_هلي وناسي وحزن گلبي
ومواويل وشعر شعبي
ورصاص احمر ترس گلبي
قصايد؟ والعمر چلمهَ
وحبيبهَ وكيف والبيه تعب منكُم
ما شلتو للگمر وياي ؟
ما غنيتو للسچه البعيدهَ وياي
بديت اكرهه منايركـم ولا احُبكم
غريبه ابعيني اساميكم
عُمري الراح مذبوح بجناسيكـم
باهر
___^^^^^^^^^^_______^^^^^^^_
أنتَ تنقصني( البارت الاخير ) من الجزء الاول
# ميرال
________^^^^^
لتنسون التصويت ع النجمة ووالتعليق ع الفقرة الي تعجبكم احب اقره تعليقاتكم و اعرف ارائكم بالقصة
_^^^^_^_^_^_^_^_^_^_^_^_^_^_^_^_^_^
بعد مرور شهر و نصف من العرس
١٥/٣/٢٠٠٣
الساعة السابعة مساءاً
دخلوا سِنان و ضباب شايلين جنط ذهب خلوهم بالصالة
اخذ سِنان نفس و هو يوجه كلامه لباهر
سِنان: صفيت المحل بس وين اوديهن هسه ؟
لازم اضمهن تحت الكَاع
ضباب: اذا يدري بيهن واحد و علي يكتلنا كلنا
باهر: لتخافون عندي خطة اضمهم بيهه، وصلن السيارات؟؟
امير: اي جبتهن خليت وحدة باللكراج
باهر: : ماشي
التفت ع البنات
باهر: شوفن تلفن كَطن ع كل قطعة و تخلنه ببطن هاي الشلتات مال المخاد بس كثررررن كَطن و خيطن المخدة زين من تكملن كون اطكَها يلا افتحها
يُسر: ماشي ، محددة جبيرة لو صغيرة نسويها
باهر: كبار يُسر كبار كون ع طول المقعد مال السيارة
و انتو تعالوا وراي
طلعنا للطارمة ، صحت ع أمير
باهر: أمير سد الباب الرئيسي و اتأكد من السقيفة مغطية بيتنا من كل النواحي
اتأكد امير من الباب و السقيفة و رجع يمي
باهر: باعوا اريد تسوين ع المقاعد شلون التنورة ، مثل الي تسويها امهاتنا من يغطن شي فهمتوا عليه
ضباب: فهمت عليك بس ليش
باهر: سوو و اني افهمكم
بدو يقصون الجلد و يثبتوه ببسامير ع المقاعد
كملنا الكوستر كلها و دخلنا نشوف البنات
باهر: ها كملتن
يُسر: اي ، هاك شوف هيج تريدها
اخذتها من ايده و اني اضغط عليها شفت ما مبين الذهب تغوص أيدي بالكَطن
باهر: عاشت اديجن
سِنان: ضميتن ذهبجن و فلوسجن انتن ؟
رحيق: اي بالمخاد الصغار ذن
كَعدت و اني مخلي ايدي ع راسي افكر
انتبه الي سِنان كَعد بصفي
سِنان: شبيك باهر
باهر: جاي افكر شلون اضمهم ، اكيد اذا يصعدون راح يفتشون و إذا لكَوهن احتمال ياخذوهن
نط محمد من مكانه و هو يرد ع ابوه
محمد علي : هذن الي بيهن غراضنا نخليهن تحت الكراسي الي بالنص
و الكراسي الامياميات و الي بالاخير خلو المخاد الفارغة جواها
ضباب: و العباس فكررة ، خلي نجرب و نشوف شلون تصير
كَام باهر و هو يحضن محمد يخلي تحت ايده و يخربط بشعره
باهر: ابني ابني اروح فدوى للذكاء
سِنان: سبببع ع عمه
ارجوان: عدنا مخاد صغار بنضيدة ماما تفيدكم ؟
باهر: اي بابا نزليهم نحتاجهم و اخذوا وياكم الشغلات المهمة حيل ، و الباقيات خلي سِنان ينزلهن للقبو
سِنان: نزلناهن من البارحة و قفلتهن ب٣ إقفال و بنينا حايط عليهن
ضباب: ذكرتني اخذ ويانا جبينتوا و رمل
سِنان: موجود هناك اني اشتريت بأخر مرة و بقى شكَددد
دخل أيسر و أمير من برى
ايسر: كملنا تغليف السيارة الثانية
امير: تعالوا اكَلكم سياراتنا زين نخليهن
