هاي الرادها و هاي التمناها 💙🦋
___________^^^^^^^_______/
أنتَ تنقصني
#ميرال
/__/_________________
لتنسون التصويت ع النجمة ووالتعليق ع الفقرة الي تعجبكم
احب اقره تعليقاتكم و اعرف ارائكم
__________^^^^^^^^^^_____
سِنان:
ركضت للغرفة الي نايم بيها نصر
لاكَاني بالباب و ع قميصه دم
سِنان: شكو شكو شصاير
لطم وجهه و هو يرد عليه
نصر: ما ادري شبيها جاي تحجي وكَام خشمها و اذانها تنزف دم و وكَعت الحكَلي سِنان راح تموت
نزلوا أمير و اسيل ع الصوت
الظاهر جانوا بعدهم كَاعدين
تركتنا اسيل بالباب و فاتت الها
لزمته وواني اهدي
سِنان: ع كيفك اهدئ اهدئ
هاي اخوي معاون صيدلي وواختي مخدرة
هسه يشوفوها ، ما بيها شي ان شاءالله
صاحت علينا اسيل من الغرفة
اسيل: أحد يجيبلي جهاز قياس الضغط بسرعة
غسلت وجهه و كَعدت تصحي بيها
ركض أمير جابه من غرفة امي
و انطاه الها ، دخلنا وكَفنا ع صفحة اني و نصر
بدت تقيس ضغطها، التفت لأمير
اسيل: أمير ضغطها صاعد
امير: راح اجيب الها حبة تعادل الضغط
سِنان: ها اسيل
اسيل: لتخافون مدام نزفت يعني ماكو خطر عليها
لو ما نازفة جان انجلطت
انطاها أمير الحبة و كلاص مي
ذوبتها الها و شربتها
شوي شوي بدت مودة تصحصح و تنتبه النا
وخرت منها أسيل و تقدم نصر كَعد بصفها لازم ايدها
نصر: مودة شنو تحسين ؟
اخذج للمستشفى
مودة: دايخةة
اسيل: عدلها و خلي تنام هسه تتوازن لتخاف عدت سلامات
سِنان: تحتاج ناخذها للمستشفى
اسيل: بكيفكم بس همه ح يسوون نفس ما سوينه
و احتمال ما ينطوها شي
أقترح تاخذوها باجر لدكتور مختص
امير: ارتفاع ضغط الدم ، خطر ،خاف يشكل عدها
اعرف دكتور عالج مرت باهر من الضغط
تريد نروح باجر اله؟
نصر: بعد اخوك اي نروح
رفعت ايدها مودة و لا تأشر بلا
مودة: لا ما بيه شي ميحتاج
امير: لا تتهاونين بصحتج ام ريان حتى لو ما بيج شي روحي جيكي وضعج
سِنان: روح وياهم مدام تعرف الدكتور حتى يدخلهم بسرعة
امير: اي يدللون ما عندي شي
سِنان : عندج العافية ام ريان
مودة: الله يعافيك
سِنان يلا اطلعوا خليهم يرتاحون
وكَف نصر و هو يعتذر منه
نصر: اعتذر خبصتكم بهذا الليل
و هبطت سِنان اجاني يركض
طبطب سِنان ع كتفه
سِنان: عليمن تعتذر يمعود ، اهم شي سلامتكم
اي شي تريد صيح عليه
يلا تصبحون ع خير
طلعنا و سديت الباب وراي ، ابتعدنا عن غرفتهم وصلنا الدرج، انتبهت ع أمير و يحاجيني
امير: بالله عليكم هسه هاي شيسموها، من اجت لحد الآن تدور مشاكل، و لا مرتااااح لجيتها
أسيل: مو بس هيج ، خلصت الحفلة و هي دموعها ع خدها و لو تشوفون شلون ينكَلب وجهه من يحجون برحيق ، كَبل تخزر اليحجي عبالك تريد تاكله
امير: احسها مو بعقلها
سِنان: سدوا هالموضوع ، مااريد اسمع بشر يحجي بيه ،،خاصةً بعد ما تجي رحيق
ترى تضوج منها و ما تطيقها
أمير: حقها اني وياها
اسيل: جانت خوش بنية
هسه مدري شبيها احسها متغيرة صايرة حية مسمومة
امير: لا حبيبتي هي حية من زمان
بس جانت مصبوغة، هسه انغسل لونها و طلعت حقيقتها
سكتتهم و اني اصعدهم الدرج
سِنان: اششش اششش يلا لغرفكم
ورانا باجر ركض اكثر من الخيل
