افِز واشتاگ لعيونَك وأعذرنَك
وإلك بيه حچي ما يِنشبع عَنك
آنة المتناقض بروحي
ما اريدك واحبنك
وين ألگه اليشبهك حتى انساک وأمل مِنك
___)(___^__)(_____)
البارت الثاني من الجزء الثاني
صبابة الهوى
#ميرال
لتنسون التصويت ع النجمة ووالتعليق ع الفقرة الي تعجبكم احب اقره تعليقاتكم و اعرف ارائكم بالقصة ...
_^___^_^^_^_^_^_^_^_^_^_^_^^^^^^
سِنان
_انه عم يُسر جنتكم مرت باهر و هذا الوراي ابن عمها الجبير
صفنت بوجهه اعرف ام محمد عدها عم مسافر قبل السقوط، بس ما عبالي راجع هسه
باوعت شفت وراه ولد اثنين اكبر من محمد
تنحيت عن الباب و دخلتهم للأستقبال
قبل لا ادخل الهم شاورت محمد بلا ما احد ينتبه
سِنان: تروح تخابر عنك اسلام تكَله هسه يجي و يجيب بُراق وياه
محمد: خاف يتأخرون عليك
سِنان: لا المكتب قريب علينا ما يتأخرون
و صيح عمك امير يلحكَني و جيبوا جاي و كَل لأمك ما تطلع لو تسمع الدم وصل للركب
محمد: ع امرك
وكَف ع صفحة يخابر و اني دخلت الهم
اجه وراي امير كَعد يمي
بقوا يسألون ع حالنا و يحجون حجي جانبي هواية
لحد ما دخل أسلام وراه بُراق و محمد شايل صينية الضيافة
شربوا جايهم و بده الرجال الجبير يحجي
صاحب : انه صاحب ابو عماد عم جنتكم الجبير ، اصير اخو ابوها من غير ام، سافرت ب٩١ و استقريت خارج العراق ويه ولدي ما عدا الصغير ، انكَطع اتصالي بأهليتي و كَرابتي البقو هنا و ضيعت ارقامهم و مشت الحياة ، لحد ما رجل بتي الوسطانية قرر يجي للعراق هاي السنة وصيته يشوف أحوال اخوي ابو يُسر و شلون وضعه
ورى ما وصل بايام خابرني و تفاجأت من كَال اخوي ميت بنفس السنة السافرت بيهه انه
اكلني الندم و شكَت كَلبي الحسرة ، لأن جنه ما متصافين و بينا خلاف ، و آخر مرة شفته تعاركنا و انجلط بسببي
قررت اجي للعراق و اخذ من خاطر يُسر و أصلح موقفي وياها عاد اعوضها عن الفات
استندت ع طرف القنفة
سِنان: عمي ابو عماد ، تعرف النظام السابق اتهمك بجريمة قتل ابو يُسر لأن الوحيد العندك عداوة وياه و مهدده بالقتل
دنكَ و هو يقبض ع عكازته
صاحب : كَالولي يعمي كَالولي و انقهرت جثير، بس الشاهد الله مو انه الكتلته و لا انه الدزيت عليه
أسلام: العفو منك ابو عماد بس الأصابع اشارت الك
لأن مرة كَتله( اكتلك اكتلك لو يبقى بعمري يوم واحد )
صاحب: قبل جان ماخذني الطمع و الانتقام من فلحي و جثير اذيته بحياته ما خليته يرتاح حتى تعديت عليه و ضربته و اخذت فلوسه، بس من هسه سمعت خبر وفاته سهم و صاب كَلبي ، نار وجرت بيه
اخخخخخ يبنادم( بني آدم ) ما يترس عينك الا التراب
خله إبنه الكَاعد بصفه ايده ع ظهر ابوه و هو يسألني
عماد: ما شفنا باهر ؟
مسحت وجهي و اني ارد
سِنان: باهر متوفي من ٢٠٠٣
رفع راسه صاحب فاتح عيونه
صاحب: و يُسر شلون عايشة يمكم
رديت عليه بأستغراب
سِنان: شنو شلون عايشة ويانا ، غير البيت بيتها و بيت أولادها
صاحب: كَصدي شلون عايشة يمكم لوحيدها و انتم كلكم شباب ، منهو يقبل بهاي ؟
سِنان: شلون لوحدها؟ هذا ابنها اطول مني شوفه راح يتخرج هاي السنة و بتها سنة اولى جامعة و احنا مو غربة اخوانها ربت ويانا