باهر: ايسر و ضباب ح يعوفوهن بالبيت دخلوهن جوه للصالة ، اني و سِنان نعوفهن هنا ندخلهم للبيت
و انتَ اخذ سيارتك لأن حديثة و زياد ياخذ سيارته
تبقى سيارة نصر يضمها ببيته
ضباب: نصر ما بين من الظهر ؟
باهر: كَال بلييل كلش نجي حتى ما يشوفنا أحد
سحب جكارته ضباب و دخنها
ضباب: راح يبدون بالقصف باي لحظة بس كون نلحكَ نوصل الكوت
باهر: اني جان بقيت ببغداد و نزلتهم للقبو ، بس خايف يهجم علينا ابوي و عصابته، نتكتل عادي
بس اذا اخذ البنات شلون بيهن
ضباب: اكَلك وين صاير هذا البستان ، متأكد ابوك ما يندله
باهر : مُلك يُسر من اهل امها ، بيه بيت مثل قصر و يحيطه بستان
ما يندله لأن يعرف بس أملاك ابوها مو امها
هسه عباله راح نروح للمزرعة الي بأطراف بغداد
ضباب: اي ضيعه خلي يدوخ، زين يكفينا المكان كلنا؟
سِنان: يابة بي ٢١ غرفة من غير الإستقبال و المطبخ و الحمامات
باهر: هسه لو تنحصر كل عائلة بغرفة بس عدو النا هالازمة
كَام سِنان و هو يتجه للباب
سِنان : هسه اجي نسيت شغلة ، تعال وياي امييير طلعوا اثنينهم يتشاورون
ضباب: الله اليستر من يتطابكَون
باهر: وداعتك رايحين ع شغلة تافهة و هسه تشوف من يرجعون
ربع ساعة و دخل أمير شايل ٣ كوارتين كيك و نساتل
و سِنان وراه شايل ٣ كوراتين ببسي
خلوهن و طلع امير دخل كارتونين حليب
صفنت عليهم
ضباب: بابا ترى مرايحين سفرة
احنا شاردين و ع ساعة نموت
سِنان: ما نموت و نوصل و نكَعد بيهن بسلام و اذكرك بوكتها بعضة
اندار ع باهر
ضباب: ملقحينا انتم لو لا
باهر: غلسنا ع لقاحين
ضباب: جا كَلي هيج، خلي اخذ كورس مال ابر خاف يعضني وين الكَى طبيب بهذا الزلك
امير: مرة عضني اسبوع أيدي ما احركها صارت زركَة ع خضرة تخوووف
ضباب: العباس عليك
امير: و العباس حتى اخذاني باهر للدكتور
سِنان: ديربالك تندكَ بيه اشرمك تشرم بسنوني
ضباب: بعيداً عن الشقه احجي صدك الهم جايب ذن ؟
دنكَ راسه سِنان و هو يضحك
سِنان: لرجوة جايبهم
باهر: اخذت الها هناك
سِنان: حتى لو ، ما معلوم شكَد نبقى و همه متعودين يشترون
ضباب: اكَلك ما تصير عمي
وكَف سِنان و هو يخلي ايده بوجه ضباب
سِنان: خمسسسسة بعيونك خماسية حسد البت
فاتت رحيق و هي بيدها صينية الجاي ،أخذها منها سِنان و قدم النا
ضباب: عاشت ايدج بعد كَلبي
سِنان: لا افرك حلكَج ،شنو بعد كَلبي اشو انتَ متستحي
بنص بيتي و تغازل عرضيييي
ضباب: ترررى عمتتتتي لاتخليني أخذها
كَومي كَومي جيبي جنطتج نروح لبيتنا
رحيق : اي اي تعالي نروح بس نو هسه ورى ما تخلص الازززمة
سِنان:جا هي الازمة ما تخلص يعني ما ترحين
شربت استكاني و خليته ع الطاولة و اني استعجلهم
باهر: يلا كَوموا نرتب المخاد بالسيارة حتى الفجر نطلع
كَاموا وياي و طلعنا برى
( ملاحظة: خطتهم حقيقية و فعلاً هيج عبروا أغراضهم )
شدينا المخاد تحت الكراسي و نزلنا عليهن الجلد
و رتبنا السيارات البقية بنفس التصميم
حتى تضيع السالفة
_^^_^_^^_^_^^^_^^_^^_^_^__^^^^^^_
ضباب
ب٢ بليل طلعت من غرفة امي، أصيح الولد حتى يجهزون نفسهم
انتبهت اكو شي كَاعد ع الدرج تقربت شفتها أرجوان