أمير: راح اسكت و اسمع كلامك، لأن عاجبني هالفترة و صاير كَلبك جلددد
اسيل : سببببببببع
سِنان : باهر ليش ما نزل
اسيل: طلعنا من غرفنا سوة ، بس مبين عليه مطفي و نايم ، كَتله ارجع اني و امير نازلين و سِنان جوه اذا احتاجينه شي
امير: هو ما كَال باطل ادخل و اقفل غرفتك
تنهدت و اني ارد عليه
سِنان: تعب اليوم حييل حقه، مادري شلون اجازي
امير: غير كلنا ولده و يتعب ويانا
بعد وراكم عرسي هي هييييي
تنامون و انتم واكَفين من التعب
سِنان: دصعد لا انومك بالحديقة
صعدوا اثنينهم و هم يضحكون
و اني رجعت انام
_^^^^^^^^^^_^^^^^^^^^^^^^
مودة:
طلعوا ، بقى بس نصر
كَعد يمي و هو يمسح ع خدي باصابعه
نصر: من رجعنا للعراق ما طابلج خاطر ، اذا بقى الوضع هيج اضطر ارجعكم منين ما اجينا اني اكَلج
مودة؛ الله كريم ، تعال نام هبطت بتالي اللليل
تمدد يمي و خله ايده ع عيونه
نصر: ما كَتيلي شردتي تحاجيني قبل لتوكَعين
مودة: اصير زينة و نحجي
نصر: شئتي ام ابيتي تروحين باجر للدكتور
مودة: اي اروح
نصر: هسه شنو تحسين
مودة : راسي يوجعني مااكَدر انام
مد ايده يلعب بشعري
ظل هيج فترة لحد ما نمت
كَعدني الصبح ، بدلت حتى نطلع للدكتور
وكَفته و اني اسأله
مودة: و الأطفال شلون، عد منو يبقون؟
نصر: سِنان راح ياخذ ريان و محمد وياه للحمام
و البنات كَالوا راح نبقى ويه أسيل
مودة: اي زين
طلعنا من الغرفة لكَيناهم كلهم كَإعدين يتريكَون
صبحنا عليهم ،
باهر: اجيتوا بوكتكم اكَعدوا تريكَوا
نصر: لا نتريكَ برى من نرجع مستععجلين هسه
كَام امير تقرب ليُسر و يحجي وياها همس و هي تهز راسها و منتبهة لكل كلمة يكَولها
اخر شي دارت وجهه عليه مدري شكَالت اله و ضحك
اشر لنصر نطلع
امير : يلا نصر اطلع هم يلا نوصل حتى ندخل اول الناس
نصر: اي ورانا نرجع نتحضر للعرس
طلعنا من البيت ،اجينا نركب السيارة
و صفت سيارة بيضة بالباب ، توجه اله امير
امير : اجه ضباب
نزل من السيارة و سلم ع أمير
بعدها دخله للبيت و اجه صعد ويانا
وصلنا للطبيب ، دخلنا بسرعة ع عرف أمير
و كتب النا علاج ، طلعنا و طلع بينا نصر للمطعم
طلب النا ريوك
امير: عدت سلامات، لازم تبتعد عن الضغط و مترهق نفسها و لا تتعب
نصر: حاجيها هاااي يمك غير كون تسمع الكلام
امير: هالمرة تختلف ، اذا تنجلط و ينشل شي بيها
شتسوي بذاك الوكت
خلي تدير بالها ع نفسها و تنتبه لعلاجها الصحة ما تتعوض
وصل الاكل اكلنا و رجعنا للبيت
___^^^^^^^^^^^^^^^^^^^^^^^^^^^^____
أرجوان:
كَعدت ع شي يمشي ع انفي
حكيت انفي و رجعت نمت
شوي و رجعت حسيت كَام يمشي ع كَصتي
فزيت مخروعة جان ينعم شعري
أرجوان : ايييي شنو هاي
شفت عمو سِنان كَباللي لازم شعري يمشي ع وجهي و ميت من الضحك ،
أرجوان: شبيك عمو هاي هم طريقة تصحي بيها شخص من النوم ، شنو اعلمك اني يا عيني
سِنان: اشتاااقيت لوجهج كَلا اكَعدج الساعة ب١٠ و نص
يلا كَومي هم يلا تلحكَين تاكلين و تجهزين نفسج
حجزت الج ويا العروسة انتِ و امج
كِمزت و اني احضنننه
أرجوان: شنييي من عم اروحلك فدووة حبيبي
حضني و هو يبوس خدي
