أنتَ تنقصني
#ميرال
هل تساءلت يُوماً
مَا الذي يَجعّل الشَر بِداخلنا يستشري؟
هل هي رغبتنا بأن نَكون أشرار ،
أم ظرف البيئة التي نشأنا بها؟
#(سنان)
بقلبي
____________
لنخوض في تفاصيل التفاصيل
بعد ٣ ايام من الحادثة
سنان :
وصلت الصبح لمركز الشرطة اني و اسلام نفهم شصار ع قضيتنا
اجانا الأمر بالدخول لمكتب الضابط
كَعدنا كَباله
أسلام: وياك المحامي اسلام أمين اني هنا بخصوص قضية الاعتداء ع منزل باهر صادق
و هذا الأمر بالتوكيل
قدم الأوراق للضابط حنى يطلع عليهن
الضابط: اهلاً و سهلاً بيكم
بالنسبة للقضية بعد التحقيق
تم اعتراف المجرمين و دونا اقوالهم و باجر ناخذهم للمحكمة و هاي أوراقهم
اخذهم اسلام
و يباوع عليه و رجع يحجي وياه الضابط
الضابط: اعترفوا انهم المسؤولين عن قتل فلحي و كشفواا كل الادلة الي تورطهم
و من ضمنهم أداة الجريمة و كيفية قتل المجني عليه
و ساعة القيام بالجريمة
احنا بدورنا سوينا مسح لمسرح الجريمة
و كشف مختصينا صحة هالكلام
أسلام: ليش قتلوا فلحي ؟ و شنو النية من قتل باهر
الضابط: كان نيتهم السرقة، جاية اخبارية اكو حاوية بالبيت مال فلحي ما خالها بالمحلات راقبوا بيته و من عرفوا معزوم بيومها سطوا عالبيت بس فلحي رجع ع نص العزيمة من شافهم تقاوى وياهم و طعن واحد منهم بس كَدروا يخطفوا و يشردوا ع مود يطلبون فدية عليه
من واصلين لوكرهم
هو ضارب واحد منهم بحديدة ع راسه و شارد لاحكَي من شايفي عابر الشرك ضاربين نار فلاقى حتفه...
أما باهر فشاكين بيه نفس الشك
فساطين عليه حتى ياخذون الفلوس و الذهب و يقتلونه
بس الله ستره و كتبله عمر جديد
أسلام: و التهديدات الجاني توصل
الضابط : منهم حتى يوهمكم اهل المرحوم يردون ينتقمون
و بالحقيقة اهل المرحوم اصلاً ميعرفوكم و خارج العراق مستقرين
و استاذ اسلام مقدم دعوى ضدهم و ايدع عريضة بالوقائع و النزاع
و متأكد القاضي راح يصدر حكم باجر و تنغلق القضية
بس لازم تكون موجود حتى تتراجع عن موكلك
نظراً انكم موصبين واحد منهم
اسلام : ماكو أشكال باجر نحضر
مشكور سيدي
سلمنا عليه و طلعنا للسيارة
سنان: تظن السالفة خلصت ؟
جاوبني وهو يحرك السيارة
أسلام : ي خلصت باجر يصدر الحكم و تفض
سنان: ما متطمن لهاي السالفة
أسلام: و لا اني بدايةً عبالي اشتباه او بحكم التعذيب اعترفوا بس اثبتت الوثائق انهم المجرمين
لعلمك هم نفسهم الي صوبوني الضعيف ابو كوشة هو الي أطلق النار علينا نفس العيون و نفس الاصبع الزايد
انداريت عليه فاتح حلكي
سنان : ما فهمت شتكَول
اسلام: بيوم الحادث من تصاوبت
دونت بأقوالي اوصاف الي أطلق النار علينا و هسه تطابقت اوصافه ويه هذا الي قبضوا عليه ببيتكم
سنان: متأكد اسلام
اسلام: ي يخوي متأكد بوقتها جان لازم المسدس بيدي اثنينهم ايده اليمين جان بيها اصبع الزايد و اليسار محروك طرفها
سنان : احس السالفة اكبر من قضية سطو
اسلام: تحسها قضية تصفية محبوكة من كل الجوانب بس وكَع جانب منها و انكشفت لهذا جاي يركَعوها
سنان: بالضبط : هيج احس
يعني اذا حرامية ح يعوفون المحل البي حاويتين و محد حارسهم و يجون للبيت البيه حاوية و ١٠ نفرات
بعدها صارت المحاكمة و صدر الحكم بالجناة و حكمهم القاضي مؤبد
مرت ايام بهدوء و سلام
بين دوامي بالجامعة و شغلي بالمحلات
إلى أن وصلنا لشهر ٣ لحفلة تخرجي
___^^^^^^^^^_^^^^^^^^_
يُسر
بيت أيسر رجعوا لبيتهم و عمي راح وياهم
مرت شهرين عشنا هدوء تام
قطع سلسلة افكاري باهر و هو يحط حب و كرزات كَدامي
انتجى ع رجلي
أنت تقرأ
أنتَ تنقصني (صبابة الهوى)
Mystery / Thriller_كَيف لَنا أن نفترِق؟ _كيف لنا أن نتفِق؟ انتِ كالجليد و انا كالقبس .. كيف لنا أن نكمل في هذا العشق؟ _داخلكِ نبات زاهر بيما داخلي حُطام مُبعثر ضامِر... _هل لكِ أن تجمعي حطامي و تضميني بين ذراعيكِ ؟؟ و تكون كل صباحاتي جميلة كجمال خديك؟؟؟ #ميرا...
