أنتَ تنقصني (صبابة الهوى)

part33

صير مثلي وخلّي غصبآ ع الگمر ،
ليلية نسهر ، وصير مثلي ؛
شما احبك حِبني أكثَر !
_^__^_^___^&

صبابة الهوى
البارت الثالث من الجزء الثاني
_^_^_^_^_^_^_^_^♡♡♡_^_^_^_^_^_^
لتنسون التصويت ع النجمة و التعليق ع الفقرة الي تعجبكم احب اقره تعليقاتكم و اعرف ارائكم بالقصة
__^_^_^_^_^_^_^_^__^_^^_^_^_^^_
أرجوان
اتكوم بُراق كَدامي اثر رفسة خلته يوكَع للأرض ،كَعد ضباب ع صدره يضربه بوكسات
ضباب: تححططط عينك ع عرضنا ساققطط
ولك مدخليك بيتنا و هيج تسوي
بالبداية بُراق انصدم بردة فعل ضباب لحد ما تدارك وضعه و لزم ايد ضباب دفعه من صدره للأرض و اعتتلاه صار يضربه بقسوة ، صاح بيه بصوت
بُراق: ادخلي جوووه أرجوان،  قبل ليجي أحد و يشوفج
عفتهم و اني اركض للبيت دخلت  بالمطبخ خالة أيدي ع كَلبي، وكَفت عالسنك اغسل وجهي و اعدي نفسي
دخلت عليه دُرر و هي بيدها صينية الشاي
دُرر: ارجوان امج تكَول صبي النا مرة ثانية
هزيت الها راسي ،خلت الصينية بصفي و باوعت بوجهي
دُرر: بيج شي ارجوان وجهج اصفر
اخذت الاستكاين و بديت اغسلهم
ارجوان: المطبخ حار و تعبت
عله صوت صياحهم برى وكَعن الاستكاين من أيدي و تكسرن ، طلعوا عمو سِنان و أسلام الهم فارغوهم من أدين بعض ، و جر محمد بُراق للبيت مصعده لغرفته
وعمو  نصر سحب خالو ضباب و طلعوا برى
ظلوا الموجودين يحجون بالعركة بعظها بده كل واحد ينسحب لبيته ، اخذ عمو سِنان ام ضباب و بيبيته لبيتهم،
و نصر اخذ عائلته و راح، ظلوا بس بيت عمو أسلام و ضباب عدنا ، اخذت امي ام بُراق و إسراء و صعدن فوكَ يشوفن بُراق،  نص ساعة و دخل عمو سِنان كَال سوي كَهوة و من ينزل محمد خلي يجيبها و دخل  حجى ويه عمو  أسلام  ، ظقايق و
صاحوا ع الولد اثنينهم دخل ضباب من برى  و هو جكارته بيده باوع للمطبخ من شافني سوالف حركة
بيده بمعنى ( بسيطة اني الج )دخل يمهم و نزلوا محمد و بُراق من فوكَ ، ركزت بوجهه ، ما متأذي كدمة بسيطة بجانب شفته و اول ٣ ازرار من قميصه واكَعات و طالع صدره ، يكف بردانه و يحجي ويه محمد بعصبية و محمد يهدي بيه ،  طلع قبله وكَف بالباب، و محمد اخذ الصينية و راح وراه سدوا الباب
قفلت باب المطبخ و رحت من باب الاستقبال الثاني
وكَفت اتصنت عليهم
أسلام: منوووو راح  يحجي بيكم ؟؟؟
ضباب :خلي بُراق هو يحجي،  ها بُراق ليش ضربتك
سِنان: احجي بُراق ليش تعاركتوا؟
بُراق : شغلة خاصة بينا ، تعاركنا و    فضت
أسلام: انتم ماخذين ع كَد عقولنا لو شنو
ضباب: السالفة انتهت و انسد بابها مو بُراق
بُراق: من ناحية العركة اي انسد ، من ناحية غير اشيياءء لا ما اسده
اسلام: واحدكم شكبره شكَده تتماطلون بالحديقة و تصاربون شكبركم تصيرون بعد
طيح الله حظكم
سِنان: اريد احجي بس  استحي من أهلكم
بُراق: تمون ع الكَلب و الجلاوي انتَ احجي
