ما مرّ عليكم كان يمثل بدايتهم
و لا يمثل بداية قصتي
استعدوا لمتاعبي ...
#سنان
________________
سنان
شهر ١٢
الساعة ٩ بليل
جو ممطر و بارد يكَص كَص
كَاعد بسيارتي انتظره يجي
دقايق و انفتح الباب و صعد يمي بالصدر
_شلونك حبيبي
سنان: هلا كَول شصاير وياك حتى جاييني بعز النهار لنص بيتي
_ السالفة ثخنت و بعد ما ينسكت عنها سنان
سنان : دفهمني شكو
_ باهر ح يموت
كَالها و نزل من السيارة
عايفني صافن بكلامه
_________________
باهر
كَاعد بالصالة اني و يُسر انتظر سنان يرجع ظل بالي يمه
بالعادة ما يتأخر هالكَد
و إذا الباب تنفتح و يدخل سنان
تفاجأ بشوفتي
نهضت و ووكَفت كَباله
احاجي بنبرة حادة
باهر: هسه تتأخر بطلعتك مايخالف ما كَلنا شي
بس عاد من تطلع كَول يابة ترى اتأخر اني، ليش تخلي بالنا يمك و نحسب لتأخيرك الف حساب
تقدم و بأس راسي و هو يبتسم
سنان : آسف، حقك عليه بس طلعت مستعجل و ما عبالي اتأخر كَلت شوي و اجي بس اشوف الولد بس لزموني الا ابقى وياهم و ما كَدرت أرفض
تنهد و هو يرجع شعره ليوره
باهر : منو همه هالولد
سنان : أصدقائي
باهر : ي منو هم
سنان : و هو يرفع تك حاجب و ينزل براسه
_ حسام و ريسان و بشير و اسلام
باهر: سنان لا عبالك ما عندي ثقة بيك
بس وضعنا و هالتهديدات تجبرني اتحرى وراكم عن طلعتكم و طبتكم و اصدقائكم ما اعرف شيصير بيكم لو منو يسويلكم شي
لازم اكون ع علم بأقل تحرك تسوو
ماريد اخسر واحد منكم
خله ايده ع كتفي بعدها حضني
سنان: ياريت تديربالك ع روحك و تنتبه لنفسك كَد ما تنتبه و تديربالك علينا
لاهي بينا و ناسي روحك
شددت ع حضنه
باهر: ولدي انتو
اتمنى احطكم بعيني و اسدها حتى امن عليكم محد يأذيكم
وخرت من حضنه و سحبت أذنه
باهر: أتأخر مرة ثانية و لتكَول الا ابيتك بالحديقة
و هسه يلا انكَلع لغرفتك ماريد اشوف وجهك
أبتعد عني و هو يغمز بعيونه اثنينهم بالتتابع
سنان: هاا هاااا عدتك مووو
لو جاي تبيع الكلمات مالاتها عليه
باهر:باوعت عليه و اني اخزره انبهه ع وجود يُسر
ركض صعد الدرج عالسريع
سنان: اي و الله هذن كلمات مرتك
جابت عمرها كله
ووكَف و خله ايده ع خصره مثل حركة يُسر بالضبط
نعم صوته و كَال بمياعة
سنان :: انكَلللللليييع من وجهييي بااهيير
ماريد اشوف وجهااااااك
اوووووووي هم انتَ شجاااااابك
صحت عليه و اني كوه كاتم ضحكتي
باهر : ولككككك سنان سد حلكَك
اشرتله بعيوني ع مكانها
باوع عليها و حك جبهته
سنان : هاااا هي هنا يلا يلا انسي الكَلته
اعتبري نفسج مسمعتي شي
كمل طريقه و رجع التفت علينا و اتكئ بيده ع المحجر
سنان: بس تدرين و علي الكرار هاي كلمتج مال انكليييييع اني امووت ضحك من جنتي تكَوليها
الله يساعد اخوي شلون ما يضحك كَدامج
جاوبته يُسر و هي تتكتف
يُسر: و ع شنو تضحك يمة
اشرلها بمعنى اصبري
نزل شعره ع جبهته يقلد الكذلة القاتلة مالتها
و كف ردانه
و رفع ايده عود معلكَ بيها جنطة و عنكش وجهاا
سنان : هيج جان شكلج من تحجيها
نوب كله تلبسين قمصان ردن كاملة و تكفيها من تردين تحاجبنه
و تلبسين هذن بوندات جنج وحدة من شقاوات بغداد
ردت عليه
يُسر: تغغغارررر مني لأن احلى منك
سكتها و هو ي فع لي.ه كَباله
سنان: اسكتي عمي شغار منج
غير من رحت اشوفج و طردتينا بعيطة وحدة عبالي خليل ابو الهوب
نوب ماخذين يكَلي هاي ح تصير مرتي
كَتله مرتيييش ولك عوزهابس خنجر بحزام الجارلس تخلي و هاي هي تصير شقاوجية يحطون صورتها تذكار
رفعتله حاجبها و هي تبتسم
يُسر: شو ما اتذكر طاردتك
اتذكر بس الاثنين الجانوا لاحكَينك بليل و اني كتلتهم بربدي الضامته ورى الباب
تذذذذذذكررر؟؟؟
سنان : ربد هيج يصير سمين
يُسر: ي
سنان: و ملفوف بتيب اسود؟
يُسر : ي
سنان : من طلعتي بتك نعالج و نعال ابوج
يُسر: يييي
صعد عيونه ليفوكَ عود يفكر
رفع اديه اثنينهم و باوع علينا
سنان : شوووو مااتذكر
كَالها و ركض فوكَ
لفيت أيدي ع كتفها و اني ابتسم