أشرت ع أمير و اني منفعل
سِنان هذا الزلمة التشوفه كَدامك ربته من عمر ١١ سنة و هاي راح يدخل ب٣٠
هز راسه و هو مو راضي
صاحب: صيح يُسر لعد عمك ارد احاجيها شجم جلمة
اشرت لمحمد يكَوم يصيحها
دقايق و دخلت لابسة عبايتها و حناكها
وكَف صاحب يريد يتقدم الها هي سلمت عليه من بعيد و كَعدت بطرف الاستقبال يمها محمد يباوع عليهم بخزرة
كَعد عمها و هو يسألها
صاحب: شلونج يعمي اجيت اخذج وياج
رد عليه محمد بغضب و هويسأله
محمد: وين تأخذها حجي
جاوبه صاحب بعزم
صاحب: وياي لبيتي ، امك مالها كَعدة بهذا البيت ورى ما مات رجلها ، شني ما عنده غيرة ، شلون نأمن ع عرضنا يبقى بنص الزلم ، نوب عزبة( ارملة)
ضحكت يُسر بأستهزاء
يُسر: هسه ما اتأمن ع عرضك ؟ بس قبل من كل أسبوع تدز واحد يشيلنا من بيتنا و يشمرنا بالشارع اليروح و اليجي يباوع ع عرضك بوقتها عندك غيرة
زين عوفنا من هاي
من عاركت رجال جبير ما اله بأذيتك و دخلته المستشفى و انتَ بايكَ فلوسه و خليتني اتوسل بالاطباء و الناس ع
فلوس العملية بوقتها عندك غيرة ؟
من قبلت ابقى لوحدي بالمستشفيات بنص الزلم ، آمنت عليه ؟؟
صاحب: الفات مات
قاطعته و هي توكَف
يُسر: لااا ما ماتت ، عايش بذاكرتي و حافر كَلبي و اتذكره موقف موقف بالتفاصيل
وكَف محمد يم امه
محمد: خصم الكلام و من الأخير انطيها الكم
امي ما تطلع منو هالبيت لأن ملكها و ملكنا احنا اولادها
تريد تجي تزورها كل فترة
كل الهلا بيك نخليك ع راسنا
غير هذا ما الك يمنا شي
سِنان: و اني ويه ابن اخوي و اشد ع ايده
مؤيد موقفه
تقدم صاحب يريد يسحب يُسر و هو يصيح
صاحب: ولججج يُسر شادة ظهرج بهذا فرخ البط
صار كَباله محمد و هو يمنعه يوصل لأمه
محمد: عنننندك ، لتخليني انسى عمرك و انزع أخلاقي وياك بتصرف ميعجبك
يُسر: ديربالك تفكر مجرد تفكير تمد ايدك لو تسوي شي
اثنين قانوننين كَاعدين اخليهم يشوفون شغلهم وياك ، و بعد بابي لتوصلونه ، نفس ما نسيتنا قبل انسانه هسه
عوفنا مرتاحين منك
وكَفت بينهم و اني اهدي الموقف
سِنان: سمعتوا ام محمد بعد ما اعتقد الكم اي كلام وياها
ضرب عكازته بالكَاع
صاحب: تطلعين عن شورري و توكَفين ضدي
انه اعلمج ، خلي المحاكم تفيدج اذا ما اخليج تشبريها شبر شبر و اني ماخذج وياي لبيتي ما اطلع ابو عماد
أسلام: هذاا تهديد صريح لبنت اخوك و استهزاء بالقانون العراقي سمعت بُراق سجل يمك
بُراق : سجلته يابة
عافنا صاحب متجه للباب الرئيسي طلعنا وراه سمعناه و هو يفشر علينا
اسلام: سب و قذف و تشهير هاي دعوة ثالثة سمعت بُراق سجل يمك
بُراق: سجلته يابة
طلع يهف بعبايته ، سديت الباب وراه
رجعنا دخلنا جوه نحجي بالمصيبة الاجتنا
أسلام: بالقانون ما يحقكم بشي
و العشائر ما راح يلجأ الها كونه مطرود من عشيرته فعيشوا بأمان
يُسر: و اذا رجعوا العشيرة يحقنا؟
اسلام: لا لأن البيت بيتج ورثتي من باهر الله يرحمه و عندج اولاد عايشة وياهم هنا مو ما عندج و كَاعدة عدهم
سِنان: عمج هسه اجيتي ع باله و ذكرج؟
