أثاري الحيل هم ينباكَ
و اعزاز اليبوكَونه💔
_________________________&&&&&&&___
أنتَ تنقصني
#ميرال
___________________
باهر
فتحت باب الغرفة واجهتني ظلمتها
شغلت الضوه شفتها نايمة عالسرير بوضع الجنين
رحت كَعدت يم راسها امسح ع شعرها
باهر : يُسر صارلج ٤ اشهر هيج
لشوكت تبقين ع هالحال
حجت بلا ما تفتح عيونها
يُسر : ليش شبيه حالي
باهر : حالج حال الميتين لا تاكلين عدل لا تشربين لا تضحكين لا تسولفين
مجرد ترحين للدوام و ترجعين و تطبخين و تدخلين لغرفتج تخوين من البواجي يلا تغفى عينج
كَعدت من نومتها حضنت رجليها و بجت بصوت عالي
يُسر: ماا مصدكَة مات ماااا مصدكَة عافني و بعد ما اشوفه و لا اشم ريحته و لا اسمع كلامه الحلو وياي
موته مو بس كسرني لا و الله اني متتتت وياه
الي كتله ما كتله وحده
كتلني وياه
ما مقتنعة يعوفني
شلون يعوفني و اني روحه من الدنيا
بعد عندي امل هسه يدخل من هالباب و يجي يحضني و يبوس راسي مثل عادته
تدري البارحة من رجعت من الدوام
جان ع بالي ح اشوفه منتظرني بالشارع و يتلكَاني و يكَلي هلا بنيتي هلا بروح ابوها ، و الزم ايده و يمطرني بحنيته الي غنتني عن الدنيا و ظله الي يحسسني بأمان من اشوفه حوالي
بس ما شفته و لا شفت شي من ذن
و رغم ما جانت الدنيا نهار و الناس تروش
شفت شارعنا أظلم و مخيف و مهجور
عله صوت بجيها و شهكَت بقوة
يُسر: لأول مرة ما احس بالأمان
وجوده جان اماني
خليت راسي ع راسها
باهر: اني امانج و اكسر ظهر الي يتدنى يمج خطوة
لزمت قميصي و صرخت بصوت
يُسر: اررريدددد ابووووووووي
ماااا كَد فراكَه و الله
انهارت و ظلت تلطم ع وجها و تكطع بشعرها
لزمت اديها و حضنتها أهديها
هدت شوية ظلت بس دموعها تنزل
باهر : يا صوت شهكَتج يشك كَلبي شكَ
حجت و هي تشهكَ
يُسر: هاي ثالث مرة يجيني وجهه ثكَيل اروح يكَلي دتعذبيني
باهر : اي يا عيني عبالج الدتسوي صح؟؟
اكبر غلط ترى
عبالج يرتاح من تسوين هيج
لا ترى دتعذبي بكَبره و تخلين باله يمج
اتركي بواجيج عوفي ينام مرتاح ما اكَلج انسي لاا
بس سوي شي يفيده اقريله قرآن، صلي اله، ادفعيله صدقة ، ثوبيله هذن يفيدنه
بواجيج بشنو تفيده؟؟
مسحت عيونها
يُسر: يعني اكَوم اصليله هسه؟
بست راسها
باهر: اي كَومي صلي حتى وراها تسوين شي نوزعه
يلا حبيبي
كَامت تتوضى وراها وكَفت تصلي
انتظرتها نص ساعة بين ما كملت و نزلنا سوى
هي راحت للمطبخ و اني كَعدت يم الولد بالاستقبال
__________________
يُسر
اربع أشهر ما حاسة بطعم الحياة
كل مرة اختلي بنفسي و اتذكر خبر وفاته انهار
ابوي مو شخص عادي حتى انساه بسهولة
هو سندي و قوتي و ملجأي و حبيب روحي
فقده اثر بيه إلى درجة و خلاني اكره الحياة
و احس مالها معنى بلا وجوده
انزل اخلص دوامي و شغلي بالبيت و اصعد اعتكف بغرفتي
دائماً جنت اكَول هذا كابوس مو حقيقة
و ح اصحى منه و الكَى نفسي نايمة ع رجله مثل ما تعودت .....
ابوي جان دنيتي
فكلشششش صعب من تفقد إنسان يعنيلك الدنيا كلها
تحس كلشي طفه بيك و بقيت جثة مسيرة
و الأصعب من يكون رايح و باله يمك خاف يمسك سوء
ورى روحته
إنسان ما تحس بالأمان اله بوجوده
بسماع صوته
يكمل يومك و ينعد حلو من يصبح عليك بحنيته
مااا استوعبت روحته و تدمرت.....
