و هسة مادام أنتهينا
أسمحلي أذَكرك ،
خلي أذكرك من بدينا ..
لمّن چانت
تهدل متّون ألسوالف
واحنا لسة بـ ( عــزّ ) حچينا
لمن چان
العتب نظرة،
الشوگ نظرة
وحتى نار الغيرة نظرة،
والجريء الـ بينا چان لسانة عينة
أرد أذكرك ..
من گلتلي، هواية احبّك
گتلك ابشر
وآنـة هماتين احبّك .
چنه فقرة،
لكن اتذكر وكتها
الدنيا صارت بين أيدينا ..
ومدّة عدت،
و ألتقينا
و مُدّة عدت،
و أنجرحنا
ومدري ياهو الخان بينا !
و مُدّة عدت،
بيها حيل اتغيرينا ..
واحد على ألثاني صار يريد زلة
و دسنة فوگ جروحنا
وقصدًا مشينا
و ألتهينا..
ولبسنا گلوبنا ثياب الكرامة
و أحنا نعرف
بين كُل خلّ وخليلة
مبهذلة ثياب الكرامة
وعاندينة
والحچي يطول حبيبي..
و أنتَ تتذكر غناوينّه وبچينه
وصح بِعدنه
وصح چوينا گلوبنا وغصبًا جفينّا
لكن محلفة الساعة
تگول إذا لحظة نسينا
و أنتهينا
وهم اخبرك
للأسف موش أنتهينا
لچن يبني،
وحگ عينك من اغمض
تردّ ذيچ ايامي كُلها
وهيچ أحس هسه أبتدينا
و أنتهينا🖤..
_________________________
أنتَ تنقصني
#ميرال
____________^^///%%%
يُسر: ترجع..
سِنان: لو تصير النفس ، افضل اموت و ما اتنفسها
يُسر: عرفت أسبابها
سِنان : اسباب واهية
يُسر: تشوفها مو مُقنِعة ؟
هز راسه بأي
يُسر:خاف اكو شي بعدك ما تعرفه؟
او هي ما تريدك تعرفه جرب تسأل اخوها او صديقتها او شخص مقرب عليها
لم شفته بحزن
سِنان: ما عدها مقربين بس اني
يُسر ، تصورين بعد حب ١٢ سنة أختارت تضحي بيه ع حساب مصلحتها
ضحك
سِنان : من أصفن الها اشوف نفسي شكَد غبي
كل الإشارات جانت تدل ع انها تستغل مشاعري
بس تجاهلت هالشي و مشيت وياها عمياوي مأمن بيها و مأمن هي تحبني
رفع راسه و ضرب ع كَلبه
سِنان : غبي
يُسر: مو غبي ، عاشك بكل حواسك ، ربي يكتبلك البيه صلاح كَلبك
تنهد
سِنان : شكعدج ولج جنتِ نايمة جنج قتيل
يُسر: ترى قبل رررررربع ساعة نمت جان بحضني
فزيت عبالي بعده يمي
شفته ماكو كَلت ابوه أخذه طلعت ادورهم
لكَيت البوكَة عندك مو عند ابونا
سِنان : عمي شبوكَ جنه فتيلة مال صوبة ع حوره ابوكَه
دهاج هاج ابنج اولي انام
يُسر: اي عفية باجر جايتك بضاعة للمحل روووووح ع مود نكَعدك من غبشةب٦ هيج
سِنان : شنو ترديني اصب المحل بالذهب لو ابيعه؟؟؟؟
مكَعدتني ب٦ شعندج ، صدكَ تحجين الولد كَال ويه صلاة الظهر تلكَاني يمك
عود كَعدوني ب١٠ ابدل و اطلع
باهر: شبيك وياها ولللك
سِنان : تعاااال عمي تعال اخذ مرتك
ساعة مسويتني بايكَ ابنكم
ساعة تريد تطلعني اشتغل ب٦
باهر : هاي زين ، قبل شوي تريد تطلكَ لأن ميقبل ينام
سِنان: ارجع للدكتورة كَلها سويتي الها ولادة
لو شنو ، شو مرتي اندار عقلها
يُسر: عقلي يوزززززن بلدد
سِنان: خايبة ما كَتلج تعاي اكَلج
رجع تربع يمي
سِنان: الدكتورة السوتلج العملية تذكرتيها
كَرصه باهر من ايده
سنِنان: اخخخخخ
وخرت باهر منه و اني ارد عليه
يُسر: الشكَرة تذكرتها شبيها احجي
سنان: وجج هاي جانت حبيبة رجلج قبل
طلعات و طبات و الوات بيهم
باهر: جذاب لتصدكَي
سنان و الحسن يخلص الليل الو صبو الو صبو
عبالك عاشكله دجة مال باب صبة و صبة
شببببببييييك تكَرص
باهر: انسسسسردت شبيك
صوج اليخابر يمك امدااااك
يُسر: يعني صدك جنت تخابرها
باهر: لا شوفي هي امي وكَعت و اخذتها الها و هناك هي اخذت رقم امي ع مود تطمن عليها و عيونج مو اني انطيتها
