هَلي وأمَراضي والدَخان والمَنجل الوازاني
وتَرچية، ورصَاصة وصورة مَشگوگة
ووبگايا رمَاد گلهن حَصة أحَزاني.
________
أنتَ تنقصني
#ميرال
قبل كلشي صوووت ع النجمة
و علقوا حبايب
______________^^^^^_______^^______
٢٠٠٢
شهر السادس
سفرة الزوراء
كَاعدين نسولف اني و عمتي و نسوي زلاطة
و اسيل واكَفة يم هيام الي تكَلب بالتمن
و سنان واكَف عالمنقلة يشوي كباب هو و محمد
دورت بعيوني ع باهر
شفته واكَف هو و أيسر بعيد عنه
يسولف عليه أيسر و هو ممتف ايدي يستعع اله و يهز براسه
حسيته ضايج و مهموم و صارله ع هالحالة اكثر من اسبوعين بس ما حجه شبي
من سألته كَال ضغوط بالشغل لهذا تشوفيني هيج ضايج و تعبان، بس كَلبي ما مصدكَه أحس ضام شي علينا و شايل حمله لوحده
ضرب ايسر ع كتفه و هو يبتسم و اجو كَعدوا بصفنا اخذ مني السكين و بده يثرم زلاطة
اجه سنان خله صينية المشاوي بالنص
و هو يصيح ع أمير
سِنان: عوف الطوبة و جيبهم ياكلون
رجع التفت ع باهر
سِنان: باهر خوش اسوي مشاوي
افتحلي مطعم ، اني اعرف شلون اسوقله
انتجى أمير ع رجل سِنان
أمير: و اني مستعد اشارك سِنان
بس بشرط غداي يمنا عشاي منه
سِنان: وين ربحي؟؟؟؟ شو نص المطعم يصفى ببطنك ع هالحسبة
باهر: ضيف انهُ كل خميس تدز ثواب لبيتنا و لبيت و أيسر
أيسر: و الما تكَدر تطبخ تدزلها
سِنان: حبايب امك فلانة و علانة يجن عشاهن ببلاش
أمير: افتحلك جمبر بالباب عاد رخيص، عليمن هالخساير و راح تسوي افتتاحية و نأجر مكان
شو هي اول و تالي صافي ببطن اهل بيتك
سِنان: شنو هالعايلة المحطمة للامال و الأحلام و الأمنيات
أمير: ليش جان حلمك تصير ابو مطعم
سِنان: اي و شرط مطعم مال باجة و تشريب
أمير: شكلك مال عصابات ، ذول جماعة شوكة و سكين الي يطلعون بالافلام يهربون مخدرات و الماس و هاي، لو ذول الي يقتلون و يبعيون أعضاء
ابد متلوكَلك لابس صدرية ،و تفتر عالجداري تشوف الباجة استوت لو لا
ما اشوفها تضبط وياك
سِنان: زين تشوف تضبط، نسوي ضلوعك ع دولمة
أمير: لا ع الباميا أطيب ، بس يلا اني طيب ع كلشي
سِنان: دتعااال هم يلا تستوي سحب أمير و نومه ع رجله عود يريد يذبحه
باهر: شوكت تكبرون العباس عليكم
انتَ صرت ثلاثيني و انتَ تخرجت هالسنة شبيكم بعد،
شنو زعاطيط و تتعاركون
نط محمد و هو يفتن عليهن
محمد: يابة هاي هيج ، هذاك اليوم من سافرت تعاركوا برى بالسيوف، عود مبارزة نفس اليونان
ووكَع أمير و انفصخ كاحل رجله بس محد كَلك
التفت عليهم باهر و فاتح عيونه
باهر : هاي صدكَ هيج مسوين
سِنان: ترى حتى أيسر لعب ويانا شوفه شكبره عود ح يدخل أربعين شو ما حاجيته
باهر: عود انتَ الجبير لازم توكَفهم و تطيح حظهم من هيج يسوون مو تروح وياهم
أيسر: خابيبن شني طالعين نتونس
لو نترزل ، عاد خلينا ناكل يلا ترزل
باهر: أكلوا أكلوا وراكم عقوبة الا ازوعكم العافية
أمير: شدخل نشبع هسه و الله كريم
أيسر: يحتاج النا عرس ، نريد نتونس ضايجين
أمير: خلينا نزوجك ، صرت قديم
شوف عمار ابنك صاير أطول مني
