چنت اودهم ..
چنت اظن سدرة بـ ظهاري الصيف
تچويني الشمس واگعد بـ سدهم !
كاظم اسماعيل الكاطع
________________________
أنتَ تنقصني
#ميرال
__^^^^^^^^__
باهر
دخل أمير يصيح
أمير: اجه بابا اجه بابا
طلعنا اله اني و أيسر
لكَيناه واكَف فوك راس سنان الي يغسل الدم من الباب يحجي وياه بحركَة
و هو يرد عليه بتعابير مستفزة
من شافنا سكت و ابتسم ترك سنان و تقدم علينا
و هو يحضن ايسر
صادق : شلونك بابا أيسر، عائلتك شلونها
طبطب أيسر ع كتفه و رد ببرود
أيسر : من الله بخير ، تفضل البيت بيتك
أبتعد عن أيسر و تقدم الي يسلم عليه
صادق: الحمد ع سلامتهم ابني ، يتربى بعزك و دلالك و ان شاءالله تشوف أولاده
اعذرني مجنت موجود وياك بهيج يوم، كَوه كَدرت اجي هسه
رد عليه سنان و هو يعبر من جانبه حتى يدخل للبيت
سنان: لتتعب نفسك بالاعتذار، متعودين ع غيابك ابو ايسر، بياهي جنت موجود أنتَ ؟؟
أيسر: سنااان احترم و فوت جوه
ابتسم النا بطرف شفته و دخل للبيت و هو يهز رأسه بعدم رضا
أيسر: لتشيل بخاطرك عليه يابة
لم شفته بأسى و هو يرد
صادق : لا بابا ما اشيل بخاطري ، اعرفه اكثر شخص تأثر بغيابي عنكم لهذا شيحجي اله الحق
كلامه صح، اني مجنت موجود وياكم بأي موقف ، وجوي بحياتكم مثل السراب وجوده خادع و مميت و غيابه عدم ...
باهر: تفضلوا تفضلوا جوه متريد تشوف حفيدك
أبتسم بتعب
صادق: ميت ع شوفته
بس دقيقة وياي ضيف
طلع دقايق و رجع وياه طفل ابن ال١٠ سنين
صادق : سلم ع اخوانك بابا
هذا مُعاذ ابني
اجه الطفل سلم علينا و احنا مصدومين .
دخلنا جوه ، جانوا مجتمعين بالصالة
امي من شافت مُعاذ ، توجهت لغرفتها دخلت و قفلتها عليها
تقدم بابا ع يُسر ،تحمد الها عالسلامة
و اندار لمحمد
صادق: بسم الله ما شاء الله ، حفيدي حبيبي
اول فرحة للعائلة
ربي يحفظه الكم
نكَطه و رجعه للكاروك مالته
نزلوا أمير و اسيل يتراكضون ميتين ضحك
ووراهم سنان يريد يكتلهم
من انتبهوا منو موجود بالصالة
تفاجأت اسيل و تقدمت بحرارة تريد تسلم عليه
بس بهت وجهه من شافت مُعاذ حاضن ايده
رجعت خطواتها لورى و سلمت عليه من بعيد
اما أمير سلم عليه كأنهُ شخص غريب
باهر: همزين نزلتوا راح ينصب الغده نكَعد سوى نأكل
أمير: اني ماريد و انتِ اسيل
أسيل : مثلك ،مسدودة نفسي
احنا نترخص
رادوا يرجعون يصعدون لغرفهم و لزمهم سنان يم الدرج مدري شيهمس الهم
_^^^____
سنان : باعوا صرتوا كبار، لتخربون فرحة باهر هسه ،
اكَعدوا عالسفرة و أكلوا و اضحكوا كأنه مموجود
امير: صعب سنان صعب
سنان : الي يسوي مثل ما كَلت ، أخذه بس يروح ابوي ، وين ما يريد و شنو ما بنفسه اشتريله
باوعلي و هو مضيك عيونه
أمير: كلشي بنفسي؟
سنان كلشييييي
امير: ح اخذ الكرسي اليم باهر ، يلا رفيقتي هم نضوج الوالد و هم نقط سنان و هم عارفين باهر بحاله
سحب ايدها و راحوا كَعدوا يم باهر واحد منا و الثاني منا و هو حضنهم يبوس بيهم