خاله ايدها ع خدها و صافنة ع اركان البيت
سألتها و اني اوكَف كَبالها
ضباب: شبيج خالو شعندج كَاعدة هنا؟
باوعت عليه و رجعت لصفنتها
أرجوان: ما بيه شي ، جاي أودع بيتنا خاف ما ارجع بعد
كَعدت بصفها
ضباب: لا خالو مدة و نرجع لبيوتنا
هذا تدبير احترازي لسلامتكم
يومين و نرجع ما نطول
وخرت ايدها من وجهه و مدت اديها حضنت رجليها لصدرها
أرجوان: اني مو صغيرة حتى اصدكَ بهذا الكلام
سمعت كلام عمامي و بابا من يحجون عن الحرب
راح تكَوم الدنيا و ما تكَعد خالو
ضباب: تعرفين شنو معنى عقد من الزمن
ارجوان: اي يعني مدة عشرة سنوات هيج شي
ضباب: العراق بالحقبة الأخيرة بكل عقد يدخل
خاصةً اخر فترة ب٨٠ حرب إيران و ب٩٠ حرب الكويت الي صار بسببها حصار اقتصادي ع العراق
و هسه بالالفينات حرب أمريكا
و الله يعلم شراح نعيش من حروب بعد
ارجوان: شنو عايش منهن انتَ ؟
ضباب: ملحكَ عليهن كلهن اني هههههههه
حرب إيران من انتهت عمري ٥ سنوات
ارجوان: قديم حيل اني هاي اول حرب اشهدها
ضباب: هذا حال العراق من حرب لحرب ما يستريح اذا ما تتحنى كَاعه و تشبع بدم ولده، الما معروف شنو ذنبهم؟
أرجوان: مؤلم ان يكون ذنبك انك عراقي
ضباب: اييييييي وج منين الج هالجملة
ابتسمت و دنكَت
ارجوان: مو مهم منيلي ، المهم لامستك
ضباب: شنو المضوجج غير انج راح تعوفين البيت هذا البيه ذكرياتج و طفولتج
ارجوان : المضوجني الوضع مال الحرب هذا ، ماأحب اشوف قتل و دم و دمار و شعب متخلف
ضباب: لا خالو منو يكَول هيج راح يصير
ارجوان: خالو احنا علينا حصار و لا معدات و لا أسلحة
تتخيل راح للامريكان بأسلحة العدنا
بشنو نحاربهم بسيوف لو بسجاجين
ضباب: ارجوان مجاي اكَدر اجاريج بالاجوبة
اسألتج اكبر من عمرج عبالك دااحجي ويه امي
و اني ما اكَدر اقشمرج بهاي الحالة و اكَلج الوضع راح يكون بخير لأنج مطلعة و تعرفين كلشي
أرجوان: مشكلة من تكون مُدرك لكل شي
و فاهم كل حركة تصير حولك
ضباب: الها رب يسرها ما تبقى هيج
كَومي بدلي راح نطلع
هزت راسها و كَامت و صعدت الدرج و هي تعدل شعرها
صحت عليها، اندارت الي و ع وجهه علامات تساؤل
ارجوان: ها خالو
ضباب: سِنان جاب الج ببسي و كم شغلة تحبيهم
خليتهم بالسيارة ببطن فلينة مثلجة
ضحكت
أرجوان: يلا نتريك بيهم بالطريق شكراَ الك
ضباب: تدللين، صيحي اهلج و بيت سِنان و البقية من يمج ، اني اكَعد الموجودين هنا
هزت راسها و صعدت ركض
نزلت الدرج و اني اتجه لغرفة نصر دكَيت الباب عليه و ع بيت أيسر و اني استعجلهم يبدلون
ب٣ الفجر صعدناهم بالسيارة كلهم و رتبنا كَعدتهم والأغراض ، صعد باهر يسوق و اني بصفه كَعدت و بنصنه محمد علي
امير راح ويه سِنان بسيارته و اخذو وياهم نصر
و زياد صعدوا وياه امه و ابوه
و عائلته صعدت وياه بالكوستر
مشت السيارة و الدنيا الظلام ، الشوارع فارغة من الناش بس جيش منتشر
أخذنا الطريق نسولف اني وباهر
وصلنا قوس بغداد
لزمتنا السيطرة ، امرنا ننزل الجامات ، و بده يسألنا
الجندي: وين رايحين
رد عليه باهر
باهر: عنده عرس و رايحين نحضره
