مو كلشي بسهولة تعيش من دونه
ولا أي واحد من يروح تگدر تستمر بعده
ابقى اشتاگ لا تهتم
ابقى تذكر الناسيك لا تندم
بس خليها يمك سالفة تفيدك
إذا باقين ما رجعوا
عدهم غيرك مكفّي
وإذا مجروح وما داووك إبچي
وريّح عيونك
مرات الدمع يشفي
سوّي شما تحب بس لا تتانيهم
ترى البي شوگ يتعنّى
وما يشتاگ بس العايش لوحده
#النصيحة
_____________
أنتَ تنقصني
#ميرال
________^^^^^_______^^^^^_^^
سِنان: أمير شوف التليفون وباك
أمير: يا ستار استر يارب منو يتصل الساعة ب٢ و نص بليل
سِنان: خاف صاير شي
رفع أمير ادي بمعنى ما اعرف
امير: اذا انتبهوا بين صوتي و صوتك مثل كل مرة اكسر التليفون
صوته يشبه صوتي لدرجة يُسر متفرق من نصيح عليها
بس اسيل تفرق أصواتنا و تعرفها
اتجه السماعة و رفعها
أمير : الو منو وياي
مودة : شش شلونك سِنان
امير: العفو منج اني مو سِنان ، تفضلي اكَدر اساعدج
مودة : ممكن اعرف منو وياي
أمير: وياج أمير اختي ، منو اكِول لسِنان؟
سمعت صوت شهكَتها ، ردت عليه
مودة: انطي التليفون اله اذا تكَدر
أمير: ثواني ، ابقي ع الخط
خليت السماعة ع جنب و كَعدت سِنان النايم ع القنفة بالاستقبال
امير : سنونو سنونو اكَعد احاجيك سنونو
فز يباوع بوجهي
أمير: اسم الله اسم الله ، هاي بنية تريدك ع الخط و مبينة فاحطة من البجي
سِنان: صدك تحجي، تعرفني ما عندي هالدرب منين اجتي،اشطحها
أمير: بداعة باهر شوفها ، كسر كَلبي صوت شهكَتها
افهم منها شتريد يجوز محتاجة شي، و اني طالع بالحديقة من تكمل صيح عليه
سِنان: نفخت بالضوجة و هزيت راسي كَايم للتليفون و أمير طلع برى
سِنان: الو وياج سِنان تفضلي
ظلت ساكتة و اسمع صوت شهكَتها
سِنان: عيني ، كفي بجي و كَليلي ليش متصلة بهاي الساعة المتأخرة
مودة : سس سِنان
سِنان: اي وياج سِنان اسمعج ، منو وياي
مودة: وياك مودة بنت خالك
جاوبتها ببرود
سِنان: ها عرفتج هلا ام ريان شخبارج
مودة: الحمد لله شخبارك
سِنان: كلش بخيرر الله يسلمج
مودة: الف مبروك ،كَالوا خطبت
سِنان: الله يبارك بيج، اي قبل اسبوع تمت ع خير لله الحمد
مودة : جبيرة ؟ موظفة لو ربة منزل
سِنان: استاذة جامعية ، لا اصغر مني ب٣ سنوات و شهرين يعني من عمري
مودة: تحبك؟
سِنان: اي هواية تحبني ،ههههههه محظوظ بيها اني
زادت ببجيها و هي تسأل
مودة : و انتَ تحبها؟
سِنان: ع شنو البجي ام ريان شلج بهاي السوالف، ع العموم انتو شلونكم ان شاءالله مرتاحين الصغار شلونهم
مودة : تحبها سِنان؟
سِنان: تتوقعين اخطي هيج خطوة لو ما أحبها
مودة: شوكت حبيتها؟
سِنان: من اول مرة شفتها ، قبل ٦ أشهر ، تعلكَت روحي بروحها
ردت بنترة
مودة: متشوف نفسك استعجلت ، اشو مدة قليلة منو كَا هذا حب