باهر: عوفي هذا يحب يناكَر
دارت وجها عليه و هي تبتسم
يُسر: اعرف بي
الفترة الفاتت كلها من يشوفني ابجي
يكَعد يشاقيني و يحجي وياي
صعدنا الدرج و تقربت داابوس خدها
و انهجمممم بابنا هجم عفتها و ركضت افتحه
دخلوا أيسر هو عائلته حالتهم حالة شايل اطفاله اثنينهم ع كَلبه
جايين بملابس البيت
و مرته شايلية جنطة صغيرة تبجي و مجلبة بقميصه
__^^^^^________^^^^^^^
يُسر
تركني و ركض للباب بعدني ع وكَفتي اجيت انزل ما احس الا سنان راكض قبلي
و بيده مسدس
لحكَتهم شفتهم مدخلين ايسر و عائلته
مشيت لهيام حضنتها و اني أهديها
دخلناهم جوه
سنان صعد اطفالهم فوكَ لغرفةامير
و نزل يمنا هو و عمتي
كَعدناهم بالاستقبال نريدنفتهم شبيهم
و رحت للمطبخ اجيبلهم مي شفت سنان بالطارمة
يباوع ع سياج البيت بعدها راح تأكد من قفل الباب الرئيسي و رجع دخل للمطبخ باوع عليه و قفل بابه
سنان: لتفتحوه بعد منا للصبح
ماشي ؟
يُسر: ماشي أخذت المي انطيتهم شربوا
و كَعدت بصف عمتي الحاضنة هيام
باهر: احجي ايسر شبيك ؟
فرك وجهه ايسر و شبك اديه يروي الصار وياهم
______
أيسر
اليوم الصبح و اني راجع من الدوام أنتبهت لواحد جان يمشي وراي ، من دخلت لبيتي هو كمل طريقه
كَلت يجوز صدفة اثنينا نفس الطريق امر طبيعي
للعصر اندك بابنا جايبة وحدة جيرانه ثواب
اخذته منها و دخلت جوه
الجماعة مقبولا ياكلون
كشوا مدري شنو
المهم ذبيناه بالحاوية
و سوينا غيره تعشينا و طفينا كلشي نريد ننام
حسينا بحركة غريبة كَبال بيتنا طلعت و باوعت من الشباك المطبخ جان مطر قوي ما كِدرت اشوف شي
بعدين من ركزت شفت واحد طفر ع سياجنا و بده يستكشف البيت بعيدين
و اشر للبقية نزلوا وراه و كلهم جانوا مسلحين
رحت لغرفة الضيوف تعرف شباكها يصير عالطارمة فتحتها شوي و سمعتهم يكَولون بصوت خافت بينهم
_اليوم لازم نخلص عليهم هسه الدوه اخذ مفعوله و ناموا همه اربع نفرات و اثنين منهم جهال حتى ما مسجلين بالمدرسة
ندخل نقتلهم و اي شي كدامكم اخذوا و اطلعوا محد يحاسبكم بس المهم تنهون حياتهم
أيسر :من سمعت حجيهم هذا رحت لغرفة الأطفال كَعدتهم ع كيف بلا صوت ووكَفتهم يم باب الحديقة و رجعت صحت هيام أخذنا جنطتنا و شردنا من الباب الخلفي و اجيناكم ركض
هذا كل الصار خوية
ضرب باهر ع راسه قوي
سنان بصوت خافت
سنان: يعني رادوا يخلصون عليك
جان رحتوا بيها انتَ و عائلتك
اندار ع باهر
سنان: هاا باهر شكَلتلك شوف كَاموا ينفذون بالجملة
عرفت ورى موت فلحي كُلنا نموت
ما راح يبقون منا نفر
يُسر: ابوي شدخله
ترى هي التهديدات من قبل زواجي
سنان: لاااا يُسر اكوو هواي اشياء انتِ متعرفيها
و يُفضل تبقين متعرفيها حتى تحافظين ع حياتج
رديت عليه و اني إنتر
يُسر: ترى هيام هم ما تعرف شي و ما سلمت ع روحها لا هي و لا أطفالها
احجولنا خلوووونا نفهم شصاير
شنو هالعداوة
ليش يردون يخلصون علينا
رادوا يخطفوني اني ووياك
وراها انداروا ع باهر ضربوا طلقة
قتلوا ابوي
هسه أيسر
بااااجر شوف عليمن يحولوووون
فهموووونا شديصير ؟؟؟
صاح باهر بصوت
باهر: يُسر مراح تستوعبين
و لا تفهمين الي راح تسمعي
اذا احنا بعدنا ما فاهمين شنو يردون منه
شلون نفهمج ؟؟؟
كَام من مكانه سنان و تقرب كَعد يمي
سنان: يُسر اعرف ما تثقين بيه
بس اني واثق بيج
و أوعدج افهمج كلشي بالوقت المناسب
انتفضت و اني ابجي
يُسر: الوقتتت المناسب شوكت؟؟
من تتخلى طلقة براسي
باهر : راح احجيلج
_________________
قراءة ممتعة
#ميرال
عيدددددددكم سعيد
و كل عام و انتم بألف خير
عسى الفرحة ما تفاركَكم يا رب
أنت تقرأ
أنتَ تنقصني (صبابة الهوى)
غموض / إثارة_كَيف لَنا أن نفترِق؟ _كيف لنا أن نتفِق؟ انتِ كالجليد و انا كالقبس .. كيف لنا أن نكمل في هذا العشق؟ _داخلكِ نبات زاهر بيما داخلي حُطام مُبعثر ضامِر... _هل لكِ أن تجمعي حطامي و تضميني بين ذراعيكِ ؟؟ و تكون كل صباحاتي جميلة كجمال خديك؟؟؟ #ميرا...