سِنان: بنيتي شكم رجوة عندي اني
يلا بسرعة غسليي
عفته و رحت اغسل عالسريع
لكَيته منتظرني عالدرج ينقر باصابعه ع المحجر و هو يغني
سِنان : لا تتعاند وياي ما تكَدرلي يهواي
حضنت ساعد ايده و اني اكمل الأغنية
أرجوان: اجييييبك للدرب كَتلك اجيبك
متراهن عليك أصبح حبيبك
نزلنا و احنا نغنيها
سِنان: انه قافل عليك إلا اجيبك
دخلوا امير و مودة بهاي الاثناء
هز اميرجتفه و هو يكمل
امير: اجيبك لو عليك الفين حراس
أرجوان: بنص الليل اجيبك تشهد الناس
كَابله سِنان و هو يهز وياه
سِنان: خليهم يكَولون هل مثلي يصيرون
نصيبك انه شيغير نصيبك
امير: اهاااا اجيبك للدرب كَتلك اجيبك
سكتنا امي و هي تعيط بينا
يُسر: ابقوا غنوا و احنا ان شاءالله نطلع للصالون ورى ما تخلص الزفة
سِنان: افااااا ادزج بصاروخ اذا اتأخرتي
امير : اي لأن مال يأجل العرس ما يأجلها
لو هسه يعدل جدي السادس عشر
سِنان : عوفه نايم جا يكَعد ع خراب بيتي
يُسر: ضباب منتظرك بالاستقبال شوف الولد صارله ساعة مشتول
سِنان: باهر راح يشوف الذبايح منو يوصلكم؟
يُسر: امير يوصلنا و يرجع الكم
و ضباب يجي علينا يأخذنا
أرجوان اخذي ملابسج نبدل هناك ما نرجع للبيت بعد
ارجوان: اي يوم اخذتهم
دخل عمو نصر و هو يسلم علينا
سِنان: ها دكتور شكَال
نصر: ما بيهه شي ان شاءالله انطاها علاج و راح تستمر عليه
سِنان: اهم شي تستمر حتى ما يشكل
انتَ تجي ويانا نصر
نصر: للحمام؟ لا بعمري ما داخله استحي
دفعه سِنان للاستقبال
سِنان: دمشي امشي الا يطلعون الك جلد جديد
لتستتتحي نبقى بملابسنا
أخذه كَوة عليه وياهم
طلعت انتظر امي بالطارمة
فزيت ع صوت وراي
ضباب: اجيييبك للدرب كَتلك اجيببك.
فتحت عيوني بصدمة و رديت عليه
ارجوان: شنو من أذان هما و سمعت شنو نغني
ضباب: صوتج استريو الله يستر عليج
ارجوان: يمةةةةة خمسة بعينك عفية لتحسدني
ضباب: منو الحسد ابو عيون السود لو العيونه زركَ
ارجوان: عيووووني مو زرك
عيوني رصاصيات مثل ماما
ضباب: اني اشوفهم زرك طوخ
درت وجهي منه
ارجوان: مو مشكلتي اذا نظرك مو سليم
شوفلك طبيب يصحح نظرك
ضباب: اريد افهم توج عمرج ٩ سنين منين الج هذا المنطق و اللسان
انداريت عليه و اني اتخصر
ارجوان: اكَول ؟
انتَ هسه مو لازم ويه عمتك تودعها شعندك يمي تتسمع علينا
ضباب: و ياهو كَلج اني مرافقة العروس ، هي مرة بالصابون شسوي اروح وياها، امسح الكحل من تبجي ؟
ارجوان: هم صدك ،يلا اني ح اخذ دورك و امسح دمعها
ضباب: و اني منو تمسح دمعي؟
أرجوان: ليش يمة اني امك
طلعت امي و عمو أمير علينا و صفنوا بينا من شافت الوضع مشحون
يُسر: بس لا هم تعاركتوا
ضباب: هههههههه اريد افهم شغلة وحدة بتج عليمن طالعة، شو باهر اشوفه فقير
و انتِ كذلك هاييي اللسان منين جايبته
رد عليه سِنان و هو يهز بيده
امير: و الله ماكو فقير غيرك، ذول فقره؟
ولك باهر موكَف المحاكم ع تك رجل و القضاة كلها متحبه لأن يلاهد، و المحامين بس يعرف خصمه باهر
يكَلك مع السلامة ما ادخل بدعوة خسرانة ، هذا يسكت القاضي و الأمة كلها بلسانه
اندار و هو يأشر ع امي
امير: عندك هنا الوالدة الكريمة قبل لا تصير جنتنه