سِنان: بالعكس هواي اتأخرت، جان لازم هسه متزوجين لو مبادر من اولها، بس ردت اتأكد من صدق مشاعرنا
مودة: يعني نسيتني سِنان؟
زفرت انفاسي بغضب و اني ارد عليها
سِنان: شتو هالحجي ام ريان ، لتنسين انج ع ذمة رجال ، احترميه و احترمي نفسج، اذا جنت داحجي وياج حالياً بطريقة حلوة فهذا ميدل ع الي ببالج ،غلطانة
الي ببالج انتهى و راح من عقدتي من ذاك الوكت وصلت الفكرة
دااحجي وياج بصفتج بنت خالي و صديقة الطفولة
محتاجة شي ؟
مودة: لا حبيت اباركلك و اسمع اخبارك
سِنان: شكراً لاتصالج ، اخت عزيزة ، الشاهد الله حاسبج مثل يُسر و هيام و اسيل اختي
مودة: و اني ماا كَدر احسبك اخوي مستحيل هاي اني ا
قاعطت كلامها
سِنان: ام ريان ما اشوف بحديثنا شي مهم لهذا مضطر اغلقه سلميلي ع ابو ريان و مع السلامة
مودة : يوصل ، مع السلامة
غلقته و رجعت تمددت بمكاني و اني صافن عالسكَف
ورى مدة حسيت بأمير دخل و كَعد يم راسي
أمير: ها سنونو؟ هاي الي ببالي مو
تنهدت
سِنان: اي مودة
أمير: عرفتها ، شعدها شتريد؟
سنان: متريد، حبت تبارك و بس
أمير: استثقلت اتصالها ، لو ادري ما مخليك ترد
سِنان: هههههههه ترى تخطيت من زمان ، عمي اختي و الله حالها حال البنات
أمير: هذا احساسك انتَ ، منو يكَول احساسها هي مثلك
سِنان: ميهمني امورش ميهمني
المهم اني شنو حاس
أمير: يا اخي فلسفتك تنحب و لو تنضر هواي بس تنحب
سِنان: مو وراك دوام شعندك سهران شرأيك اكَرش عليك
لباهر الصبح
أمير: لا العباس عليك، بس تكَله يمنعني اطلع بعد
رايح انام
سِنان : يلا ولييي و سد الباب وراك
عود تصبح ع خير ع كولة يُسر
أمير: و عود انتَ من اهله ع كَولة باهر
سد الباب و طلع و اني نمت بمكاني
______^^^^______^^^^^______
يُسر
كملت الريوكَ و نصيت النار تحته و طلعت أصيح الهم
لكَيت باهر خال ارجوان و اسيل ومحمد كَباله بالحديقة و يحجي وياهم
و ع صفحة واكَفين سِنان و أمير يستمعون اله
أرجوان : يعني هسه اول ما افتح عيوني شكَول
باهر:أصبحنا وأصبح المُلك لله ربِّ العالمين، اللهم إني أسألك خير هذا اليوم فتحه ونصره ونوره وبركته وهداه، وأعوذ بك من شرِّ ما فيه و شرِّ ما بعده، لا تنسَ {{اذكار_الصباح.🤍}} ( يُفضل ان تُقرأ صباحاً بعد صلاة الفجر)
اسيل: بس باهر انتَ كَايلي غير هاي
ابتسم و هو يرد عليها
باهر : هنه هواي ، و كلهن تكَدرون تكولونهن
محمد علي : شنو الباقيات
باهر:{{أذكار الصباح}}
أنت تقرأ
أنتَ تنقصني (صبابة الهوى)
Mystery / Thriller_كَيف لَنا أن نفترِق؟ _كيف لنا أن نتفِق؟ انتِ كالجليد و انا كالقبس .. كيف لنا أن نكمل في هذا العشق؟ _داخلكِ نبات زاهر بيما داخلي حُطام مُبعثر ضامِر... _هل لكِ أن تجمعي حطامي و تضميني بين ذراعيكِ ؟؟ و تكون كل صباحاتي جميلة كجمال خديك؟؟؟ #ميرا...