الجندي : شايل وياك شي
باهر: اي ، هدايا
الجندي : شنو الهدايا
باهر: بطانيات و دواشك و سيتات مال كلاصات
الجندي : توكل توكل توصل بالسلامة
طلعنا من السيارة و احنا ناخذ نفس
ضباب: ينعل يومك عبالي راح ينزلنا
باهر: غير راح كَلبي
ضباب: شكَد بعد و نوصل مو هواي ساعة و شوي
سكتنا و احنا نراقب الطريق
شوي و وصلنا بطالة ببسي و كيك
باهر: ولكم صدكَتوا رايحين لعرس هههههههههه
باوعت ع ايدهم شفت بيدهم نساتل
رفعت حاجبي و اني اسأل باهر
ضباب : زين انتَ و محمد ليش نستلة مو كيكة مثلنا
ضحك باهر و هو يشرب من البطل
رد عليه محمد
محمد : اني و بابا علاقتنا ويه الكيك مو قوية
نجيبه ع مود رجوة تحبه ، هالوزعته النا
ضباب: هة لو ادري الطريق يطول هيج
جان وصيت امي و رحيق يسون الما خبز العباس
ننسد معدتنا بيه ، الكيك و الببسي بشنو يفيد
رحيق: اكل و اسكت ناوي تخزنه انتَ
ضباب: جععتتتت عاشرت رجلج و كَمت اجوع بساععع
رحيق: هسه نوصل و نسويلك اكل و بيك خير و اكل مو لكَمتين و تكَوم
وصلنا للبستان ورى ساعة و ثلث
فتح النا الحارس الباب
دخلنا سياراتنا و سداه
مشينا بسيارة تقريب ٥ دقايق و صار كَبالنا بيت حيل جبير تحيطه أشجار
صف السيارة باهر
باهر: وصلنا الحمد لله ع سلامتك و رحلة سعيدة
ان شاءالله ما ضوجناكم
نزلنا من السيارة
ضباب : سايق معدل ما حسينا بالطريق
محمد: مضروب بنج انتَ خالي يا ما حسينا
شوفي ظهري صار خششششبة
دخلت مودة و هي لازمة ببناتها
حجت وحدة منهم تشبهها
دُرر: طريق متعب و مخيف ، عبالي ح يطلعون النا قُطاع طُرق
ردت عليها ارجوان بصوت ناصي سمعناها اني و سِنان لأن قريبين عليها
ارجوان: قُطاع طُرق
انهجم بيت الباميا
سِنان: شبيهه
ارجوان: تنفخ نفخ يا عمو
سِنان: سهلة خلي الها ثوم و هي تستعدل
ارجوان: نونو الباميا العدنا الثوم يخليها تجذذذذب بزيادة
محمد: الله لا يطلع عبد مسلم بلسانج رجوة
ارجوان: شحجي وياك من محبين الباميا انتَ
سِنان: اشششش تحمليها أرجوان بعد عمج تحمليها
محمد: شنسوي أرجوان الوضع يتطلب هيج
ارجوان: متحملتها اني متحملتها
ضباب: قصدج ضامتها الهه اني ضامتها
ارجوان: نو مالي خلكَها
دخلنا جوه وزعونا ع الغرف و كلمن دخل غرفته ينام ل١٢ و نص كَعدونا عالغده
كملنا ، و دخل باهر انطانا كل واحد رشاشة
باهر: منا و غاد نلزم مناوبات عالبيت
متعرفون شيصير
أيسر : شالقضية باهر ، ترى حرب حالها حال الفاتن لتكبرها
باهر: لا أيسر غلطان هالمرة تختلف
ايسر: شلون
باهر: راح تشوف بعينك
المهم اني مخلي هنا ٤ حراس
اثنين بنهار و اثنين بليل
نشكل وياهم احنا ال٧
٣ يرحون بالنهار و ٣ بليل و واحد يبقى هنا يم النسوان و يومية نبقي واحد حتى خاف يريد يشوف عائلته يكَعد وياهم
سِنان : ها ضباب نحرس بليل
ضباب: بكيفك ما عندي أشكال اني رجلي ع رجلك
نصر: اني وياكم
باهر: هسه احنا راح نطلع اني و زياد و أيسر نحرس
اليوم امير يبقى بالبيت حتى باجر نعوف أيسر و هيج نمشي ع تسلسل الأحرف
طلعوا و احنا بقينا متممدين بالاستقبال
انتبهت ع سِنان يفرك ناحية صدره دغيته بكتفه
