تقمص دور غشيم متعة
لا يعرفها إلا النجيب
سنان
#انتَ تنقصني
#،ميرال
________
يُسر: شوكت
نزل راسه و محجه شي
ايسر: اني صاعد فوك يلا هيام
سنان : روح نام ميجون لبيتنا لأن اكو دورية ببداية الفرع
و اني ح ابقى كَاعد و باجر كملوا ع نفس روتينكم
لتحسسون احد انكم شردتوا منهم
و همه اكيد ح يدزون يسألون عليكم
كَولوا رحنا من المغرب يم اهلي امي مريضة و بقينا يمها
صعدوا ينامون فوكَ
باهر: خليهم يرتااحون خطية وكَف كَلبهم
و انتِ يوم روحي يم امير تلكي بالغرفة مالتج حاير بالصغار
هزت راسي عمتي و راحت لغرفتها
سد سنان باب الاستقبال و كَعد يم باهر صاروا كَبالي
و خله ايده ع فخذ باهر يحثه ع الكلام
تحسر باهر
باهر: تذكرين من خطبتج قبل سفرتي للاردن و رفض ابوج بلا اي سبب مقنع
يُسر: ي اتذكر بوقتها كَال ماريده يصير نسيبي
باهر: ورى رجوعي من سفري دز عليه
من رحتله كَال قبلت تعرسون لأن انتَ الوحيد الراح تحمي يُسر حتى من روحك
أخذها و اشرد قبل لا يكتلوك
باهر : عمي من شنو احميها
فلحي: همه راح يكتلوني متأكد وراها يكتلوها لهذا لازم أأمن عليها و ابعدها
باهر : منو همه نفسهم اليهددون لو غيرهم
فلحي: ي نفسهم بس مااكَدر اكَلك منو
كل واحد يعرفهم يموت
اذا تكَدر أخذها هي و اهلك و اشرد بيهم
هيج ح تحمي عائلتك و تحافظ عليها
ترى الجاي انتَ
باهر: انطيني خيط من القصة حتى اعرف راسي من رجليه
اعرف منين احميهم ؟
ما يصير ابقى هيج اطرش بالزفة
فلحي: القريب،مو الأقرب للقلب بس يُعد قريب
خاف منه
القريب ح يضحي بيك و يحني اديه بدمك
باهر : هذا الحجاه وياي
من كمل كلامه كَبل باوعت ع سنان و دموعي تجري هو رفعلي حاجبه و ابتسم بخفة
انتبه باهر لنظراتي
باهر: البالج مو صحيح
تفكيرج غلط
يُسر: اني هم اكَول مو صحيح حتى لو الادلة صارت كلها ضده مو هو المسؤول
عدل سنان كِعدته وهز راسه يستفهم
سنان : شلون يعني
مسحت عيوني من الدموع
يُسر: صح الادلة كلها تشير الك بس مو انتَ المسؤول
عن هالمعمعة
انتَ ضحية حالك حالنا
و للعلم اكو من يريد يوكَع بينا
باهر: شلون توصلتي لهاي المعلومة
يُسر: من دخلت لهذا البيت و اكو شخص يحاول يطلع سنان هو المسؤول عن كلشي ديصير ساعة يخلي يدخل البيت ويه دخلتي و يخلي ظروف
ساعة يخليني محط شك لسنان
راد بأي طريقة يخلينا واحد يشك بالثاني
و نجح و دخل الشك بكَلب سنان تجاهي
عباله اني وحدة منهم
بس بالاخير اتأكد اني مثله ضحية الهم
سنان: شلون اتأكدتي اني مو منهم
يُسر: سنان ترى همه رادوا يكتلوني مرتين و انتَ انقذتني
لو انتَ منهم ليش تسوي هيج جان خليتني اموت واحد و تخلص منه
سنان : شنو مصلحته يوكَع بينا
خله باهر ادي ع راسه
باهر: ع مود واحد يكتل اللخ
يُسر من تشك بيك كتلت ابوها و اكو دلائل ضدك ح تكتلك و يخلصون منك و هيج يوكَع كلشي براسها
و لو يموتوني جان الدلائل تربكست براس يُسر و انتَ كتلتها
اخخخخخخخخخ يا ربي اخخخخخخخ
صفن سنان و هو يفرك لحيته
يُسر: همه ٣ شركاء
قهار مات
و بابا مات
بقى ابوك
فك حلكَه سنان و باوع لباهر
سنان: ابوك ليش سافر
باوعله باهر و هو يرجع راسه للقنفة
باهر: نسيت سالفة زواجه لو شنو
سنان: و يجوز هالسالفة غطاء حتى يشرد بروحه و ما ينكتل مثل الباقين
باهر : قصدك جان يدري ابو يُسر راح ينكتل و هو وراه هم
يُسر: زين شلون دره راح ينكتلون
سنان: يمكن يعرفون بالمخطط
لتنسين ابوج هم اجته فترة اخذج و شرد لأهله لأكثر من شهرين
يُسر: شلون عرفت سنان
خله ايده ع خده
سنان : صار سنة اتقص ورى الكل
و اعرف شصار بذيج ال١٢ سنة و شلون قضوها
بس اكو ما فهمته
انهُ يخلصون ع الروس الكبار هاي فهمتها
