القصيدة ..
المو ع عيونك
حرام الناس تسمعها ..!
||💜
^______________________
€___€
يُسر
كاعدة عالكرسي انتظر يعقدون النا ، أحس بخنكة بودي اكوم و اخرب كلشي ؛
بس عقلي يمنعني اسوي هالخطوة ..
إني اتخيرت بالحياة بين باهر و عماد
و بالنسبة الي
العيشة ويه باهر عندي أهون من عمي و إبنه
أكدر افك قيدي و انفصل عنه بالوقت الي تخلص بيه طاقتي و اخذ حريتي من جديد بينما ما أكدر انفصل عن عماد اذا تزوجته
اضافةً باهر ما يمشي بشور أحد ،و مو بكلمة تجيبه و بكلمة تودي ولا تكدر تتحكم بي مثل ما متحكمين بيت عمي بعماد ؛
هالشي يطمني انو مراح يخلي احد يتدخل بعلاقتنا او بحياتنا ..
لاحظت هالشغلة بيه بالسنوات الي مضن و عجبتني كلش
أنتبهت ع صوت السيد يرتل آيات ،سأل رُدّام و انطى موافقته
بعدها سألني
هل تقبلين الزواج من باهر صادق
كررت سؤاله مرتين و انطيت موافقتي
صرت اسمع أصواتهم يتسالمون و يباركون اله
و صوت أبوه يتشكر من الكل
كومتني امه من ورى الباب و كعدتني عالكوشة
بس جسمي كله يرجف ما كدر اسيطر عليه
طلعت شوي و رجعت صاحت
انتصار :، بنات ح يدخل العريس عيني
زادت رجفتي و نسيت كل الجنت افكر بي
دخل لازمته أمه من وسط ذراعه و تبوس بي
ضحكته مالية وجهه و ملامح الفرح واضحة عليه
وكف كدامي خله ايده ورى شعره و دنك باسني من راسي و همسلي
باهر: ألف مبروك حليلة باهر
رفعت نظري المرتبك اله
يُسر:يبارك بيك
كعد بصفي و أمه جابتله الذهب
مجان نفس الذهب الي اشترناه
اخذ الحلقة الي جان شكله غريب مو مثل حلقاتنا المعتادين عليها تصميمه بسيط بس كلش حلو
لبسنياها و هو يهمسلي عن أمنياته الي تحققن
و همه يطكون النا صور
وراها لبسني التراجي
ضاك نفسي و رجفة أيدي وترتني
أنتبه لحالي الي ازداد تدهور
لزم أيدي و شد عليها و تقرب يحجي وياي
باهر:لتخلين خوفج يسيطر عليج و ميخليج تعيشين يومج او تصنعين ذكريات حلوة بأحلى ساعات عمرج
هالللحظات السعيدة تصير مرة بالعمر عيشيها بكل حواسج و أستمتعي بيها ،طرزيها بفرح و ضحك ،حتى باجر من تضوجين تذكريها و تضحكين ...
و تكابلن امه و خالاته يركصن
هو استحى خله و طلع
صفنت اراجع كلامه بذهني
كله صح
ماكو شي يسوى اضوج و اغنتب ع موده
شو كلشي من أحسنه و العريس يجنن شكو بعد
خليني أعيش يومي
و باجر اعوفه ع الله هو يدبر الي بي خير الي
كومني وياهن و ظليت اركص و اضحك
اخذت كومة صور
حتى يم المزهرية ههههههههههه
___________///__________
باهر
دزيت خبر للوالد و اجه للعراق حتى يحضر خطوبتي
اخذت مشية مثل ما وعدتها كلها شيوخ و قادة بالجيش عقدنا سيد و تمت خطبتنا ع خير و شرطنا أخذها هالاسبوع
لأن مااعرف اذا اتأخرت بعد شكم يوم شيصير
صحت لأمي حتى اشوفها
و دخلت عليها جانت طالعة عبالك ملاك وكفت كبالها و دنكتت بست راسها رفعت عيونها الرصاصية و بانت نظراتها كلها ارتباك
ضحكت و كعدت بصفها
لبستها الحلقة الي اشتريتها الها من الاردن و همست بأذنها:
باهر :تدرين اول ما وكعت عيني ع هالحلقة دعيت تلبسينها و انتِ بأسمي و تكونين من نصيبي
اخيراً ربي استجاب دعائي و حلقتي صارت بين اصابعج و اسمج باجر ينكتب بظهر جنسيتي
لبستها التراجي
و احسها كوة تتنفس
سألتها حتى اتطمن
باهر:شبيج متضايقة من شي؟؟
_باوعتلي و هزت راسها لا
درت وجهي لامي الي دخلت وياها فرقة غنائية
و ظلن يغنن و يركصن
اترخصت
خليت و طلعت
أنت تقرأ
أنتَ تنقصني (صبابة الهوى)
Mistério / Suspense_كَيف لَنا أن نفترِق؟ _كيف لنا أن نتفِق؟ انتِ كالجليد و انا كالقبس .. كيف لنا أن نكمل في هذا العشق؟ _داخلكِ نبات زاهر بيما داخلي حُطام مُبعثر ضامِر... _هل لكِ أن تجمعي حطامي و تضميني بين ذراعيكِ ؟؟ و تكون كل صباحاتي جميلة كجمال خديك؟؟؟ #ميرا...