لعببببت بينا لعبتي اني و سِنان
جان بيتهم هنا مقابيلنا الباب بالباب احنا وياهم
يدو الها اكل بيدي، تلزمني بالباب تحقيق و بعدين ترجعه بيدي وياه قاط رزالة مكوييي
ضباب: العباس عليك
امير: و العباس عود يسافر و يوصينا عليها نشوفها و ندير بالنا عليها، سودة عليه عود احنا اخوانها
هي تشوفنا و هي تمسح الكَاع بينا مرة وصلت تريد تشتكي علينا للدروية الي يم مدرستها
و هسه جاي تسأل عليمن طالعة الطفلة هاي
منين تطلبها شو كلنا لسنة و طراكَيع سودة
ضباب: شلون عايش وياهم
امير: لا عمي ما نلكَى منهم وين ما رحنا
ياهو يصرف علينا ياهو يفكَدنا
يُسر: ياهو يشتريلك سيارة جديدة
امير: ام محمدددد الوردة ، الموافقة إذ صدرت منج يشتريها الي بس شوي شدي حيلج و اقنعي
مو ع ناس و ناس
لسِنان تقنعي ، يمي توكَفين ضدي هاي عود رفيقج
دخل باهر و هو يكف قميصه
باهر: سمعتك و لك سمعتك يعني مرتي تفرق
يُسر: الله يساعدك، هذا يلعب
باهر : يساعدج ،امير اطلع برى جيب الطلي
طلع امير و هو يدردم شوي و دخل يصيح
امير: الحسن عليك جبتها الي
لا لا لا العباس عليك نوب المودييييل الاريده
و اللون احححححح فجرت مشاعري تعال ابوسك
هجم ع باهر و هو يبوس براسه و بوجهه
و باهر ميت ضحك عليه ، دفعه من لح
باهر: شلعتتت خدي كافي ، ولي شوف سيارتك
يُسر: مبارك عليك السيارة أمير
أمير: الله يباااارك بيج و يزيد خيركم
يُسر: اشكرك ، توصلنا هيه لو تبقى مكَابل المحروسة
امير: تددللي اوصلج و ارجع اجيبج و إذا تردين اوصل المعازيم كلها اليوم
باهر: انتبه عليهن وصلهن و تتأكد منهن يدخلن ورى شوي يلا تحرك و تجي
طلعت علينا اسيل و هي كَالبة وجهه و ضايجة
وراها مودة
اسيل : اني جهزت
مودة:يُسر اكو مكان اروح وياكم؟
باوعت ع اسيل الي ما راضية رجعت باوعتلها
يُسر: اي تعالي ، هو بس اني و اسيل رايحين أرجوان تكَعد يمنا
مودة: اجيب ملابسي و اجي
دخلت و أسيل تقربت مني تحاجيني همس
أسيل: ليش قبلتي تجي ويانا خاف تحش براس رحيق ع سِنان و تبدل رأيها ترى ما عدها مانع هسه تفركش كلشي اذا تحجي الها عن علاقتهم قبل
يُسر: سِنان حاجي لرحيق كلشي و مفهمها ، و اني أريدها تبقققى ويه سِنان بنفس المكان ، البنية مو صاحية تروح تبلي بشي عاد تروح ويانا عينه عليها
و حتى إذا حجت رحيق عاقلة و تعرف الحقيقة كلها اكبد مراح تتأثر بكلام مودة
و إذا اتأثرت سِنان يعرف شلون يحل الموضوع
تأففت و طلعت صعدت بالسيارة
دخل ضباب من برى ، مااعرف شوكت طلع
تقرب ع أرجوان و هو بيده بطل ببسي و كيكة
مسح وجهه و باوع الها بجدية
ضباب: ضوجتج و كَلبت مودج و انتِ عندج عرس
اعتذر منج و هذا اعتبري صلح باوعت ع ايده و رجعت باوعتله
أرجوان: اعتذارك مقبول ، اخذهن الك ما اكلهم
باهر: عيب بابا ، ميصير نرد ايده مو حاجين بهذا الموضوع رجوة
ارجوان: بابااا
باهر: اخذيهم رجوة
اخذتهم من ايده
ارجوان: دقيقة هاك هاي نستلة ،أعتبرها مقايضة و لو مو عادلة بس هذا الي بجيبي هسه
ابتسم و أخذها من أيدي فتح غلافها
ضباب: اني راضي بيها ، و شكرراً عالنستلة
