البينك وبيني صعب
ينهدم بحچاية
شفت المراية وگلت
شيصير يعني واذا متكمّل ويايه
من گلت كلشي انتهى
حسيت بيّن كسر گلبي بالمراية
يالگتلي حبك ربح ، جاي اخسر هوايه !
________________________
أنتَ تنقصني
# ميرال
___^_____________^^^^^______
يُسر :
كَاعدين كلنا نتريك بالصالة بس بالي يم سِنان خطية ، احسه مكسور
باهر كَاعد ينقش و صافن
أنتصار : يُسر: حضرتي كلشي ترى نروح بال١٠ هناك هم يا دوب نساعدهم ، خطية مودة لوحدها
امها تريدني أخذها للصالون
باوعت عليها و اني فاتحة حلكَي
يُسر: شلون انتِ تاخذيها قصدي ليش مو امها
أنتصار : و منو يبقى يستقبل الناس، اني؟؟
الأفضل اني اروح ويه البنية و هي تبقى
و ان جان قصدج ع سِنان
فقسمة و مصارت ليش يتعب نفسه و يهم بيها ، خليها تروح
درب الجابها عليه يجيب غيرها
ثواني و نزل سِنان من فوكَ متأنق كالعادة بقميص جديد و العطر يمشي وراه
شافنه كَاعدين ابتسم
سِنان : صباح الحببب ع الوجوه الطيبة
_ ردينا عليه كلنا: صباحك ورد
سِنان: يوم مو تنسين ترحين وياها و تختارين مكياجها، و تعدليها، لتخلين امها تروح ، ما تهتم الها و من تاخذيها لتحسسيها بنقصها، و لتحسسيها انج مقهورة ، ساعديها شكَد متكَدرين و لتعوفين وحدها
زفرت نفسها و تركت اللكَمة من ايدها و هي ترد عليه
أنتصار: وك يوم اني رايحة ع عمى عيوني و الله
نوب تريدني اسوي كل هذا
شلون اكَدر اسوي هيج و اني اشوفك كَدامي متزوهر عليها ، خليني ابطل و اكَعد و انهي الموضوع
هم مسافرين ، يعني مقطوعة علاقتنا مقطوعة
ها امي شكَلت
سِنان : لا حبيبة شلون هيج تسوين؟ ميصير
بعدين شبيه اني متشوفيني جني وردة البستان و حتى عطري يفوووح فوووح
باسته من خده
أنتصار : احلى من الورد، لتفكر بيها يمة ، تجي الاخسن منها و تريح كَلبك
سِنان: واثق بهذا الشي
يلا اني رايح محتاجين شي
باهر: اليوم صديقي يجيك هو و خطيبته ديربالك عليهم
رد عليه و هو يعدل بأكمام قميصه
سِنان: منو منهم
باهر: حسان
سِنان: تدلل انتَ و حسان ح انزله أرقى ذهب
عفتهم يتفقون و كَمت للمطبخ جبت ريوكَه اعرفه لياكل البيض و لا يشرب الجاي
يُسر: تعال تعال اتريك هاي لفتين جبن و مربى
و هذا كَلاص حليب
اكلهن لتطلع هيج
اخذهن من أيدي و هو يبتسم
سِنان : عبالي نسيتيني اليوم هههههه
يُسر: لا ع بالي
سِنان: صدك يُسر سوينه فد كيكة او اي شي من ملاعيب العيد مالاتج نتعلعل بيهن بليل
الثلاجة بيها بس مرك
يُسر: تدلل ارجع و اخبطهن
اكل عالسريع و طلع و عمتي كَامت ترش الحديقة
باوعت ع باهر لكَيته صافن
لزمت ايده
يُسر: شبيك حبيبي
تنهد و هو يرد
باهر: ماكل هم سِنان ، ديحمل نفسه فوكَ طاقته بهواي، اخاف يظل هيج و ينفجر بساعة من الساعات
يُسر : لتخاف عليه ، عوفه يعيش حزنه و يتخطاه
حتى تطلع من كَلبه .