محمد: اييي جعل محد غيرك يريد يحجي و يستحي
سِنان: شوف الادبسزية شلون يخجلوني
اسلام: اريد انزل عليهم بالحزام 
رد عليه ضباب
ضباب: اي مو صغار احنا
سِنان: زين من تعرف نفسك
بُراق : يلا يابة خلي نرفع الزحمة
أسلام: كَوم ، بس حجينا ما انتهى هنا، اعرف الموضوع اعرفه
سِنان: اي لشوكت يضمونه
محمد : راح ترحون
اسلام: اي عمو رايحين
محمد: و الكراسي الكسروهن منو يصلحهن؟
بُراق: بتجر يوصلك غيرهم و أحدث موديل
سِنان: لا عمو شلون ميصير،  اختارهن بيج و اسود ترى ارجعك تبدلهن
اسلام: ههههههههه واحد اخس من الثاني
بُراق: نسخة عمي سِنان من شكل و تصرفات
سِنان: و اختيارات نسيت هاي حبيبي
بُرااق: فهمتك حبيبي
محمد: وصلت حبيبي
رادوا يطلعون اني ركضت لغرفتي و قفلتها
و طلعت كتبي اقره ل١٢ اندكَت الباب كَمت فتحتها فاتت عمة رحيق بيدها تليفونها أشرت بأش و قفلت الباب
رحيق: هاج اخذي التليفون احجي وياه خبص الأمة
اخذذي سِنان موافق تحجين وياه هو كَال دزي التليفون الها
خلته بيدي و طلعت ، أتصل خالو ضباب فتحت عليه خط ، جان واضح هو بالسيارة
ارجوان: الو خالو
ضباب : و خلخلالة الخلخلت اعظامي انيييي شكَلت ووولج شكَلتتتت ارجووووان
ارجوان: ماادري ما بيه بالحديقة و الله ماادري طلعت ويه اسراء و هو صار بوجهي
ضباب: بس اشوفج اطيحه لصبغج
رديت عليه بانفعال
ارجوان : شدخلك يااخي شدخلك من بقايا اهلي انتَ
ضباب: صوتج ما اسمعه، و طلبه ترفضي خاتووون
ارجوان: و منو انتَ حتى تأمرني؟ هالشي راجع الي أوافق ما أوافق بكيفي مو انتَ تحدد
ضباب: انزززززززلي اني ببابكم واكَف
ارجوان :  انتَ تررررريد تفضحني شعندك جاي بنص الليللل
ضباب: انززززلي انززززلي رحيق يمنا مو لوحدنا
اليحجي اكَله جاي لعمتي 
فتحت الباب لكَيت عمة رحيق واكَفة بالملحق
طلعت الها
ارجوان: يكَول انزلي
رحيق: اي اعرف و حتى سِنان يعرف ، اني ارزله الج بس خلي نفهم شيريد
نزلنا جوه و طلعنا للحديقة فتحتله  عمة الباب
دخل مثل الإعصار
ضباب: ترفضين يعني ترفضين خلي اسمعج مرجعة موافقة اذا ما اشنقج
ارجوان: ما امشيي  بالتهديد اني و لا أخاف منك
ضباب: ترفضين
ارجوان: و ليش ارفض؟ اكو سبب عندك مقنع أرفض ع موده ؟
ضباب: اي بعدج صغيرة
تقربت علينا رحيق و هي تجر ايده
رحيق: بعد تضحك ع نفسك ؟ اعترف تحبها و انهي القصة ليش تطولها و متعب نفسك و متعبنا
فتحت حلكَي بصدمة ، زيدها ضباب من رد عليها
و هو ينتفض دافع ايدها
ضباب: مااا احبها ماااا احبها افهمي عاد ، اذا من عشتي نسيتي منو جدها انننننني ما انسى ، هي هاي  ترى الي بسببها تهجرنا و عشنا بالضيم
نسسسسيتي لو شنوووو
دفعته عمة  رحيق من صدره
رحيق: تعرف شجاي تحجي انتَ
اندار و هو يأشر عليه باصبعه
ضباب: لو تظل بس هي بالدنيا ما أخذها
سمعنا صوت عمو سِنان ورانا
سِنان و منو كَلك احنا ذابين بتنا عليك  
سكتنا و عفتهم فتت جوه ظليت واكَفة تحت الدرج ،