يُسر: وراها شي جيته ما يجي منه لله
اردف اسلام و هو يؤيد كلامي
أسلام : صح كلامج هم هيج تبين الي ، زين ام محمد اكو بعد شي عمج ما اخذ حصته منه
يُ: لا ابو بُراق، كلشي انباع ورى السقوط و هو اتنازل عنه الي و اني دفعت حصته نقداً و تم اتصالها و استلامها من قبله و هذا الحجي ب٢٠٠٦ و الأوراق الي عندك تثبت هالشي و الشهود موجودين
سِنان: هو مخلي عينه ع بستان ابوج
بُراق: البقينا بيه بالسقوط
يُسر: ذاك حصة امي من أهلها و لكون خالي اتوفى و جهاله وياه صار الي ، هذا حصة بابا كاتبه اله جدي من زمان
رد عليها أسلام و هو يسحب بطل المي
أسلام: تذكرته هو نفسه الي تعارك وياكم ع موده قبل عرسكم انتو و باهر
يُسر: هو رايحه من زمان
سِنان: المهم ما اله شي يمج
اردفت بتأكيد
يُسر: و لا ملم ، انطيته حقه و فوكَه
اسلام: هذا هو، اني اتصرف اذا قدم شي قانوني
سِنان: و يمي اذا راح للعشاير
استأذنت يُسر و طلعت من يمنا
بقينا نتناقش لوحدنا
لليل بقوا يمنا أسلام و ابنه و احنا ندستر القصية و نطلع عقود البيع و الشراء اتصل أسلام بالشاهد ع استلام صاحب كل حقه و اتفق ع موعد
اندكَ الباب و اجه ضباب
ضباب: اعذروني ، جنت مطلع اهلي للزيارة و هسه رجعنا و اجيت عليكم كَبل ، شسويتوا
كَعدنا نحجيله عالقضية
انسحبوا محمد و بُراق و طلعوا برى بينما احنا ملتهين
_^_^_^_^_^_^_^_^_^؛_^
ارجوان
طلب محمد كلاصين عصير و لفات
كملتهم الاكل و طلعت برى شفتهم كَاعدين بالحديقة عالكراسي محمد ملتهي يخابر
رفع بُراق راسه ناحيتي و نزله و هو يضحك
انطيت الصينية اله لأن محمد ملتهي
أخذها من أيدي أيدي شكرني
بُراق شكَراً و آسفين ع الازعاج ما ودنا نتعبج بس الظروف حكمت
ارجوان: بالعافية مقدماً
سد محمد التليفون و اندار عليه بعد ما أخذ لفته و اكل منها
محمد : لفاتج طيبة لدرجة عبرتي كل مطاعم بغداد ركض ، سمعتِ سجلي عندج
ارجوان : سجلت يابة
محمد: و ها نكهات العصير متناقسة هاي نقطة تنضاف الج ، سمعتِ سجلي عندج
ارجوان: سجلت يابة
باوع علينا بُراق بطرف عينه
بُراق : حضرتكم ناصبين عليه
اني المحامي بُراق انتو مسويني نكتة
ارجوان: محامي الا سنة ، سمعت محمد سجل عندك
محمد: سجلت بعد كَلبي
سحب خالو ضباب كرسي و كَعد بصف بُراق و جر لفته من ايده و بده ياكل بيها
بُراق : الف عاااافية ، تنزل شفاء ببطنك
انطاه محمد نص من لفته و هو يضحك
محمد: مدري ليش احسه دعوتك بالمكَلوب
ضباب: لا تحط عينك عليها لا اتسمم
اتجهت للمطبخ و اني اسأله
ارجوان: خالو اجيبلك عصير؟
ضباب: لا أريد كَهوة اذا بيها مجال راسي راح ينفجر
ارجوان: خالتها ع النار ثواني بس اصبلك
محمد: وياج فنجان لبُراق
هزيت راسي و دخلت صبيت الهم و رجعت انطيته لمحمد
اجيت ادخل وكَفني بُراق
بُراق : صار يومين من انفتح التقديم ، قدمتي لو بعدج
ارجوان: عمو سِنان وصي صديقه يقدملي يعرف بهذهِ الأمور
محمد: هي درجتها ويه الإضافة تقبلها صيدلة و احسن الها من تعب الطب بس ماتقنع
بُراق: معدلها عالي يطلع الها طب اسنان، خليها بواهسها تختار المجال الي تبدع بيه