التفت عليه
باهر: تكَولون ينساها؟ يكمل حياته بدون مودة؟
يُسر: راح يتناسب هالفترة، بس و وداعتك تجي التنسي عشيرة ، و يعرف وياها الحب الحقيقي ، و يضحك ع مشاعره هسه
باهر: اني شاريد غير هيج
يُسر: يلا روح للمكتب حتى تجي ع وكت للخطبة
عيب من خوالك
باهر: رايح ، باسني عالسريع و طلع لشغله
عزلت البيت و غسلت المواعين
دخلت للغرفة كويت قاطين لباهر منو يعجبه يلبسه
و حضرت نفسي اني و ابني
طلعت لكَيت عمتي جاهزة هي و التوأم
أنتصار : ها يُسر كملتي
يُسر: اي عمة كملت المفاتيح يمج؟
أنتصار: اي يمي، يلا اطلعوا سِنان منتظرنا برى
تفاجأت شجابه
طلعت و ركبت وويا ظلت عمتي تقفل البيت
تقربت من كرسيه
يُسر: شجابك ، لو بيك ما يخليك؟؟؟
ضحك و اندار الي
سِنان: ما متعمد اجي ، بس الختم و الدفتر
ناسيهن و ذن شوفيهن رجعت عليهن
كَلت خلي اوصلهم بطريقي و اروح اكمل شغلي
يُسر: سنِان تدري متفقين الي يوصلنا
ياخذ عمتي و مودة للصالون ، اذا تريد ارجع و احنا نروح لوحدنا
غمض عيونه و رجع راسه للكشن
سِنان: يمعودة بقت ع توصيلهم للصالون
همه موصلين للمكَبرة
فتح عيونه و طكها بضحكة عالية
سِنان : شوفي امي النبي عليج
شوفي شلون تتعارك ويا أمير
باوعت
شفت أمير ماخذ الجنطة مالتها من ايدها و هي تركض وراه بالشارع تريد تلزمه
و من تتعب توكَف تاخذ نفس
يوكَف مقابيلها و يهز جتف
عافتهم اسيل و اجت صعدت مد سِنان راسه من الجامة و صاح بأمير
انطاها الهه و اجو ركبوا و انطلقنا
أمير : شبيج شماخذ منج راح كَلبج
أنتصار: ادبسز بيها مستمسكاتي و فلوسي و ذهبي
التفت عليها سِنان : كله هذا محملته بيها شسوين بيه يا أمي
امير: اكشخ بي عيني ، حتى يكَولون ام أيسر المجلجلة بالذهب
سِنان: عمي رجعيها مدام قريبين عالبيت
عاطتتت بيهم
أنتصار: يبووو ولكمم مو كل الذهب
بس الي البسه اليوم ويه الفستان
اكلتونننني و شربتوني
شبيكم اوووووي ، يعني شلون اروح مبهذلة غير بكامل اناقني
سِنان: عمي و الله حقج ولك امير شوف الجمال ، شوف الأناقة ، شوف الحلاوة
عمتي صارت حمرة و تغطي بوجها
لحد ما فجرها
سِنان: شوف الكرش ، طالع استعراض شدعوة هالكَد ضابته ع بطنج
ضربته ع كتفه
أنتصار: تأدب لكككك و انلصموا يلا خلوا نوصل ع سلام
امير: بس
أنتصار : اششششش دوختوني اشششش
سكتنا لحد ما وصلنا للبيت نزلنا و هو نزل ويانا ظلينا واكَفين بالباب اني وياه هو سحب باكيته يدخن
يُسر: مو تظل بلا غده، انزل لأي مطعم قريب و اكل ادري بيك عجوزي متأخر نفسك و تسوي
سِنان: اكل بالمطعم، و إذا تأزم الوضع اروح لبيت اسلام
طلعن عمتي و مودة
سلمت ع مودة و دخلت للبيت
_________//_^^^^^^^^^__________///___
سِنان:
سلمت عليه ، رديت ببرود
و ما درت الها بال
اخذت البدلة من ايد امي خليتها بالسيارة و صعدنا ،امي كَاعدة يمي بالصدر
انتصار: يوم صالون(.......) تندله
سِنان: اي اندله ح اوصلكم و باهر لو كرم يرجعونكم
أنتصار: اي همزين كِتلي ، اني كَلت ارجع بوحدي ، مو تنسى صديق اخوك
سِنان: لا هسه طالع اشوفه
أنتصار: تجي للخطوبة
سِنان: مااعرف اذا كملت شغلي اجي
وصلتهم و نزلت امي هي بقت كَاعدة
مودة: سِنان سامحني عليك الله
اندارريت عليها
سِنان: بس كَولي اني مجبورة ع هالعرس
و ربج هسه اخرب كلشي و اخذج غصباً ع كل واحد
غرغرت عيونها بالدموع
سِنان: باعي عليه و احجي هاي آخر فرصة الج تصلحين بيها اخطائج ، بعدني عندي احساس مجبورة لتظلين تبجين حاجيني ارفعي عيونج اشوف
باوعت عليه و خلت عينها بنص عيني
مودة: بس اني موافقة من دون ضغط
محد جابرني، حتى ماما و بابا مموافقين ع قراري
أحس صابتني بنص كَلبي من كَالت هيج
هزيت راسي الها و درت وجهي عالشارع
سِنان : انزلي منتظريج
مودة: سِنان
عطت بيها : انزززززلي
نزلت و اخذت امي البدلة و اني رحت للمحل
وصلت بس احس راسي ثكَيل و عيوني جمر
اول ما دخلت للمحل نزف انفي دم
انتبهوا عليه العمال و اجو عليه
سِنان: ما بيه شي ، ما بيه هسه اغسل و اصير زين
بس جيبلي عصير هاي صعد ضغطي
ودوني للمغاسل غسلت و جهي و غسلت راسي و نشفتهم
و طلعت شربت العصير و اني انتظر حسان
شوي و دخل وياه بنية شابة و اثنين نسوان كبار
بس مبين كَابة بينهم واصلة للستار
وكَفت ارحل بيهم و جابوا الولد كراسي كَعدوا و دزيت الهم ع مي
شربوا و بديت أعرض الهم الموديلات الجديدة
ام العروس: مو حلوات جنهن تنك
ام العريس: يخبون ليش مو حلوات
ام العروس : شو هذا ما بي سوارات هواي ماريده نزل النا الحلوات شني ذن
ام العريس : يوم بله ذاك الي وراك
ا العروس : مو حلو ذوقج مووو حلوو
اباوع ام العريس ظلت ننفخ
و العرسان واكَفين ساعة يهدون هاي ساعة يهدون هاي
غمزت الحسان و اني اشرب اله اسكت
أنت تقرأ
أنتَ تنقصني (صبابة الهوى)
Mystery / Thriller_كَيف لَنا أن نفترِق؟ _كيف لنا أن نتفِق؟ انتِ كالجليد و انا كالقبس .. كيف لنا أن نكمل في هذا العشق؟ _داخلكِ نبات زاهر بيما داخلي حُطام مُبعثر ضامِر... _هل لكِ أن تجمعي حطامي و تضميني بين ذراعيكِ ؟؟ و تكون كل صباحاتي جميلة كجمال خديك؟؟؟ #ميرا...