دخله عمو سِنان للاستقبال ، شفت عمة رحيق صعدت لغرفتها ، انتظرت شوي و  طلعت اتصنت عليهم من باب الاستقبال القريب للشارع
_^^^_^_^_^_^_^_^_^_^_^_^_^^
سِنان
سحبته من ايده كَعدته يمي
سِنان : احجي أسمعك
بده يحجيلي كلشي من العركة لحد اخر لحظة
سِنان: و اذا خطبها شنو دخلك انتَ
كلنا نعرف بُراق رايدها و يحبها
حقها توافق عليه و يتزوجون
شبيك انتَ مكَروص من الموضوع
نزل راسه يهز برجله
سِنان: تحبها؟
ضباب : لا مااحبها
سِنان : لعد ليش واكَف بطريقها ، خليها تشوف حياتها ، ارفع راسك و حاجيني ضباب  انتَ تريد ارجوان
رفع ايده بعصبية يمسح دموعه الي خذلته و سالت ع خده توضح كمية خذلانه  ووجعه
_ضباب : اهلها همه كتالين ابوي
شلون احبها ؟؟ شارب انتَ؟
انصدمت بكلامه اول مرة يحجي بهذا الموضوع
سِنان: انتَ الشارب خوية
اهلها و بالضبط جدها هو الكتل ابوك  مو هي
بعدين  تعال اكَلك حالتك هاي و دمارك مجرد سمعت بخبر خطبتها شنو تسميها  غير حب ؟؟؟؟
انتفض و دفر الطبلة الي كَدامه
_ضباب : مستحيل احب وحدة مثلهاااا  ولك اكَلك  اهلها مجرمين، و  دينهم  الفلوس شحب منها
سِنان: أنعم الله عليك ، خوش تعرفنا
ورث جكارته  مكمل كلامه و هو يتجاهل الجفصة الجفصها
ضباب :كل ما اباوع بعيونها اتذكر ابوي شلون انكتل و اتخيل موقفه  كَدام عيني
اتذكر اليِتم و الذل العشته بسبب ابوك
بوكت ما هي عاشت بظل ابوها و بخيره اتذكر شلون جنت اتحسر من اشوف طفل يمشي ويه ابوه  و احسده من اسمع  يصيحله يلا بوية
هذااااا كله عشته بسبب جدها 
سِنان: و هي شنو عاشت
مو انكتل ابوها نفس ما انكتل ابوك
سكتنا  فجأة من سمعنا حركة التفتنا اثنينا  ع  صوت سدت الباب ، ركضت فتحته   شفت ارجوان  تركض متوجهه للباب الداخلي
ضربت ع  راسي بقوة و صحت ع ضباب
سِنان:   سمعتنا
وكَف و هو يكَول
ضباب : مو دخلت جوه شطلعها
رجعت وكَفت كَباله
سِنان : من هاللحظة تنسى شخص اسمه سِنان
ما دام دينه فلوس و مو كَادر تسامحنا ع ذنب اصلاً ما ارتكبناه ، ارتكبه شخص ما يربطنا بيه الا الهوية
يُفضل نكَطع كل حبل وصل بينا
ضباب: سِنان لحظة غضب جانت
سِنان: و الإنسان يبان ع حقيقتها لحظة غضبه
مسحت ع لحيتي
سِنان:  نسيت  شي، ارجوان روحي و بنتي اني ما حاسبها بنت باهر  ، و كسرة كَلبها هاي ما راح اعديها الك ، اذا ما خليتك تحلم تشوف اظفرها
ما اطلع ابو الهمام
هسه صار تكَدر تتفضل برى
طلع بسرعة و اني سديت الباب و قفلته
صعدت لغرفة رجوة فتحت الباب لكَيتها مقفولة
دكَيت بابها ،طولت يلاا فتحته ، دخلت كَعدت ع سريرها و جريت ايدها كَعدتها بصفي رفعت وجها شفت عيونها حمر ، انمرد كَلبي
سِنان :  من شوكت احنا نتأثر بكلام الناس؟
مو تجاوزنا هالمرحلة من الابتدائية
ارجوان: تختلف عمو،  تختلف من يحجيها الغريب
و تختلف من يحجيها واحد منك و بيك وياك و عارف انتَ شنو .