محمد: ببالها فنون رسم ع تصميم و هيج أشياء
بُراق :كملي و ادخلي فون حتى تكَدرين تاخذين دورات
ارجوان: بعد ٥ سنين اقدم ، منو عايش لوكتها
بُراق: عايشين بعد عدنا عمر
ضباب: عمريش هالراسك صاير نصه ابيض
رد عليه بُراق ببرود
بُراق: خالو حبيبي هذا اسمه وراثة ، عائلتنا تشيب بالعشرين
التفت عليه ضباب و هو فاتح عيونه
ضباب: خالو شنو ترى احنا نفس العمر
ضحك بُراق بأستفزاز
بُراق: لاااا وين بينا ١٠ سنوات تصغر نفسك كَوة
محمد: انتَ مو مصاحب شارع المتنبي و السنك من الحد للحد و كلهم شياب و كبار بالعمر
بُراق: هم صح شفرق ضباب عنهم
قاطع حديثهم خالو ضباب
ضباب: ارجوان اكو فلوس يم ام همام جيبيهم الي بلا امر العليج
ما كِدرت ارد عليه بلعتها و صعدت فوكَ
دخلت لغرفة عمة رحيق لكَيتها متممدة تلعب لعبة بتليفونها ، غلقت تليفونها ووكَفت يمي تسألني
رحيق: ها رجوة تعالي حبيبتي بيج شي
ارجوان: لا عمة ،خالو ضباب دزني يريد فلوسه الي خالهم يمج
صفنت بوجهي دقايق مثل المصدومة
بعدها اتجهت لكنتورها دورت قريب الربع ساعة بعظها طلعت منه فلوس و انطتني
رحيق: لكَيتهم هاج خليهم بهذا الظرف و انطيهم اله
و كَوليله امر عليهم باجر الكَاه بالبيت
ارجوان : ماشي عمة، يلا اني نازلة
نزلت الدرج و طلعت للحديقة لكَيته كَاعد بس هو صافن عالفنجان قطعت صفنته و اني اخلي الظرف كَباله
ارجوان: اذا تريد جيرانه تعرف تقره كف و فتحان
ليش تبقى دايخ بفنجان
رجع نفسه عالكرسي و هو يشبك ادي لصدره
ضباب: اها و انتِ منين تعرفين تقره فنجان
ارجوان: كَالولي
ضباب: ما كَالولج أبتعدي عن بُراق و لتتقربين يمه ليش تخليني اطلع عن طوري
ارجوان: و شنو شفتني كَاعدة بصفه و اكَرك وياه سوالف
شو حديث عادي و اخوي جان موجود
لا هو تجاوز حده بالكلام و لا نظر نظرة سيئة
فكلامك و تهديدك ماله داعي
لأن مااخاف منه و لا اخذ بيه خالو
وكَف و هو يتقرب مني صار كَبالي بمسافة قريبة و هو يخزرني
ضباب: تكفي شري ارجوان
رجعته الخزرة
ارجوان: انتَ تكفى الشر ، سكتت مرة مرتين عن تهديداتك اكَول لخاطر عمة رحيق تبقى قريبها
صدكَني اذا انعاد تصرفك هذا مرة لخ اضطرر احجي لخالو سِنان و هو يشوف حل وياك
لأن هالوضع ما عدت اطيقه
رفع حاجبه بضحكة
ضباب: متحملة عليه ست أرجوان
رفعت أيدي لانفي
أرجوان: كلششششش، واصلة وياك لهنا
صفكَ
ضباب:كله هذا و راح ابقى فقير كلام كِدام لسانج
بس كَليلي هو يكبر وياج ؟
هزيت راسي بيده و عفته اريد ادخل
جر طرف ردني
ضباب:اعتقد سِنان كَايلج من واحد يحجي ميصير تصيرين ظهرج الا يكمل كلامه
فما بالج اذا كان اكبر منج بالعمر
سحبت طرف ردني
ارجوان: و انتَ كِلنها يحجي وياي مو يهددني ، فما مجبورة ابقى أسمعك
طلعت عمة رحيق وكَفت يمنا
رحيق:روحي رجوة ادخلي جوه
باوعت عليها بزعل
ارحوان: عمة حاجي ابن اخوج خلي يبطل مني
ضباب: ما ابطل شسوين
رحيق: اشششش ضباب ، يلا رحوة ادخلي اني احاجي
دخلت و اني اباوع عليهم ، شفته يباوع عليه اشر الي ادخل جوه ، طلعتله لساني و دخلت اسمع صوت ضحكته .