احنا شدخلنا يردون يخلصون علينا
باهر: ع مود لحد يطلع يطالب بالفلوس او ينتقم لأهله
لتنسى ترى بايكين قهار ٣٠٠ مليووون هنا هنا
تعيش ولد الولد
فأكيد الاخذهن خايف ينوخذن منه
سنان: قهار انباكَ
و فلحي ابصملك بالعشرة هم انباكَ
بقى ابوك
باهر: كَال بوقتها انباكَ و خسر ١٠٠ مليون بهذا المشروع
سنان : بس مكَال منو باكَني
همه بس ٣
منين طلع هذا؟
يُسر: سنان حاول تحجي بلا لف و دوران
ليش تشمر رؤوس أقلام
سنان: يُسر البالي مجرد توقعات يمكن تصيب و يمكن تخيب
يُسر: لا توقعات انتَ متأكد من صحتها
بس متريد تحجي لحد متلزم دليل ملموس
سنان : شنو الي يخليج واثقة بيه
يُسر: اجذب عليك اذا كَتلك واثقة بيك مية بالمية
بس الاعرفه مراح تأذيني او تأذي باهر
ضربه باهر ع ظهره
باهر: هذا سبعي
متأكد يحميج بدمه لهذا ما اشك بيه مقدار ذرة
سنان: و اني دمي فداك
و ووياك للموت
يُسر: هسه شنسوي؟
لازم نأمن ع ايسر و الباقين
باهر : خلي يفوت يومين و أدزهم لخالي بالحبانية
بس العين تغفل عنا
يُسر: لا دزهم الصبح ، اكيد من يسمعون كلنا ببيت واحد راح يفوتون علينا ع مود ينفذون
ما نكَدر نتماهل و نخليهم هنا
نهض باهر و اتجه للتليفون الارضي
باهر : اني راح اتصل ع خالي و انطي خبر
الصبح اطلعهم منا
سنان: و اني راح اخذ اجازه الهم من دواماتهم
يُسر: اني لتاخذلي ع مود ليشكون
سنان : همه يرحون للدوام يدخلون لدوائرهم شوي و يطلعون لخالي و هيج نضيعهم
كمل اتصاله باهر و اجه كَعد يمنا
باهر: انتِ ترحين وياهم ترى
يُسر: ما اعوفك
باهر: يُسر لتعصبيني
يُسر: لتحاول باهر ماا اروح و اعوفك هنا بوحدك
مصيرنا واحد
شيصير عليك يصير عليه
سنان : بقيها باهر
باوع علينا اثنينا و تنهد بحسرة
باهر : كَوموا ننام و الصبح يحلها الله
هزينا روسنا و كَمنا
كلمن راح لغرفته و نمنا
___^^^^___________^^^^^^^_____
باهر:
طلعت الصبح وصلت يُسر لدوامها
و رحت دوامي
نص ساعة و طلعت
رحت للمكان الي اتفقت عليه اني و خالي
التقينا هناك
اتصلنا بأمي اجتنا
و مناك رحنا ناخذ أمير و اسيل و هيام من دواماتهم
بسيارة خالي
وراها وكَفنا يم الدائرة مال أيسر منتظري يطلع
دقايق و اجانا ركب ويا خالي و انطلقوا للحبانية
رجعت كملت دوامي و طلعت للبيت
دخلت للمطبخ شميت ريحة دجاج
يُسر: ها الله يساعدك
باتر: هلا حبيبي شمسوية ميت جوع
ضحكت
يُسر: برياني دجاج
بدل و تعال اصب سنان ع جية
جاي نحجي و انفتح باب المطبخ و طلعت هيئة سنان بقميصه المقلم
سنان: انتو سوه؟؟
اكَول رجلي حكتني يعني جنتوا تكَصون بيه
كَولبت يُسر عيونها و أردفت
يُسر: يبوووووو حكتها رجله شيفضها بعد
هاي واحد يشوفه معناها حاجي عليه
سنان: شسووي متشوفيني ملاك حتى ذنوب ما عندي
من كَد مياخذون غيييييبتي
ظل يحشش ع يُسر و هي تردله
لليل كَعدنا نتعلل بالصالة دقايق
سمعنا حركة يم باب المطبخ
منحس الا اثنين جافتين علينا
تقاويم وياهم
واحد منهم خله المسدس براسي و الثاني اتجه ع يُسر
سبقه سنان كَام و طلع مسدس من ورى ظهره و حطه براس يُسر و هو يبتسم بخباثة
سنان : اكَعد لا افجرلك دماغها
__^________^^^^^^________
قراءة ممتعة
#ميرال
هدددددية العيد
انطوني ارائكم بالبارت
و توقعاتكم شراح يصير
أنت تقرأ
أنتَ تنقصني (صبابة الهوى)
Mystery / Thriller_كَيف لَنا أن نفترِق؟ _كيف لنا أن نتفِق؟ انتِ كالجليد و انا كالقبس .. كيف لنا أن نكمل في هذا العشق؟ _داخلكِ نبات زاهر بيما داخلي حُطام مُبعثر ضامِر... _هل لكِ أن تجمعي حطامي و تضميني بين ذراعيكِ ؟؟ و تكون كل صباحاتي جميلة كجمال خديك؟؟؟ #ميرا...