هو يدري كل الزين احنا ضحايا لصادق مثله تماماً، و يدري مو بس هو عاش حياته يتيم و يحس بنقض ابوه و بذلة
سِنان : لتخلين كلامه ببالج، بعد ميوصل لعتبة الباب و لا يشوفج
ارجوان: اي عفية مااكَدر انسى كلامه
اذا تحبني عمو و الي معزة بكَلبك ابعده عني
حضنتها و اني امسد ع شعرها
سِنان: اكسرلج رجله اذا عتب لهنا ، يكسر خاطري رجوتي
و اتركه يصول و يجول كَدام عينها ، امداني
اعتبري طلع من حياتنا
الي يربطه  بينا يس رحيق وهي دائماً تروح لبيتهم و هناك   تشوفه  
ارجوان: شلون قبلت يتصل
سِنان: شوفي بابا اول ما اتصل كَالتلي رحيق ، متضم شي او تسوي شي بلا ماا اعرف 
مسحت دموعها و اني اانيمها نامي بعد روحي بنيتي
غطيتها و ظليت يمها لحد ما نامت
طفيت  الضوه و سديت بابها و طلعت   لغرفتي تلكَتني رحيق
رحيق: شلونها رجوة
تنهدت و اني اذب قميصي
سِنان؛شلونها ، نامت و هي تشهكَ ،ادري بيها رغم العرك الي بينها و بين ضباب و عود ما تطيقه  بس تكن اله مشاعر 
رحيق: تعرفه من عمرها ٩ سنوات و هو كلش متدخل بيها و بخصوصيات حياتها ، و  كَتلك هالحجي اكثر من مرة ، اكيد تتكون مشاعر بينهم
سِنان:  الغلط من ابن اخوج ما عرف لا يخلي حد لمشاعري و يبتعد و لا عرف يعترف بيها
لأنه جبان
_^_^^^^^^^^^^^_^_^^^_^___^^_^^_^__^_^^
ارجوان
مرت سنة و نص  ع العركة، بُراق التحق بدورة ضباط و صار ملازم و اغلب وقته ملتحق   و من يجي يخلص يومه ويه محمد ، اما ضباب بعد ما دخل  لبيتنا من يوم ما تعارك ويه سِنان،  يروح لعمتي يشوفها بالدوام و هي تروح الهم مرات و هو مستمر بشغل ابوه و بدوامه بالمستشفى ، الكل تفاجأ من سبب الإبتعاد خاصةً جانوا كلش مقربين هو و عمو سِنان
خلصت المرحلة الثالثة  و نجحت منها
بيومها بليل اجوي بيت عمو أسلام،  جان بُراق ستوه نازل ، استقبلهم عمو سِنان و بعد كلام هواي  ، بده عمو أسلام  الحديث
أسلام: احنا اهل من زمان و ولدنا ربوا سوه ،و تعرفون أخلاق بُراق لأن انتم مربينه و عاش عدكم اكثر من ما عاش ببيتي ، هسه هو حالياً ضابط حقوقي و كمل بناء  مشتمله و قرر يتزوج و يكون عائلة  ، فاليوم احنا جايين نخطب ايد بنتنا أرجوان لبُراق 
سِنان: نتشرف نناسبك ،اني بالنسبة الي موافق بُراق ما ينكسر بس يبقى الرأي الها و لأهلها
محمد: عن نفسي موافق و ابصم لرجوة بالعشرة ، صاحبي و تجايتي بُراق ها يوم
ابتسمت و هي ترد
يُسر: يوم المنى، هيج راح تصيرون ٣
سِنان: بقت بس موافقة  رجوة ، انطوني وقت اسألها و ان شاء الله خير
أسلام: طبعاً كل الوقت الها، خل تفكر ع راحتها
و إذا تردون نجي مرة ثانية و  يكَعدون يتفاهمون
سِنان: اي لازم حتى يتفقون لعد شلون حياتهم هاي
أسلام: احنا شنو نريد غير يعيشون بسعادة
سِنان: حتى ورى بُراق يتحول السرة لمحمد
ضرب عمو اسلام محمد ع رجله
أسلام: كملت دراستك و تخرجت و تعينت
بقت بس العروس موجودة لو لا
محمد: اخخخخ موجودة موجودة ، حاجينه ابوها و ع اساس ورايحين الهم هالشهر و الأخ طكَني صفح و خطب قبلي ،نوووب الي يكتلك خاطب اختي
سِنان: ههههههه يعني تقنعني انتَ ما تدري
محمد: لا شلون مادري كَايلي ع كلشي، هو يبدل قميصه يخابرني تريده يجس يخطب و ما يكَول
غير اشكَه شكَ
اسلام: عففففية ضبططط عليه من هسه 