€^_^_^_^_^_^^_^_^_^^
رحيق
كَعدنا لنفس المكان الجانوا كَاعدين بيه
خله رجل ع رجل و هو اشرلي بيده احجي
رحيق: اني احجي لو انتَ ، لو اريدك تحجي حتى افهم منك
ضباب: شنو تفهمين؟
رحيق: افهم شتريد من رجوة؟ و شنو معنى تصرفاتك وياها؟
شباب: شمسوي؟
رحيق: ساعة تحاسب ع الطلعة ، ساعة ع اللبس ، ساعة تمنعها حتى تسلم ع بُراق او تحجي وياه
و انتَ تعرف همه رابين سوه و معتبرته مثل محمد
ضباب: اي هاي ارجوان، بس هو ما معتبرها هيج ،
شايفة حاله ينكَلب من يشوفها حلكَه ينشكَ من الضحك ، و يسترق نظرات من جوه الجوه
رحيق: شدخلللك ضباب شدخلك؟
شنو معنى هاي التصرفات
رجع نفسه و هو ينتجي ع الكرسي و يخلي ايده بصف فمه
ضباب: تصرفاتي ما اشوف بيهه شي مو طبيعي
كأي اخ يخاف ع اخته و يريد يحميها
ضحكت و اني افك حلكَي
رحيق: هه كأي اخ؟؟؟
لعد ليش محمد ميسوي مثلك
ليش انتَ حساسيتك زايدة ؟
ضباب: متوهمة، انتِ هيج تحسين
رحيق: ضباب ليش تغشم روحك
انتَ تحب ارجوان
انتفض بعصبية
ضباب: لااا ما احبها و مستحيل احبها نسيتي منو جدها
رحيق: منو أقرب لجدها هي لو سِنان
ليش انطيت لسِنان و ابووو كاتل ابوك
سكت ،
رحيق: هاا ضباب لتسكت جاوبني
ضباب : لأن ما ماخذ سِنان بذنب ابوه ، و انتو جنتوا متراكمة ويه سِنان و متفقين
ليش اوكَف بقسمتكم
رحيق: لعد ليش تأخذ ارجوان بذنب جدها؟
ليش تعذب روحك ؟
ضباب: شبيييج شمعذب روحي شنو شفتيني كاسي بيدي و ابجي عليها
اصحي عمة اصحي
رحيق : زين ، عوفنا منك ، باجر البنية راح تنتبه لتصرفاتك هاي و يجوز تعجبكم تنعجب بيك و يجوز الإعجاب يكبر و يصير حب
ضباب: لا ما يصير
وكَفت و اني احذره
رحيق: ارجوان أبتعد عنها مدام هاي نيتك و هيج تفكيرك ،لا تأذي البنية بمشاعر انتَ ما عارف شنو هي و لا معترف بيها ، ترى إذا اذيتها اني احركَك قبل ليحركَك سِنان
ضباب: المختصر من هاي كَعدتج شتردين عمة؟
رحيق: تبتعد عن البنية و متدخل بيها
عوفها هي تعرف شتسوي ، و من تغلط كَل لأهلها هم يتصرفون لتدخل نفسك
ضباب: اي صار
طلع سِنان و هو يتقدم علينا لزم أيدي
سِنان: شبيك ويه عمتك ليش معصبة منك؟
ضباب: اجتني ع هالحالة ما سويت الها شي
سِنان: فنننك تسوي
ضباب: روحي لمي هدومج؟
رحيق: و الله موتتني ، باجر اجيكم كَالت الك رجوة
ضباب: لا مكَالت
سِنان: يلا احنا نكَلك غدانا يمكم باجر
طلع علينا محمد الوردة هو شايل يُسر و رجوة تركض وراه تبجي ، ركض الهم سِنان و هي يفتح الباب
سِنان : ابقى يم عمتك ضباب
ضباب: روح اني هنا، بس نو تعوفنا منتظرين خابرونا طلع سِنان و هو يشغل سيارته ، صعدت وياهم رجوةو هي تحضن امها تضرب ع خدها تصحي بيها