جدد حلة التجديد
أيسر: خو نعرس لباهر ، هم قدم محمد بكَده صار
باهر: لاااااا ام بيتي تسوه الدنيا ، وين الكَى منها
سِنان: اذا تزوج ع يُسر اني اذبحه مو هي
اسيل : كلشي و لا يُسر
أمير: نطرده من البيت
أيسر: هلوووو هلوووو شوف الخوف
هيام: مو خوف بس وين يلكَون احسن منها ، يُسر شايلتهم بالصلوات
يُسر: حياتي هيومة، اروحلج فدوى
باهر: يابة اني اختياراتي تجنن هي كَوة
ظلوا يسولفون و يضحكون للمغرب ويه الاذان يلا رجعنا
صعدت اصلي
ورى ما كملت نزلت ادور ع محمد و ارجوان
شفتهم ويه ابوهم يصلون
دخلت و كَعدت بعيد عنهم و اني ابتسم
محمد علي عمره ١٠ سنوات حالياً نجح من الرابع ابتدائي
و ارجوان عمرها ٨ سنوات نجحت للثالث
كملوا و لموا سجاداتهم و كَعدوا كَدام ابوهم ينتظرونه يكمل حتى يحجي الهم قصة مثل كل يوم
شوي و اجه سِنان كَعد بصفي
سِنان: بده لو لا
يُسر: لا بعده يصلي
سِنان: همزين عبالي راحت عليه
سكتنا من شفنا باهر يلم سجادته
باهر: باعوا اليوم مراح احجي الكم قصة، احجولي موقف ظال ببالكم و مأذيكم و لو جنتوا بمكان هالشخص شنو تسوون
ارجوان: خلي محمد يبدي بين ما افكر بموقف
محمد علي: اثر بيه موقف قبل سنة بمدرستنا
حارسنا طرد امه من اجت تشوفه
لأن عايفته من هو و صغير و مربينه جيرانهم
و هي رايحة متزوجة و صاير عدها أطفال و هسه ذابيها
و من طلبته ع فلوس ، دفعها و عافها بالشارع كَاعدة
انقهرت هواي بوقتها
ثاني يوم اخذت مصرفي الي مجمعه من زمان و انطيته اله تتصرف بيه
باهر: شنو الي ضوجك
محمد علي: ضوجني تصرفه شما سوت تبقى امه ، ميصير هيج يسوي مثل يهينها كَدام العالم ، جان يكَدر يعطيها القاسمه الله و بخليها تروح بحال سبيلها
باهر : و اذا انتَ بمكانه شنو تسوي
محمد علي : في حال جانت حالتي ميسورة ، أخذها و اكَعدها ببيت و انطيها مصرف كل شهر بس بشرط متتقرب مني او يجمعنا حديث ، و إذا جانت حالتي مو زينة ، احاول اساعدها بلي اكَدر عليه و اوصلها لمكان تعيش بيه ، لأن مراح اكَدر أعيش وياها
راح اتذكر دائماً شلون ذبتني و يجوز اجرحها بالكلام فأبتعد احسن ، بس اكون بار بيها ع اي حال
باهر : عفية عليك ، تصرفك صح
فخور بيك و بتفكيرك
و انتِ رجوة
ارجوان: مرة نمشي اني و صديقي اية تعرفها مو
باهر: اي اعرفها
ارجوان : اي فشافت بنية ع وجهة وحمة ، راحت يمها و ظلت تحجي و تضحك عليها
اني ما تحملت، صرت انكَري ( غاضبة)
رحت يمها و رزلتها
كَتلها ميصير تضحكين ع خلقة ربنا ، ربنا كلشي يخلقه حلو ، و إذا وحمة ع وجهه فهذا ميأثر ع جمالها
تبقى بيوتفل( جميلة) و تجننن
مرة ثانية من تردين تعيبين ع بشر تذكري قوله تعالى
أنت تقرأ
أنتَ تنقصني (صبابة الهوى)
غموض / إثارة_كَيف لَنا أن نفترِق؟ _كيف لنا أن نتفِق؟ انتِ كالجليد و انا كالقبس .. كيف لنا أن نكمل في هذا العشق؟ _داخلكِ نبات زاهر بيما داخلي حُطام مُبعثر ضامِر... _هل لكِ أن تجمعي حطامي و تضميني بين ذراعيكِ ؟؟ و تكون كل صباحاتي جميلة كجمال خديك؟؟؟ #ميرا...