محمد: هو منو يكَول اختي توافق ، معروف الضباط شنو يدرون و سمعتهم واصلة لزحل ، بليل اروح يمها و اخرط ذن الهه حرام ترجع الكم رفض الصبح
بُراق: ابو الغيرة،  ع بختك؟
محمد : اسكت ستوني تذكرت انتَ مو محامي صرت ضابط ، بطلت ما انطي
سِنان: عوفه يغني وحده ، الشغغلة يم  رجوة 
من راحوا صاحني عمي سِنان جان كَاعد وحده
سِنان: تعالي يابا تعالي
دخلت كَعدت بصفه و بده يحجيلي الموضوع
سِنان:  شوفي بابا اني ما متعاجز منج ،انتِ عندي اعز من ولدي كلهم ، بس هي هاي سنة الحياة ، لو بيدي ابقي يمي طول العمر شفايتلي أصبح بهذا الوجه كل يوم و امسي عليه
ارجوان: مااعرف همو احس مو جاهزة لهذا الشي
سِنان: هو مبين يحبج ، انطي فرصة يعبر عن مشاعره يجوز تحبي
ارجوان: شلون
سِنان :  شنو رأيج نخلي العرس ورى ما تخلصين المرحلة الرابعة و بهاي الفترة تعرفي عليه  و اختبري، اني واثق بُراق راح ينجح و راح تشوفي شلون كفو
الجواب بقى يمج عمو فكري زين و رجعيلي جوابج
و ع راحتج ما انطو مدة محددة
بس هذا مو يعني تشتلين الولد شهر ههههههه
طلعت منه و صعدت لغرفة ماما اخذ رأيها هي و محمد ظلوا يحجون وياي و محمد مدح ببُراق هواي ،  بس محد ضغط تركوني ع راحتي
عمو ايسر كَال اني اضمن بيت أسلام و جان كلش موافق ع الزواج .
وراها بيومين اجه بُراق و كَعدنا سوه ( رؤية شرعية)
حجينا بكل أمورنا و اتفق وياي في حال وافقت الزواج يكون بعد السنة و الخطوبة هاي الايام
اباوعله من يحجي شلون مرتبك و كل شوي يمسح وجهه  و عيونه تشع حب .
ورى ٥ ايام اخذت القرار المناسب و رجعت خبر الموافقة لعمو ، و هم بدوا يتفقون ع العقد
قررنا  يكون يوم الجمعة ، ثاني يوم الصبح اجه بُراق أخذنا نحضر وونحجز ، لأن الباقين كلهم بالدوام
دخلنا للبدلات ما عجبني شي  ، أخذنا ذهب و باقي الاحتياجات و طلعنا للسيارة قبل لتركب ، تقرب يمي بُراق
بُراق :لتضوجين نفتر غير محلات 
ارجوان: ما اعتقد موجود هالموديل هنا
بُراق: هو شنو الموديل
ارجوان: بدلة بس نفشتها مو جبيرة ،تكون بسيطة و ردتها كيبور
بُراق: اي لون ترديها
ارجوان: ببالي  فيروزي لو سمائي
صعدنا للسيارة و صعدن ورانا ماما و إسراء و ام بُراق
رجعنا للبييت و عمه راحوا
ورى ٤ ساعات صاح عليه محمد
محمد : رجوة اجه أسلام انزلي
تفاجأت شنو الرجعه
نزلت عالسريع و اني اعدل حجابي
ارجوان: ها بُراق
فتح التليفون و انطاه الي
بُراق : هذا الموديل التردينه
اخذت منه و اني اشوفه ، ضحكت جان نفس الموديل الكَتله و احلى بعد
ارجوان: اي اي هو، وين لكَيته
بُراق: لكَيته ، ووياه نسقوا الحذاء و المسكة و حتى قاطي ، بقى الصالون
ارجوان: عمة كَالت باجر تحجزه
بُراق: شنو بعد ناقصج
أرجوان: ما ناقص شي ، هو جانت المعضلة البدلة و هاي حجزتها
بُراق: اني رايح لعد ، اذا تحتاجين شي كولي لاسراء
ارجوان: الله وياك
ورى ما راح اجوي بيت عمو نصر استقبلتهم و صحت لعمتي و امي  كَعدنا يمهم
مودة :هسه  ثبتوا ع يوم الجمعة
يُسر: اي و كملنا الحجز بقى بس الصالون اختارته أرجوان مرحبا باجر عمتها تحجز
دُرر: يااااااي انييي متحمسة للخطوبة ،بُراق و رجوة حلوين لايكَين لبعض تحسهم أبطال مسلسل
رحيق: ما سبقتج ههههههه جفصتها يم سِنان كَتله جنهم أتراك