اتمنى الج نهار سعيد ست أرجوان
ارجوان: نهارك أسعد
رحت ع بابا بوسته
يُسر: ملابسك كويتهم و علكَتهم و ملابسك و الساعة حظرتهم ع ميز المراية و لتظل تفتر بلا اكل
اكَعد اتغدى
باهر: اني المفروض انبه عليج لأن هالايام ما مهتمة بصحتج و هاملتها و ملتهية بينا
راح ادز الكم غده للصالون اكلي و اخذي علاجج
جبتي لو نسيتي
رديت عليه
ارجوان: لا بابا خليته الها بالجنطة
باهر: عفية بحبيبة ابوها ، عينج عليها يُسر
و محمد راح يبقى ويه عمه و نبهت أمير و أسلام عليه
يُسر:حظرت ملابسه و اخذهم خلاهن ويه عمه ، ريان هم بقى هنا
يُسر: بنات مودة
باهر: خالة ام مودة و هيام هنا بالهن عليهن بس ما نروح للزفة
طلعت النا مودة و هي شايلة علاكَتها
يُسر : يلا احنا نروح بعد ما اوصيك حبيبي
باسها من راسها
باهر: الله وياكم لتوصين
يُسر: احبك
ضحك ضحكة واسعة و رد عليها
باهر: اموت بيج اني
صعدنا بالسيارة عمة اسيل بالصدر و احنا ورى
شغل عمو أمير اغنية و بده الركَص هو و اسيل
يُسر: شهرتونا مناه الناس تباوع يا ياااا
اسيل: يُسر تذكرت عرسج
امير: جنه اكبر من محمد بشوية بوقتها
يُسر: اي جانت اعماركم ١١سنة، ايتم حلوة
امير: اي نعيدها و نزوج باهر
يُسر: اي زوجنا من جديد و زينا بسيارتك ، بس اختار النا مصور زين نصور عنده لقطات حديثة
أمير: احححححح سيارتي، اخخخخ كَلبي
ارجوان: شتحجين يوم ، ح يجودرها و يخليها تحفة بكراج البيت
باوع الها بالمراية
أمير : اي و الحسين يا عمو ما ينطيني كَلبي حتى اشغلها مو نوب اطلع بيها ، اموووووووووووت
يُسر: اطلع بيها و اني اخليه يبدلها الك من يعتكَ موديلها
امير: تعلمي اسيييل تعلمي هيج تصيرين ويه حموينج
من تزوجييين
اسيل: مقررة اخذ دورة عند يُسر حتى اعرف شلون متحملتكم انتَ و اخوك ، تشلعون الكَلب
لو عنده اخوان مثلكم و لااا اخده
يُسر: لا بالعكس سِنان و امير ما يشلعون الكَلب
وصلنا للصالون لكَينا الماكيرا حايرة بشعر رحيق
لأن قصيرر فأقترحت عليها تخلي الها مفتوح
بدت الماكيرة الثانية تمكيج امي و مودة و اني سويت بس تسريحة و لبست بدلتي ام الصالون سوت لرحيق تسريحة حلوة بكَذلتها
و ركزت بالمكياج ع رسمة كملتها اندارت رحيق ع امي
رحيق: ها يُسر شلوني
يٌسر: تكتلين كتل
رحيق: ذوق بنتج هذا هههههههه
يُسر: ههههههه شوفيها ع كَلب عمها
دز النا باهر الغده تغدينا و احنا كَاعدين
وجهت مودة كلامها لرحيق
مودة: جان خليتي خصل او باروكة ع مود تسوين تسريحة حلوة
ردت عليه ببرود
رحيق: سِنان ميحب ، كَال عوفي احبه هيج
مودة: اعرفه جان يحب شعري طويل
ابتسمت ابتسامة صفرة و هي تباوع لرحيق
ردت عليها رحيق و هي مبتسمة بأستفزاز
رحيق: لا غلطانة و الدليل جنتِ تكَصين شعرج كل فترة ع موده
تدخلت امي تنهي النقاش كَبل ليصير عركة
يُسر: كَومي البسي البدلة راح يجي ضباب
اخذته بدلتها و راحت قبل امي للغرفة ، هجمت امي ع مودة تعاركها
يُسر: دخلي لسانج لحلكَج لا اكَصه الج مو صحيتي بعد ١٠ سنوات و جاية تخربين عليه و حق ربج انسى العيب و الخولة ادوس ببطنج و امسح بيج الصالون
مودة: اهدي ما قصدي شي بحجيي حبيت..