ضباب : شبيك سِنان
سِنان: مادري صار فترة تجيني نغزات بكَلبي
نصر: ما رحت للدكتور
سِنان: رحت يكَلي عادي
ضباب: خوفتني ولك
كَلت وين ادفنه ما نوصل للنجف نموت
نصر: ندفنه هنا بالبستان ورى البيت
ضباب: و ما نسقطه من التومينية نبقى ناكل بي حصص
سِنان: هسه انتَ ميت ع الصابونة و كيلو التمن اليجيك بأسمي
ضباب: الصابونة تبقى الاسبوع و التمن اطبخه مرتين
سِنان: اكَلكم شفتوا أسلام
نصر: اي شفته ، ما قبل يبقى ويانا كَال لباهر اضايقكم ، اخذ عائلته و كَعدوا بالملحق
ضباب : همه ٣ نفرات شيضايق منه
سِنان: لا شلون هو أنه و مرته و اطفاله ٣
و اخوانه ٢ ما متزوجين
نصر : اكيد ما يقبل يبقى هو ووياهم هنا
و مراح ياخذون راحتهم
سِنان: لا ع راحته ،خليهم المهم قريبين هو يفصل بينا حايط
ظلوا امير و نصر يحجون عالبيت و يشرح اله عالمكان
تقربت ع سِنان
ضباب: اكَلك سِنان رحيق وجهه اصفر و تعبانة شبيهه ؟
ابتسم و هو يباوعلي
سِنان: شنو محد كَلك
رفعت حاجبي بأستفهام
ضباب: شنو يكَولون
انمد ع صفحته و هو يسند راسه ع ايده
سِنان: هاي يمحقوظ السلامة و البكَه
راح تصير خالو
ضباب: ما فهمت
سِنان: عمتك حامل و اني ابو الطفل
دفرته برجله و اني أصيح بيه
سِنان: اي فاااسد يا ساقط
انمد ع ظهره و هو مغطي وجهه يضحم
انتبهوا النا نصر و أمير ظلوا يباعون
سِنان: انكَرص لتخافون ماكو شي
رجعنا كَعدنا بصف بعض
ضباب: تحجي صدك لو تشاقه
سِنان: و الحسن حامل قبل ٣ ايام عرفنا و كَلنا لأهلك اول ما اجيتوا يمنا ، و اعتقد انتَ جنت مشغول وياي و تستحي تدخل الهن و فما كَالن الك
أبتسمت و اني اصفن
ضباب: رحيق راح تصير ام
سِنان: أطفالي راح ياخذوننن مكانك
باوعت عليه بطرف عيني
ضباب: باهر من صار عنده أطفال اخذوا مكانكم و معزتكم؟
سِنان : لا و الله زادت معزتنا
ضباب: نام نام ورانا وكَفة للصبح
عاد اشبع نوم
تغطينا تغطينا دخلنا بنوم عميق
____^_^^^_^_^_^^_^
باهر
بعد وصولنا بدينا نأمن المكان
نزلنا كل غراضنا للقبو و ضباب بنى بابه بالاسمنت
و كل الشبابيك لصقناها بلاصق قوي و خلانا عليها كارتونات حتى إذا تفلشت ما اتأذي احد
بده القصف ع بغداد يوم ٢١ و سبب اضرار كثيرة
جنه نكَعد كلنا بغرفة وحدة ما بيها شبابيك
و ضباب يسد اذان الأطفال بسدادات اذن و كَطن و نومهم قبل ليبدي القصف
يُسر: باااهر خطية رحيق كَامت تنزف
مسحت وجهي
باهر: شلون هسه ما نكَدر نطلعها و لا نعوفها خاف تخسر طفلها لو هي يصير بيها شي
يُسر: باع مرت الحارس مالنا قابلة جيبه تجيك عليها بعد ما الله يفرجها
راح يخلص دمها
طلعت لبيت الحارس و دكَيت عليهم
و جبت المرة وياي طمنتنا ع حالة رحيق
و بدينا نداريها و ما نخليها تحس بالقصف
نسد اذانها و يكَعدون يمه سِنان و ضباب اذا ماكو قصف يحجون وياها و يضحكوها
بده الجيش الأمريكي يتقدم نحو الأراضي العراقية
صارت معارك طاحنة بينهم و بين الحرس الجمهوري
ادت إلى وصول ١٠٠ جثة بالساعة للمستشفيات تابعة للحرس الجمهوري لأن حاسبوا بالأسئلة الثكَيلة و الخفيفة إلى آخر نفس