أرجوان: عمة ما توبين من الأتراك
رحيق؛ لاااا مااتوب
يُسر: ع يوم يعلكَج بالمروحة
ردت عليها دُرر
دُرر: هو عمو جنه تُركي هههههههه
ارجوان: ههههههههه منطيها ع كَد نيتها
رحيق: عين الحسود بيها عود  شنو الأتراك اشوفه بعيني احلى
يُسر: و لا يفيدج هالصبغ
رحيق : لاااا ترى متفقين  اني ووياه
قاطعتها مودة و هي تسأل
مودة: ارجوان حجزتوا كوشة؟
أرجوان: اي حاجيت بنية ويانا  ، اختها يجنن شغلها
رحيق: ألله بس لا هاي السوت عرس صديقتج
ارجوان: اي نفسها تذكرين شغلها
رحيق: يموووووووت شنو من ترتيب  يُسر
يُسر: عاجبج يعني كلش حلو
راحوا بعد ساعة و احنا خلصنا باقي الايام بالتحضيرات لحد ما اجه يوم الجمعة
رجعت من الصالون لابستي بدلتي الفيروزية
كَعدت بالكوشة لازمة المسكة
كَومتني امي كَعدتني ورى الباب حتى يعقدولي
وكلت محمد و بده الشيخ يعقد النا
اخذ موافقتنا و أعلنا زوج و زوجة
ضج البيت بالهلاهل و رجعوني للكوشة
ربع ساعة و دخل محمد بُراق و طلع
تلكَته امه تهوسله و إسراء ذابة لحم بالركَص
وكَف كَبالي بايس خدي ، عركَت  صرت عبارة  عن مي،  صاحت عليه امه
ام بُراق: ولك من راسهااا
اندار ع  امه يضحك مدري شنو شاورها ضربته ع ايده
كَعد بصفي صافن بوجهي 
بُراق: ما شاء الله ،
   ‏‏في وَجْهِهَا للحُسْنِ أَجْمَلُ آيةٍ
‏يُغْرِي عُيُوْنُ النَاظِرِينَ بَهَاهَا..
تقربت عليه اسراء و هي تقدمله علبة الذهب  لبسني
بقت بس التراجي
بُراق: هاي شلون تلبسونهن
اسراء: اني اساعدك
ارجوان : لا عوفيهن اني االبسهم
اسراء : لعد عليمن جاي اخوي و مكَعدي يمج
ع مود الحلقة؟
صارت من جهتي  و نزعت تراجيي انطتهم لامي و رفعت شعري اله
تقرب و هو يلبسني و ابتعد عالسريع
وكلونا كيك و كل شوي وحدة من خالاته مشاورته و هو يرجع يشاورهن لحد ما وحدة منهن صاحت
_ صيحوووا لأسلام  هذا بُراق نزع تربيته من دخل عسكرية
ام بُراق: شنو الوداج عليه خية  ، مودي عليج هو
_ ابنج مووو راحة  لا تطمطمين صارله ساعة يبصبص
وكَف و هو يكِول 
بُراق: اني طالع قبل اتهور  ، ابقي ببدلتج ورانا صور ورى ميرحون  الناس
هزيت اله و همه راحوا
ورى ساعتين انتهت الحفلة رجع هو عليه غلفني بالبركَع
لزمت ايده 
ارجوان: بُراق عفية اختنكَت عوفلي منفذ اتنفس منه 
بُراق: مو الناس كلها برى شلون هيج تطلعين
ارجوان: اي بدلتي مستورة
بُراق: يا مستورة رجوة ، شوفي الدلعة وين واصلة
رفعت راسي اله
ارجوان: اول مرة تكَول رجوة
بُراق:   متقبلين أحد يصيحلج هيج الا الأقربون، و هسه اني صرت أقرب من روحج اعتقد يحقلي اكَلج رجوة
يلا هسه غطي عيونج المصايب و خلي نطلع
نزل البركَع ع عيوني  و طلعنا من البيت و هو يساعدني
سمعت صوت امير ورانا يهوس و يصفك
أمير: اليوم خمرناه و باجر يختمر و بعد سنة يلا يصير الشجر
بُراق: ما مستعجلين ع الشجر خليييي المهم مالنا
أمير: لسان محامي شحجي وياك
ركبني بسيارة و ركبت ويانا اسيل بالصدر   ، صعد يمي رفع البركَع شوي عن وجهي
بُراق: تنفسي خنكَتج بس شسوي شوفي الشارع مكَلوب كَلاب
قطع كلامه من انفتح باب السيارة و صعد ضباب بمكان السايق باوع علينا بالمراية
ضباب : نروح؟
_^_^_^_^_^___^^^
قراءة ممتعة
ميرال
_^^_^^^_
صدمة مو؟