سواد الليل يطفه وتبقه الالوان
واعيد بذكرياتك والمشاهد
كاظم اسماعيل الگاطع ♡
______________________
بقلم ميرال
///////////
_باهر :تتزوجيني يُسر
يُسر : ءء أعتقد حاجين بالموضوع سابقاً
ثانياً صدكني ما نتوالم
ثالثاً اني مراح اتحمل تصرفاتك مرحبا طلباتك تالي اللليل و انتَ مراح تتحمل نكي و غيرتي عليك
تقرب عليه و هو يكول
باهر _اسمعي رأي ابوج و عيدي تفكيرج بالموضوع مراح تخسرين شي صدكيني
أعترف قبلج لاعب شاطي باطي بس و حق عيونج من يوم الي حبيتج بطلت كلشي
و اتجهت للطريق الصح و هاي صارلي كدامج ٣ سنين و انتِ شاهدة ع تغيري و شلون صرت هسه..
اني متسمك بيج بكل جوارحي و ح اظل متمسك بيج و اطلبي مرة و مرتين و الف
لحد متقبلين
حالياً ح اكتفي بهذا الكلام
مراح اسوي اي شي انتظر موافقتج
و ووعد اذا وافقتي اترسلج الفرع وجهاء و شيوخ و قادة
بس انطيني فرصة ، فرصة وحدة حتى اثبتلج اني استاهلج
دار وجهه و كال
باهر : يلا اودعناج
وصل يم الباب دار وجهه عليه و كال بضحكة
باهر : اذا موافقتي هالمرة ادعي عليج يم شباج العباس كون يسطرج سطر
يُسر: يااااااااااا تدعي عليه تريده يسطرني؟
باهر :و الله بهذلتيني و شليتي حالي راح ابدل الموجة من ادعيلج إلى ادعي عليج
عافني و طلع يضحك
لكاه اخوه يهز جتف و يغني
امير:عرس اخوي هيل و طش بالولاية
_ييييي هاي الرادها و هاي التمناها بنت الشيخ لابن الشيخ جبناها
و اخذ الشارع طول بعرض
يهز و يركص
يُسر: ظليت فاتحة حلكي عليهم
هذول كلهم طلعوا مو صاحين
سديت بابنا و دخلت
€____€
باهر
دخل أمير وراي يهز و يهوس
لاكانه سنان و اخواني الجبير ايسر يريدون يطلعون جان يكابله سنان أمير و يهز وياه
سنان: منو عرس ولك
امير: باهر ح يعرس حبيبييييي
باوعلي و هو متفاجئ
سنان : هاااا قبلت
هزيتله راسي جان يهلهل و رجع يهوس
سنان _اخووونا خوش اخو يستاهل الهوسة
طبك وياهم عالخط ايسر
ايسر: فرررح كلبي يوم الدكن طبوله فرح كلبي
جان يوكفه سنان و يهوس مثل الجنوب
كلنا احنا اخوته لا تكولون وحيد
اجت امي و اسيل عالصوت
انتصار: شكوو شبيكم
امير:ابننننج الحلو قرر يتزوج ام ايسر
احجزي فرقة موسيقية و اختاري قاعة جميلة و اعزمي شكو وحدة تغار منج حتى تشتعل شعل
اجت يمي جرتني و اخذتني بعيد عنهم
انتصار : صدك تريد تزوج
باهر : ي امي صدك و ح تصير مشية كبل حتى نطلبها و نعقد فد مرة
ردت عليه
انتصار: عالخير بس منو هي ؟؟
حطيت أدبه بجيوبي و كتلها
باهر : المعلمة يُسر جيرانه
عوجت شفايفها يمنى و يسرة
انتصار: قابلة لو ح ترفض مثل المرات السابقات
باهر : هالمرة متأكد ح توافق لتخافين
انتصار : بالرفاه و البنين ماما عقبال ما اشوف ولدك حبيبي
بست راسها و طلعت اريد اروح لشغلي
لكيتهم بعدهم يركصون
هزيت أيدي ع خبالهم
باهر :يا ول و الحظ ي و الله
محضرين المهد قبل الولد دخلي توافق هسه و المصور سنة
و اخذت سيارتي وصلت لمكتبي
لكيت صديق عمري اسلام منتظرني بالباب
اجه حضني و هو يكول
اسلام: هلا بالطش عبالي عرست هناك شني ولك لو ما اخابر عالبيت ما ادري بيك جاي
غير تكلي ع مود اروح اتلكاك هناك و اطشلك طشت جكليت و افرشلك ورد
انطيك شكم جلاق حتى تبطل تغط
ضربته ع جتفه
باهر: هههههههه ادبسز شلون اعرس بلا ما انتَ تزفني بيدك
اسلام : و لتنسى اهم شي اخت المرة حلوة حتى أخذها اني و نصير عدلى
باهر _ما عدهه هههههه وحيدة فريدة
اسلام: يبوووووو شيباني بيها
عمي دخذ اختي و انطيك فوكاها بنت اخوي ماجد هدية
شتريد بعد العمة و بت اخوها الك
باهر: هههههه ما اريد غيرها كلبي معلك يمها
ادعيلي هالمرة تصير و توافق
اسلام : هاااا يا علي اكو مستجدات بالقصة مو؟
باهر: ي تعال نكمل شغلك و اسولفلك
دخلنا و انهالت علينا الملفات
أنت تقرأ
أنتَ تنقصني (صبابة الهوى)
Mistero / Thriller_كَيف لَنا أن نفترِق؟ _كيف لنا أن نتفِق؟ انتِ كالجليد و انا كالقبس .. كيف لنا أن نكمل في هذا العشق؟ _داخلكِ نبات زاهر بيما داخلي حُطام مُبعثر ضامِر... _هل لكِ أن تجمعي حطامي و تضميني بين ذراعيكِ ؟؟ و تكون كل صباحاتي جميلة كجمال خديك؟؟؟ #ميرا...