اما باقي الجيش نزعوا الرتب و بدلوا مدني و شردوا حتى ما يكتلهم الامريكان
صحينا يوم ٩ / ٤ ع خبر
سقوط بغداد و إحتفال الناس بجية الامريكان
ههههههه عبالهم خلصوا من ضيم صدام و اجاهم المنقذ
ما يدرون هذا المنقذ راح يدمرهم و يسلب خيرات بلدهم
طلعوا تلكَوهم بالهوسات و المحتل يوزع الهم ببسي
سِنان: وووووسفة ولكمممم وسسيسيفة ع الشعوب الي ترحب بالمحتل اخخخخخخ يااااا خووية فرحانين بنية المحتل هضيييمة
بدو الناس و بمساعدة الامريكان جر تمثال صدام حسين و تدميره ، و حلت الفوضى بالبلد
بما يسمى (الفرهود ) ، دخل الشعب عالمؤسسات الحكومية و بيوت السياسيين و قاموا بسرقتها
من دون أن يمنعهم الاحتلال المنتشر بالشارع
سِنان : تفرهد بلدك ؟ ولكم وين صايرة هاي
باهر: سِنان الجوع الكافر و الفقر ما يرحم
سِنان: هااضمني هالوضع و هالمناظر
نصر: شايف ذول نصهم حانوا يصيحون صدام شراع
و عونج يا كَاع ، هسه يرجع و يشويهم عالمنقلة
باهر: ما يرجع، انتهى حكمه بعد
نصر: حيلة
سِنان صدام مختفي و الامريكان سيطروا ع قصر السلام و كَعدوا بيه و حالياً البحث جاري عنه و عن ولده
نصر: هاي الأحداث جاي تدمر عقلي
دخل أيسر علينا من برى و هو يضرب ايد بأيد
باهر: شبيك
أيسر، : هجموا عالسجون و هربوا السجناء الموجودين هناك
باهر: داح البلد اكثر مما هو دايح
ايسر: مو بس هيج ، احتمال يوصل النهب للبيوت
نصر: احس الوضع راح يتهور اكثر
باهر: سقطت الدولة، ماكو هسه لاجيت لا شرطة لا سجن ، راح تبدي التصفيات و الثارات
و راح يكثر القتل بالشوارع
شايفين كل الرفاق و الحزبية البقو ما طلعوا للخارج
كلهم راح ينكتلون
التفت عليه نصر
نصر: باهر مأمن وضعك انتَ
باهر: قصدك ع ابوي ، اي مأمن ما يندل هالمكان لتخافون
نصر: قصدي مأمن ع نفسك ؟
باهر: الأعمار بيد الله نصر، الله اذا كاتبلي أعيش راح اعيش
كَام سِنان و هو يحضنه
سِنان: افديك بعمري
باهر: هههههههه كَوموا نشوي سمج حيل جاي ع بالي كَوم كَل لام محمد تسوي التتبيلة مالتها
سِنان: رايح اكَلها
وكَف سِنان يريد يطلع
و دخلت ارجوان و هي كَالبة وجهه كَعدت يم ابوها و هو حضنها
باهر: شبيهه حبيبتي
أرجوان: طالعة روحها
سِنان: نرجع ندخلها غصباً عليها كلشي و لا تضوجين
ارجوان: عمو و الله حيل ضايجة مالي خلكَ
باهر: تطلعين ويانا للبستان و ناخذ البنات الباقيات هم
نسويلكم مراجيح بالنخل و اكَعدن العبن و احنا يمجن
ارجوان: ماما تقبل اطلع
باهر: اي غير وياي
ارجوان: خلينا ناخذ إسراء بنت عمو أسلام
نصر: بناتي ٣ و بنات أيسر ٢ ليش الا بنت أسلام
ارجوان: لا عمو مو هيج بس لأن هي صديقتي المفضلة و اثنينا نفس العمر و سوى بالمدرسة احبها تشاركني
ضباب: كَومي صيحي البنات و جيبي شكم مخدة وياجن
دخل عمو أسلام يريد يحجي ويه بابا وراه إبنه بُراق
اسلام: هلا برجوة شلونج عمو صارلي شكَد ما شايفج
عاش من سمع صوتج
باهر: ما نخليها تطلع
ارجوان : ههههههه هلا عمو اني الحمد لله زينة و هسه جنت جاية عليك اني و بابا نطلب منك شي
أسلام: تمم بس كَولي