و هي تتصل و تطلبني بالاسم خابرتها شفت شتريد و مررررررة و الله مررررررة طلعنا تعشينا سوه و هاي هي
سِنان: جذاب رادت تبوسه و دافعها هذا الحجاه هو
الصدق محد يعرفه يجوز ما دافعها محد يعرف خوية
يُسر: و اني اكَول طول الوكت تخوزر و تنتر
طلعت مال عشيكَها و انه مادري
سنان: و هااااا وكَفت تحجي وياه من طلعتي من العملية و تعاتبه شلون تزوج و هي متدري
يُسر: باهر اليووووم
باهر: بس صلِ ع محمد و اهدي و كلشي ينحل
التردي يصير
يُسر : اللهم صلِ و سلم عالنبي
وووووووين تروححح مني ام شعفة الصفرة عندي مراجعة يمها الا اشوفها نجوم الظهر انييي الها
انداريت ع سنان
و انتَ ابو صماخ كَوم نام لازم تسمعني يلا ترتاح لغرفتك ماريد اشوفك و اخذ اخوك وياك
سنان: ما تردين ناخذ محمد ويانا بما انج ما تردين ابوه هم هو ما تردي
يُسر: انتو بس وخررررروا مني و عوفوا ابني و اني اصير بخير
يلاااا فوك يلا يلا شوفوني ظهركم
باهر : اهدددي بروح ابوج و نتفاهم الصبح
ماشي حبيبي بس ع كيفج لتحركَين دمج
وراج الرضاعة الطفل شذنبه
يُسر: ولككككم ما خايف عليه خايف ع إبنه
دفعه سنان للدرج
سِنان: دفووووت فوتت هو يصلح موقف ، فكَس عينه
صعدوا فوكَ و اني اخذت ابني و دخلت جوه لغرفتي
___^^__^&&______&&&&&&&___^_
مودة
ذلّك الذي ضَمّد جراحي حيّن نزفها
و ضّمَني الى صدره عندما كُنتُ وحيدة
اطلقتُ سهماً مسموماً و غرسته
في قاع قلبه و تركتُ روحهُ تُصارِع سكرْات الموت الشديدة
لم يَكّنْ خطأهُ
بل خطأي باتخاذ قرارات غير سديدة.....
______
حميد : متأكدة مودة ، هذا زواج مو لعب جهال
فكري عدل بعد عندج وقت اخذي راحتج بالتفكير
مودة: بابا اني فكرت كل الزين و موافقة ع نصر
حميد: بس بابا اشوف ابن عمتج شاريج و رايدج و هم تبقين هنا يمنا قريبة
ليش تبهذلين نفسج و تتغربين بدولة اجنبية و اطفالج يربون بعيد عنا و منعرف شبيكم ما بيكم
شجابرج يا بابا
مودة: بابا اني ماريد ابقى بالعراق بعد
حتى كليتي ح اتركها ، عود اقدم هناك اذا صارتلي فرصة
و ترى انتم وياي تسافرين
حميد : بابا اني ما اترك العراق ع كَص ركَبتي
مودة: مجبورين نتركه و نشوف مصيرنا بغير دولة
منو كَلك مراح يرجعون يجرونا مرة ثانية للسجون
مدام عادوك ، معناها راح ينهون حياتنا يلا يرتاحون
حميد: سافري ويه زوجج اني باقي هنا
كَعدت يم رجله رجله اني اتوسل بيه
مودة: اذا مخايف ع روحك ، خاف علينا ،
شلون اذا رجعوا اخذوا امي و هي عدها ذبحة شيصير بيها ، زين كرم اذا اخذوا وين تلكَاه بعد هاي اذا بقى عايش ، مسرة صح جانت عند خالتي المرة الفاتت
بس المرة النجي شلون تمنعهم ياخءوها و هي طفلة ؟
يابة اذا هالمرة كَدر باهر بعلاقاته يطلعنا من حلك الأسد
باجر منو يكَول ما يجرون باهر ويانا
فدددوة فكر بينا
مصلحتنا تقتضي نعوف العراق و نسافر
ليش تنهي حياتنا ببقائنا هنا
شعدنا بالعراق؟؟؟
انتفض و هو يخلي ع وجهه
حميد : شلون اعوف اهلي و ناسي و بيتي و شركاتي و اروح للغربة
ماااكَدر انزرع بكَاع مو كَاعي
أنت تقرأ
أنتَ تنقصني (صبابة الهوى)
Mystery / Thriller_كَيف لَنا أن نفترِق؟ _كيف لنا أن نتفِق؟ انتِ كالجليد و انا كالقبس .. كيف لنا أن نكمل في هذا العشق؟ _داخلكِ نبات زاهر بيما داخلي حُطام مُبعثر ضامِر... _هل لكِ أن تجمعي حطامي و تضميني بين ذراعيكِ ؟؟ و تكون كل صباحاتي جميلة كجمال خديك؟؟؟ #ميرا...