باهر: جهالي العقال ، يروحلكم فدوى سِنان الخبل
لحكَتهم كَعدت بصف ايسر و اني احضنه
سنان: ها ايسر عندك شي افديه الك ، تعرف زايد بالعائلة اني
أيسر: اني افديك ، الروح و الريه انتَ
سنان : بعد كَلبي اخوي
تقرب و هو يحجي بصوت ناصي
أيسر: بس عندي بالبيت المبردتين خربن نصلحهن سوة مدامك تعرف لأن خاف انتل
دفعته مني
سنان: انتَ تخاف تنتل و اني شنو؟
عندي نظام حماية ضد النتلات ؟
دروح عمي روح
عفتهم و اني اكَوم اخذ السفرة من هيام افرشها
باهر: اني رايح أصيح امي هسه اجي
أنتصار: هاي اني اجيت ماما، الحمد لله ع السلامة ابو ايسر
وكَف ع حيله يسلم عليها
صادق: الله يسلمج انتصار ، شخبارج ان شاءالله بخير
هزتله راسها و كَعدنه ناكل
هيام: اني رايحة يم يُسر اغديها
تقربت امي تهمس الها
أنتصار: اخذي غداج هناك يمها اذا تردين اعرفج تتقيدين اذا عمج موجود
هزت راسها هيام و راحت للمطبخ اخذت صينية و دخلت لغرفة يُسر،
__^^^_______________
يُسر:
كَاعدة ارضع بمحمد دخلت هيام بصينية الغده و وراها بتهه لمار
هيام: هااا عيني تغديت قبلنا شوف الخيانة شوف ، خلي ارجعه لمكانه و نتغده سوه
يُسر: هههههه تعبتي نفسج جان طلعت وياهم
اخذته مني و خلته بكاروكه و اتربعت كَبالي هي و بتهه
هيام: ليش يمهم تكَدرين تعبرين لكَمة كله مخازر و منابز ،تحسين كَاعدين ويه العدو، كلهم تآهب و استعداد للعرك ، هاج هاج اكلي وراج رضاعة
لمار: عادي اروح يم بابا و عمو سنان
هيام : اي ماما صبيتلج هناك بكيفج بعد
باست امها و طلعت سادة الباب
تنفست بغضب و هي تتناوش الخبز
هيام: قهرني عمي ، سنان يعامله معاملة الصهاينة، اني من يمي اشتعل كَلبي شحال كَلبه
ما لازم هيج يتصرف هو يومين و رايح
مو هذول الولد يتصرفون عادي
يُسر: كلهم نفس سنان، بس خافين هالشي تحت قناع البرود
توقفت عن الأكل
هيام : شلون
يُسر،: الولد كابتين احساسهم و مشاعرهم يمثلون البرود بس داخلهم نفس سنان مشتعل شعل ، الفرق سنان ظاهر مشاعره للعلن
كرهه واضح ، حبه واضح ، انزعاجه واضح ، همه خافين هالاشياء بدواخلهم...
هيام: يحيرون.بس عمي منين عرف بولادتج
محد اتصل بيه منه و ولادتج صارت فجأة
يُسر: محد سأله؟
هيام: هسه اشوفلج شسالفة ، اقل الشي يحتاجله ٣ او ٤ ايام
مو مال يجي هيج بساعات معدودة
الا اذا جان موجود ببغداد
اندك الباب
هيام: تفضل
مد راسه امير:
امير: عيني احنا كملنا يردون جاي
هيام: اي حبيبي هسه اصب الكم
امير: اذا جاهز، ابقي تغدي اني اصب
أنت تقرأ
أنتَ تنقصني (صبابة الهوى)
غموض / إثارة_كَيف لَنا أن نفترِق؟ _كيف لنا أن نتفِق؟ انتِ كالجليد و انا كالقبس .. كيف لنا أن نكمل في هذا العشق؟ _داخلكِ نبات زاهر بيما داخلي حُطام مُبعثر ضامِر... _هل لكِ أن تجمعي حطامي و تضميني بين ذراعيكِ ؟؟ و تكون كل صباحاتي جميلة كجمال خديك؟؟؟ #ميرا...