طاروا بالسيارة للمستشفى
_^_^_^_^_^_^_^__^_^_^_^
ارجوان
وصلنا للمستشفى و نزلنا امي فحصوها لكَينا بُراق قبلنا ظل واكَف يهدي بمحمد بس عينه الي، ورى نص ساعة طلع الدكتور و هو يهدينا
الدكتور: تطمنوا صاعد عندها الضغط و نازفة ، هسه عالجتها و شكلنا الها مغذي
محمد: ماكو خطورة عليها دكتور؟
الدكتور: لا هبط هسه و كَعدت ، تكَدرون تطلعوها
ما عليه أي شي
بدلت الها العلاج جيبوا من اي صيدلية برى ، عدها العافيية
سِنان : مشكور دكتور ما قصرت ، نكَدر نشوفها
الدكتور : اي تكَدرون ، بس مو كلكم حتى لا تتعب
محمد: خلي رجوة تدخل الها بين ما اجيب العلاج و اجي
سِنان: اوكَف اروح وياك متروح لوحدك دنيا ليل و الوضع ما يطمن
بُراق : اني باقي يم عمتي و ارجوان
هنا بالمستشفى ما علينا شي
سِنان: ما نتأخر عليك
بُراق: اخذوا راحتكم عمي
طلعوا و اني دخلت الهه بستها من كل وجهه و اني اتطمن عليها حجت وياي شوي و رجعت نامت ، طلعتني الممرضة
اجاني بُراق وكَف يمي
بُراق: ها شلونها
ارجوان: احسن صارت زينة كَعدت حجت وياي و هسه رجعت نامت
بُراق: الحمد لله أمسحي دموعج ليش تخوفينها
من تشوفج تبجين شلون تصدك ما بيهه شي
مسحت دموعي و اني اكَعد ع الكرسي
ارجوان: راحت روحي من شفتها غركَانة بالدم و ما تصحى
بُراق:هي اليوم تعبت و انقهرت اكيد يصعد عدها بس ترتاح، ترجع طبيعية لتخافين
أرجوان: شلون اجيت منو رحتوا
بُراق: من دخلتي لمحمد تصيحي جنت متصل بيه و سمعتكم ، وصلت قبلكم خاف تحتاجون شي
أرجوان: سلبنا راحتك
ضحك و فرك عيونه
بُراق: كلشي لخاطرج فدوى ، مو شي مهم راحتي
دنكَت راسي و اني اسكت هو ظل واكَف يمي
رجعوا عمو و محمد و دخلوا شافوا ماما
تأكدنا من صحتها و طلعناها رجعناها للبيت
اول ما دخلنا صار بوجهنا ضباب تقدم النا يريد يسألنا ، لمح بُراق تبدلت تقاسيم وجهه
باوع لجهتي تجاهلته و اني تدخل امي جوه
ساعدتني عمة رحيق صعدناها لغرفتها
لكَبتها مغيرة الشراشف و المخاد
يُسر: ليش تعبتي نفسج رحيق جان عفتيهن رجوة تبدلهن من نرجع
كَعدت يمها و هي تفرك اديها
رحيق: هيج صارت يُسر ، تعزلين شغلي عن شغل بنتج
شنو ما حاسبتني من عيال بيتج
اني احسن شي الي اروح ويه ابن اخوي ، اذا هي يُسر هي تسوي بيه ، سِنان شيسوي
غطت عيونها امي
يُسر: بده النكد، الله يساعدك يِسنان
ضحكت رحيق و هي تبوسها
كَعدت يمها
ارجوان: اليوم انام يمج اني
يُسر: ما بيه شي ماما
ارجوان: اي اعرف بس اني اريد انام شنو تطرديني
يُسر: تعالي تعالي انومك مثل من جنتي صغيرة
رحيق: سِنان رجوة يكَول جانت عكرة عكس محمد و لازم تبقون شايليها من نزلها تبجي
يُسر : و متنام اذا مو ع صدر باهر