بأختصار
( عندما يُثلم جزء من روحك تتهشم تلقائياً بقية أجزاء و تغدو بعدها فُتاتاً)
يُسر : حسيت و كأنه بجانبي و يمسح دموعي عن خدي
خليت أيدي ع كَلبي و قريتله الفاتحة
طفيت تحت الجدر
و بديت اصب حتى أمير يوزع
كملت و رحت اكَعد يمهم
يُسر: السلام عليكم
-و عليكم السلام
ايسر: اجيتي بوكتج خوية تعالي اگعدي اكو موضوع لازم تعرفينه
يُسر: باوعت ع يسار
رفع رأسه الي و اشرلي اگعد بصفه
گعدت يمه
-احچي ابو هنا صاير شي؟
ايسر: أريد منچ تهدين و تفهمين الي راح احچي بدون ما تنفعلين
قبل يومين عمج دز ناس علينا ينطونا خبر انهُ عمچ باع كُلشي و استقر خارج العراق
وو
يُسر: كمل ابو هنا و شنو
تنهد و باوعلي بحيرة
أيسر: ماخذ فلوس ابوچ كلهن
صفنت و أردفت
يُسر: بس بابا ما عنده فلوس
كل فلوسه يحولهن عقارات
أيسر: لا عنده قرابة ال50 مليون
مالت الگاع الچبيرة شركاء هو و عمچ بيها ع أساس يتقاسموها بالنص هو و ابوچ بس الظاهر حلن بعينه و اكل حصتكم
نزلت راسي
يُسر: خلي ياخذهم عساهن يصيرله دوه
لزم ايدي باهر
باهر :حرام تدعين عليه
تحسبي و سلمي بيد الله
هزيتله راسي
باهر: عمي الله يرحمه مسجل كل أملاكه بأسمج البيت و البستان و عمارة بالبصرة هسه لازم تكملين إجراءات النقل قبل ليتصرف بيهن عمچ و يبيعهن
سنان : ييي يُسر ارجعي قوية مثل قبل لازم تدخلين بنص عيونهم و تثبتين مو يُسر الي يستغفلوها هيچ
ندميهم
كافي ضعف ترى ياكلوچ
صارله عمر متنعم بحلال ابوچ
هسه اجه الوقت حتى توگفي عند حده
يُسر: فتحت حلگي وباوعت عليه بصدمة
ابتسم بجانبية و دار وجهه
بس ظل مراقب تحركاتي بطرف عينه
وكلت باهر بأجراءات نقل الملكية
و خلال فترة صار كلشي بأسمي
من ضمن العقارات جان محلين ذهب
حرت منو يلزمهن بعد بابا ، قررنا اني باهر و خلينا سنان يديرهن
صح مااعرف شنو مشكلته وياي بس الي اعرفه
ما راح يأذيني او يأذي اخوه
طلعت للدوام الصبح لكَيت سنان واكَف كَبال سيارته
سنان: منتظرج يلا تعالي اوصلج
يُسر: باهر يوصلني
دار وجهه و فتح الباب الي
سنان : عنده مرافعة و طلع مستعجل اصعدي
لتخافين ما اكلج
لزمت سير الجنطة كل قوتي و صعدت بالسيارة
حرك و مشينا
سنان : ح افتر من ورى الجامع فالطريق يصير طويل ماشي؟ لان شارعنا بي فاتحة و مسدود مااكدر اطلع منه لتخافين لأن غيرت الطريق
ما حاجيته
ظل شوي و اردف بغموض
سنان: ما عندي اي شي وياج و ما ااذيج ، بس لتأذين باهر
و اذا ببالج تتركي فأتركي من هسه لتخلين اخوي يتعلق بيج اكثر ترى تموتي
يُسر: شنو لزوم هالحجي هسه
سنان: باعي يُسر اني جنت خايف منج تسوين شغلتين
الأولى تطلعين فرد من العصابة الي تهددنا و هذا الاحتمال اضمحل عندي لأن تأكدت انتِ بعيدة عن هالموضوع كل البعد
لو الثانية و هي تعوفين اخوي و بوقتها صدكَيني انهيج
يُسر: شنو مصلحتك بأستمرار هالعلاقة
سنان : صدكَيني ما عندي اي مصلحة منها
بس اخوي يكون سعيد و يكون العائلة الحلم بيها طول عمره
اريده يعيش اجواءها
يُسر: ما توقعتك بهل الحنية
سنان: كلشخص منا يخفي بداخله شعور ما يكَدر يطلعه للعلن ، بس نكَدر نلاحظ هالشعور بأهتمامه ، بسؤاله او رجفة صوته او خوفه
و هذن مو كل واحد يلاحظهن
يُسر: دتفاجأني
سنان: ارجع و أعيد
اليهمني اخوي و بس
ع موده مستعد احرق العالم...
_____________________
أنت تنقصني
#ميرال
أنت تقرأ
أنتَ تنقصني (صبابة الهوى)
Mystery / Thriller_كَيف لَنا أن نفترِق؟ _كيف لنا أن نتفِق؟ انتِ كالجليد و انا كالقبس .. كيف لنا أن نكمل في هذا العشق؟ _داخلكِ نبات زاهر بيما داخلي حُطام مُبعثر ضامِر... _هل لكِ أن تجمعي حطامي و تضميني بين ذراعيكِ ؟؟ و تكون كل صباحاتي جميلة كجمال خديك؟؟؟ #ميرا...
