دنيانه
وسمآنه ونآسنه يخنگون
الهوه والراحه بس يمك احس بيهآ "
______________€€€_______
بقلم ميرال
_________________________
باهر:
لحد يلزم ارجعوا ليوره
تقربت اريد افتحها
وكفني سنان
سنان: بااااهر وين رايح شتعرف شنو بيها ؟؟؟
باهر: اخذهم و ادخل جوه خلوني افتحها
يُسر :ما ادخل وياك ابقى
باهر:خزرتها ، غمزتلي بعينها بلا مواحد يشوف
و اجت لزمت أيدي
سنان: يمعووودين ترى مو لعبة ما نعرف شيطلع بيها
ع صوته قربوا التوأم من باب المطبخ يريدون يطلعون النت
باهر: اشششش فضحتنا ادخل جوه و لتخلي واحد يطلع بين ما اشوف شبيها
نفخ باجر و هز ايده
دخل بسرعة و سد باب المطبخ و بقى يباوع علينا من الجام
درت وجهي ليّسر الي صافنة عالعلاكة
باهر: شبيج يُسر
لزمت أيدي بقوة
يُسر: باهر هذا الي مشدودة بي العلاكة هذا منديل امي أعرفه كلش الزين
باهر: يجوز يشبهه
يُسر : مادري بله خل نفتحها و نشوف
باهر : تقربت و كعدت كبال العلاكة بديت افتح عقدتها
لزمت المنديل و ضميته بيدي و فتحتها
اجت يُسر ثنت يمي تباوع بنظرات ضايعة
باهر : طلعت منها رسالة جديدة خليتها ع صفحة
مديت أيدي طلعت طلق هالمرة مزيدين عددهن
مسويهن ٤
رجعت ادور طلعت بيدي حلقة شبهت عليها ردت اكلبها بس يُسر بسرعة حطت ايدها ع رجلي و كالت
يُسر : باهر باهر بس شوف المنديل اكو بطرفه مزخرف وردة و بداخلها حرف ف
باهر: عفت الي بيدي و فتحت المنديل ادور عالرسمة
لكيتها خليتها كبالها
ءءءءء يُسر هيج قصدج؟
شهكت و خلت ايدها ع حلكها
يُسر: لا لا لا مستحيل
باهر: شكو شبيييج تعرفيهن؟؟؟
باوعت عليه
يُسر: هذا منديل امي سوته لبابا و طرزت عليه حرفه
ضاع من سنين طوووويلة
شلون وصلت لهنا هسه
باهر: متأكدة لابوج؟
يُسر؛ اي متأكدة حتى بالعلامة اكو بقع حمر بنصه
باهر: دورت بي فعلاً لكيتهن
رجعت اخذت الحلقة من الكاع فريتها و اني اباوع بداخلها شفت اسم ابوي منقوش جواها
باهر: و هاي تخص الحلقة ابوي هم ضاعت من زمان
شنو جابها لهاي العلاكة
يُسر: السؤال الاصح شنو الي ربط ضياعها ويه ضياع منديل بابا
افتح الرسالة خلي نشوف شكاتب هالمرة
باهر : فتحتها و بديت اقراها
( هذن خيط من خيوط الجريمة الي انتم جزء منها،
الخيط الثاني تستلمه ورى امتحانات اخوك ..)
يُسر: جريمة شنو ، و خيط منها شنو
شيقصد؟
باهر: طبكت الورقة و خليتها بجيبي
_الظاهر اكو سر بين ابوي و ابوج ضامينه علينا
و هالسر راح يجرنا للكَبر اذا ما عرفناه
يُسر: باهر اذا نواجهم راح ينكرون اكيد
شلون نعرف الحقيقة بهاي الحالة
باهر: تذكرين ابوج شكال عن المنديل
يُسر : مسحت عيوني
_اي اي اتذكر كال صديقه انجرحت ايده و لفها بيه
و بعد ما رجعه اله
باهر: و ابوي كال حلقته نساها بواحد من المطاعم و من رجع راحت بعد ما لكاها
لزمتها من جتوفها و كومتها
خليتها كبالي و رفعت حنجها باصابعي
_شوف يُسر الي شفتي هنا تنسي و متكولين لأحد عنه
و لا لأي بشر
مااريد اعيشهم برعب من نفتهم السالفة كلها يلا نكلهم
يُسر: ماشي ماشي
بس باهر الطلقات زادن صار ٤ يعني دخل هدف جديد
تحسر
باهر: مااعرف يُسر
طلع سنان وكف يمنا
سنان: ها شبيهه
باهر : تهديد مثل كل مرة
سنان: يصير اشوفه
انطيته الورقة قرأها
سنان: باهر الموضوع زاد خطورة و يمكن نروح بالرجلين
ليش متحاجي ابوي و تخلي يفهمك
باهر: ما راح ينطيني جواب صدك
ح يخليني معلعل ادور وراه
تعالوا نفوت هسه و اني اشوف شلون احلهه
دخلنا جوه و كل واحد اتجه لغرفته
تمددت يُسر بس بعدها ترجف
كعدت امسح ع راسها و اقراها قرآن
لحد ما هدأت شوي و كدرت تنام
أنت تقرأ
أنتَ تنقصني (صبابة الهوى)
Mystery / Thriller_كَيف لَنا أن نفترِق؟ _كيف لنا أن نتفِق؟ انتِ كالجليد و انا كالقبس .. كيف لنا أن نكمل في هذا العشق؟ _داخلكِ نبات زاهر بيما داخلي حُطام مُبعثر ضامِر... _هل لكِ أن تجمعي حطامي و تضميني بين ذراعيكِ ؟؟ و تكون كل صباحاتي جميلة كجمال خديك؟؟؟ #ميرا...