ظلينا نحجي لحد ما صاح عليها عمو سِنان و راحت
نمت يم ماما بيومها و هي حاضنتني و محمد كل شوي جاي يتطمن عليها
مرت الايام و رفع صاحب قضية ع امي انها ما منطيته حقه من الورث و عايشة بأملاكه، كَدر عمو سِنان و عمو أسلام إثبات العكس للمحكمة بالأدلة و بالشهور و انطلقت هالقضية للأبد بس ما اختفى صاحب من حياتنا
اجه الدوام و دوامت مرحلة اولى ، انقبلت بنفس جامعة اسراء ، فسجلني عمو وياها ، دُرر ويانا انقبلت بايو ( احياء) بجامعتنا بس مليتها بعيدة عن كليتي
شكلت ويانا بالخط ، بُراق يجي لاخته بين فترة و فترة لان بغير جامعة ، مرت السنة الأولى كَدرت انجح بيه بتفوق
و بالسنة الثانية من بده النصف الثاني ، هنا انشغلنا بحفلة تخرج محمد
أخذنا وياه محمد للكلية حضرنا صورته اول شي
اصطفوا و بده المصور يرتبهم
و من رموا القبعات دمع عمو سِنان و هو يباوع لمحمد و يتنهد بحسرة ، و امي شبعت بجي و هي تطش عليه جكليت
كمل الصورة و نزل اخذ كم لقطة ويه امي و عمو سِنان
وكَفت يمه عمة رحيق
محمد: استاذتي الغالية التنقص الواحد اذا تنفس الي شرف اخذ صورة وياج اجومها و اخليها بغرفة بعمي سِنان
رحيق: هههههههه طالب متفوق انتَ
سِنان: شنو هالرسميات شحال لو ما مكَابلين وجوه بعض بالبيت و بالكلية
كملنا و احتفلنا وياه و رجعنا للبيت
جانت امي عازمة الكل ع عشى ببيتنا بمناسبة التخرج
وصل اول واحد عمو ايسر و عائلته و هو يهوسون و يركَصون وراهم وصلوا بيت نصر عمتي رحيق انكَلب وجهه حتى ما سلمت ع مودة
سوت نفسها انشغلت بالمطبخ
وصل عمو أسلام و محمد وراهم ضباب و عائلته
اجتمعوا كلهم بالاستقبال و طلعن اسراء و مودة و دُرر يساعدنا بالصب
صبينا للولد بالاستقبال و النا وحد كَعدنا بالصالة
بعدين تعاونا ع غسل المواعين كملت و صاحتني اسراء كَالت تعاي اني بالحديقة طلعت للحديقة ما لكَيتها
اجيت ادخل صار بوجهي بُراق
بُراق : اني كَلت لاسراء تجيبج هنا اريد اكلج شي
ارجوان: اي كَول شنو تريد
تعرق جبينه رفع منديله يمسحه
اخذ نفس عميق و هو يفجر القنبلة
بُراق: ارجوان : اني احبج و اريد احاجي اهلج حتى اخطبج
ما حسيت الا برفسة خلت بُراق اتكوم كَدامي
و وكَع عليه ضباب بوكسات ...
_^_^_^_^^^^
قراءة ممتعة
قفلة خفيفة
_^__^^__^^^
ميرال
شنو تتوقعون يصير
أنت تقرأ
أنتَ تنقصني (صبابة الهوى)
Mystery / Thriller_كَيف لَنا أن نفترِق؟ _كيف لنا أن نتفِق؟ انتِ كالجليد و انا كالقبس .. كيف لنا أن نكمل في هذا العشق؟ _داخلكِ نبات زاهر بيما داخلي حُطام مُبعثر ضامِر... _هل لكِ أن تجمعي حطامي و تضميني بين ذراعيكِ ؟؟ و تكون كل صباحاتي جميلة كجمال خديك؟؟؟ #ميرا...