ارجوان: اريد اسراء تجي وياي راح نسوي مراجيح ورى البيت و نلعب تقبل عمو؟
سِنان: راح ارجوان و بنات أيسر و بنات نصر و هي دكَت رجل الا بنتك وياهن
ضباب: لتخاف احنا يمهن نشوي يعني ما يروحن بعيد ، كَداام عيونا
أسلام: اخذوها عادي هي هم ضايجة، بُراق جيب اختك و روح وياهم ساعدهم
باهر: تعرفون تسوونها
ضباب: اي اعرف و اكو هنا تانكي قديم تقريب يصير اربع مراجيح
امير: اي عفية حتى اصعد اني بالمرجوحة و يدفعني
ضباب: ههههههههه الا اخليهن يكسرنك
_^^^___^_^_^_^_^^_^_^
ارجوان
طلعت كَلت لأمي تحضر صلصة السمج و اني اخذت مخاد و كَلت للبنات
نزلت و اخذهم ضباب مني
ضباب: تعالي ست أرجوان تعالي
طلعنا لورى البيت و أمير ورانا هو و براق و محمد و أيسر و نصر ( محمد علي و بُراق نفس العمر ١١ سنة )
( ارجوان و إسراء و دُرر نفس العمر ٩ سنوات)
لكَينا عمو سِنان شاعل النار و اخذ السمج من امير سفطه ع المشوايات
امير: سنونووو الاخذتتك ما خسرت حبيبي معدددل
بده ضباب يكَص التانكي و ثقب مكان دخل الحبال منه ،
و خله المخدة و غلفها المرجوحة بقماش
اختارينا الشجرات و ربطهن النا
و جربهن صعد امير بيهن و يضحك عليه
اتأكدمنهن و صاح عليه
ضباب : يلا ارجوان تعالي اصعدي
ارجوان: ضابهن زين خالو اذا اوكَع اصير مركَ
ضباب: ما اوكَعج ، ثقي بيه
ارجوان : صعدت و صعدت بصفي إسراء
و ظل يدفعنا ورى فترة من ظلن يندفهن وحدهن وخر من يمنا
ضباب: احنا هنا يمجن مو تتمالخن
ارجوان طووولي بالج
أرجوان: فهمتك فهمتك
ظلينا نلعب بالمراية و كلساع وحدة تصعد و الثانية تدفعها لحد ما كملوا السمج
ضباب: نطلع ناكل هنا ، مدام الجو و هدوء
خطية ماتن صار شهر محبوسات جوه
سِنان: خاف تفوت طيارات
ضباب : لا يفوتن الصبح و العصر
ما يجن هسه ، خلي اشوف باهر شيكَول و اجيكم
راح و رجع ورى مدة ورى البنات كلهن تقررين يفرشن السفرة
رحيق: يمةةةة الهوى اختلف
هيام: جان صار بيه توحد لو جايبني وحدي
يُسر: همزين ويانا ناس نحجي و نسولف وياهن
مودة: ما شكل الي هالوضع فرق ، يعمي حياتنا هناك جانت هيج ، مقتصرة ع بيت اهلي و بيتي
كَعدت امي و بدت تصب التمن بالصواني
يُسر: احنا ما متعودين هيج
متعودين يومية نفتر ببغداد نشوف الناس
نروح نزور ، نطلع سفرة
ام بُراق: لو ما تجيني تبقين يمي من يطلعون الولد جان متتتت مكَابلة الحيطان
اسيل: كَتلج تعالي يمنا من يطلعون شو بيتنا فارغ و الولد برى ، احجي ويه البنات غيري جو يمهن
ضباب: ها اخلي سمج
يُسر: اي اي
ارجوان: يوم استوى الطرشي
يُسر: صارله ١٥ يوم اي استوى هسه ادز امير يجيبه
كَالتله و راح عمو يركض جاب السطلة خلاها كَبالي
امير : افتحي افتحي اريد اضوكَ سوايتج
ضباب: هي مسويته
امير: اي هي سوته ما تشوف اكلت كَلوبنا
فتحت القبق و طلعت وحدة ضكَت منها و أخذها من أيدي امير
ارجوان: مستوووي
امير: طيب كلش طيب ، بيه طعم غريب شنو هو
يُسر: سر المهنةة
مد ماعونه الي ضباب
ضباب: بله انطيني بس وحدة
أمير: ليش بس وحدة ولك طيب
ضباب: مااكل الطرشي مااحبه
خلاها بحلكَه و هو يستعطم بيها