قاطعتها
يُسر: نعرف نعرف قصدج ما حاجة تبررين
ماريد منج شي بس ضبي لسانج و انتبهي لبيتج و عوفي ابنا يعيش حياته لا اضطر احاجي خالي و زياد اخليهم يشوفون حل وياج
اذا سِنان يخاف الله بيج و يخاف تدمر حياتج
اني ماااخاف من شي
عافتها و راحت ورى رحيق لبستها و عدلت شكلها و ظلينا
أرجوان: جان دزيتوا ع أمير يوصلنا
رحيق: ليش ولج شبي ضباب
يُسر: مو صالحج
ارجوان: يضوووجني يوم يضوجني
رحيق: ههههههه لا اصلاً دوم يسولف بيج لماما يكَلها هيج حبابة بس ما تنكَدر احبها لأن ما تسكت عن حقها
وصل ضباب
ماما و اسيل لفن رحيق لف و ساعدنها تصعد بالسيارة
ركبت ماما بالصدر يمة و اني اسيل خلتني بحضنها و مودة كَعدت يمنا ورى يم العروس صرنا حل و شد
اباوع لضباب عيونه حمر حاصرته البجية بس مسيطر
لبين ما وصلنا طلعت روحي
نزلنا للبيت و كَعدنا العروس بالكوشة
سلمن عليها امها و مرت اخوها
شوي و دخل ضباب بوس رحيق من راسها
و لبسها قلادة ذهب بأسمها و ٦ اساور
كل ايد ٣ و محبس كلش حلو
لزم أيدها و هو يداري دموعه
ضباب: اتمنى اكون ما قصرت بحقج و لا ضوجتج بيوم او نزلت دموعج، انتِ اختي مو عمتي، كبرنا سوة و درسنا سوة و دوم جنتي بظهري و داعمتني كبرتني و صرفتي عليه هههههه و الج مجهود جبير بضباب الي هسه واكَف كدامج
اليوم اكَلج اني بظهرج و ابقى ساندج طول العمر
و بيتي مفتوح الج ، شوكت ما تردين ادفري الباب برجلج و فوتي ، ابد لا تترددين تجيني
صدكَي اطلع حقج من حلكَ السبع
و انتِ هم صيري سباعية هسه بيت سِنان صاروا عائتلج وترى ناس كلش زينين و زوجج خيرة الزلم ، و هاي نسوانهم تعرفتي عليها و تأقلمتي وياها
متأكد راح تعيشين وياهم بسعادة و ابد ما راح يزعلوج
بس هاي مو معناها تنسيني و تكَطعين بينا هههههههه
باست رحيق ايده
رحيق: انتَ ابني و اخوي شلون انساك يومية تلكَانا مسيرين عدكم
غطه وجها وحضنها
ضباب:ربي يوفقج و ينور طريقج و يكتبلج الخير و السعادة بكل خطوة
وصلت الزفة ما نزل أحد بس سِنان
دخل و البنات تلكَنه بالهلاهل و الهوسات
تقدم وكَف كَبال ضباب
ضباب: ما راح اوصيك اعرفك رجال و راح تصونها و تحفظ كرامتها ، رحيق وياك بمأمن
بس خلي ببالك اذا تضوجها او تنزل دموعها ما اتردد لحظة أخذها منك
خله ايد رحيق بأيد سِنان
و باركلهم ، سِنان حضنه و هو يهمس اله و ضباب يطبطب ع كتفه
بعدين أخذ العروس و صعدوا بسيارتهم
اشر النا بابا و صعدنا وياه
باهر: هلاااا بالحبايب شطالعات ولجن تجننن
أرجوان: جمال عيونك الي يجننن حبيبي
باهر: حبيبة ابوها شنو هالشعر الحلو
أسيل: شووووف شعري باهر
التفت الها و هو يضحك
باهر: هم يجنننن طالعات اميرات
