِم أَجمعين
السَّلامُ عَلَيْكُم يا أوْلِياء اللهِ، السَّلاُمُ عَلَيْكُم يا حُجَجَ اللهِ، السَّلامُ عَلَيْكُمْ يا نُورَ الله فِي ظُلُماتِ الاَرْضِ، السَّلامُ عَلَيْكُمْ صَلَواتُ الله عَلَيْكُمْ وَعَلى آلِ بَيْتِكُمْ الطَّيِّبِينَ الطَّاهِرِينَ، بِأَبِي أَنْتُمْ وَاُمِّي، لَقَدْ عَبَدْتُمْ الله مُخْلِصِينَ، وَجاهَدْتُمْ فِي الله حَقَّ جِهادِهِ حَتَّى أَتاكُمْ اليَقِينُ، فَلَعَنَ الله أَعْدائكُمْ مِنَ الجِنِّ وَالاِنْسِ أَجْمَعِينَ، وَأَنا أَبْرَُ إِلى الله وَإِلَيْكُمْ مِنْهُمْ.
أنت تقرأ
أنتَ تنقصني (صبابة الهوى)
Mystère / Thriller_كَيف لَنا أن نفترِق؟ _كيف لنا أن نتفِق؟ انتِ كالجليد و انا كالقبس .. كيف لنا أن نكمل في هذا العشق؟ _داخلكِ نبات زاهر بيما داخلي حُطام مُبعثر ضامِر... _هل لكِ أن تجمعي حطامي و تضميني بين ذراعيكِ ؟؟ و تكون كل صباحاتي جميلة كجمال خديك؟؟؟ #ميرا...