بنص الشارع وكَف أسلام السيارات و نزل هو و امير يركَصون بالشارع و والولد نزلوا وياهم
و ابو الموسيقى يعزف
و هذول ذبوا لحم
شوب و نزل بابا صعدهم و طلعنا للقاعة
نزلوا العرسان للاستوديو مال يصورون
و أخذنا وياهم شكم صورة
بعدين صعدنا للقاعة ، كَعدنا العرس بمكانها
و بدت النسوان تركَص ورى ساعتين فات العريس و وراه جابوا الكيكة
وكَفوا العرسان كَصوها أكلوا منها و شربوا عصير
و رجعوا كَعدوا عالكوشة ياخذون صور
دقايق و دخل بابا طلعهم للفندق راحت وياها ام ضباب
نسمع هوسات الولد وراهم ، احنا بقينا بالقاعة نتعشى
يُسر: طاحن رجليه ، الا انام شهر ع هالتعب
اسيل: الكعب اكلني اكل
ظلت ماما تدور بعيونها و سألت اسيل
يُسر: شفتي مودة شو اختفت وين راحت
اسيل: تدور الها مكان تبجي ، اخر شي من طلعوا العرسان و تقرب سِنان يشاور رحيق و ضحكها
سمعت صوت شهكَتها و ركضت ماادري وين
يُسر: نوب اني قسيت وياها بالكلام اليوم
اسيل: عوفيها بلكي تحس ع نفسها و تترك الولد يشوف طريقه شو هي مرة متزوجة شعدهة تركض وراه
شلون ياخذج من حضن رجلج
يُسر: ، هي عافته بارادتها و هسه تندمت شني هسه حست خسرته و تريد تطلكَ و تأخذه شنو هالاستغباء هذا
اسيل:استغباء و استثوال و استمطاء و كلشي
سِنان اشتراها بعمره و هي باعته يطبها حمس
اوووووووي يمةةةة فرحته اليوم بكَلبي
شلون يباوع للعروسه و عيونه تنبض حب
و عروسته شلون خايفة و مجلبة بيه
رووووح يا سِنان ابن انتصار ربي يفتح أبواب الخير بوجهك
يُسر: اميييييييين
_______^^^^^^^^^^^^^______
سِنان
بعد منتصف الليل
طلعت من الحمام و هي تنشف بشعرها
سِنان: ها تحتاجين طبيب
احمر وجهه و هي ترد
رحيق: لا مااحتاج توقف
فتحت الها اللحاف و أشرت الها تجي يمي
نامت و خلت راسها ع صدري حضنتها حيل
سِنان : نامي حتى اطلع الصوبة برى
رحيق : منين جبتها
سِنان: طلبتها من الاستعلامات ، كَلت هسه تبقى ترجف من تطلع عاد تلكَى الغرفة دافية
رحيق: اي كلش دافية
ظليت احجي وياها و هي تغمض و تفتح منعسة
لحد ما نامت
كَمت طلعت الصوبة نزلتها الهم و رجعت قفلت غرفتنا و تمددت بصفها رجعتها لصدري
بستها و غطيتها زين
________^^^^^^^^^^^^^^^^^_^^^^
قراءة ممتعة
#ميرال ،
__^^__^^^^^
قفلة خفيفة ظريفة اليوم💙😂😂😂
أنت تقرأ
أنتَ تنقصني (صبابة الهوى)
Misterio / Suspenso_كَيف لَنا أن نفترِق؟ _كيف لنا أن نتفِق؟ انتِ كالجليد و انا كالقبس .. كيف لنا أن نكمل في هذا العشق؟ _داخلكِ نبات زاهر بيما داخلي حُطام مُبعثر ضامِر... _هل لكِ أن تجمعي حطامي و تضميني بين ذراعيكِ ؟؟ و تكون كل صباحاتي جميلة كجمال خديك؟؟؟ #ميرا...