ضباب: لا اغير رأيي من نرجع اجيبلج مواد سوي النا سطل جبير
ارجوان: نرجع و تدلل
كَغدنا كلنا نتغده
و هيج استمرت الأيام
لحد ما رجعنا لبيتنا يوم ٢٠/٤
_^_^__^_^__^_^_^_^_^^_^^^€&€
سِنان:
نزلنا للبيت و احناةنفتح الباب
سِنان: هاااا الاووووولاد هااا
باوعوا عليه كلهم و كَالوا هااا
سِنان؛ ابدووا نضفوا يلااا
ايسر: البنات ينضفن
سِنان: لااا عيني لااا مرتي خامل و مهددة بالاقساط
و يُسر هابط ضغطها
و مرتك و اسيل تعبانا و امي متمد ايدها ع شي يلااا نضف و نطلع البيت يضووووي
يُسر:لا ما بيه شي، هسه كُلنا نتساعد و نكمل قبل العصر
باهر: سوي النا غده اذا تكَدرين بين ما ننضف
يُسر : شجاي ع بالكم
باهر: شوربة حارة اريد، مشتهي شوربة و لبن
يُسر : بعيوني ساعة و كلشي يجهز
تفاجأت من باهر اول مرة يطلب شوربة اصلاً ما يأكلها يأكلها لا يخليها بحلكَه
كمل تنضيف الصالةكَعد بنصها
و كَعدوا اطفاله داير ما دايره و هو حضنهم يبوس بيهم
نغني كَلبي كَعدت بصفهم و اني احضنه
سِنان: شبيك شو اليوم احسك غريب
حضن راسي و خلاه ع صدره
باهر: كَلبي مقبوض
سِنان: يجوز لأن شفت الدمار و التفليش الصاير
باهر: اي احتمال هيج
محمد : بابا تدري انتَ أعظم اب بالدنيا
باهر: هههههههه
ارجوان : و اني كُلش احبك بابا لتضوووج فدوى
نعمر كلشي و نرجع أحسن من قبل
اندار عليه و يشاورني
باهر: ذمة بركَبتك اذا صار عليه كلشي تخليهم يكملون دراستهم، و ترجع يُسر لوظيفتها ديربالك تخليها تبطل
سِنان: شنو هالحجي باااهر ليش تجيب سيرة هالامور
انتهت ايام الخوف و راحت
و راح نعيش حياة جديدة و انتَ فوكَ روسنا تربي أطفالي انتَ و يُسر لأن ما بيه حيل اربي اني
دفعني و هو يكَوم
باهر: مو دادا مالك احنا ،كَوم شوف الباب لا اكتلك
كَمت و اني اضحك فتحت الباب
سِنان: هلا بضباب شعندك جاي قبل شوي وصلناكم
شو اشتاقيتلي حبيبي
ضباب: دوخر وخر
صيحلي ام محمد
صحته يُسر طلعت عليه
ضباب: ام محمد امي دزت الكم خبز تكَول خلي تثرده لرحيق اذا تكَدر تحبه هيج
يُسر: اجه بوقته مشكورين يكثر خيركم
خطية هي ما تاكل شي
راح اثرده اله بالشوربة
اخذته يُسر و دخلت جوه
اني بقيت اتشاقه ويه ضباب بالطارمة
طلع باهر و هو بيده الماسحات
باهر: ولك عوف الولد ، ندم انطاك مرة
سِنان:ضباب لو يصح بيده يناسبني حتى بالعوالم الموازية
ضباب: اييي بس انت متخيره من العش
عافنا و هو يهز يضحك علينا طلع للشارع ينضف بيه
فتحت اله المي و بده يغسل
و احنا واكَفين يمه
فجأة وكَف ابوي كَبالنا و ضرب طلقة اخترقت صدر باهر استقرت بكَلبه
وكَع بحضني و هو ينزف ،
دفعت ضباب للبيت للبيت اني اقفله عليهم من برى
ظل يضرب عالباب
وجه ابوي سلاحه نحوي و صابني بكتفي
سحبت المسدس من حزام باهر وووجهته ع ابوي ضربته ٣ طلقات بصدره ارديته قتيل
لزمت وجه باهر الي كَاعد يلفظ أنفاسه بصعوبة و هو لزم أيدي يضغط عليها ، خليت أيدي ع مكان جرح اوكَف النزيف
انفتح الباب و طلع ضباب يركض ، اتجه للسيارة يشغلها
وراه يُسر و امير ركضت يُسر و وكَعت يمه ع وجهه
تقربت و هي تلزم ايده
يُسر: باهر باهر
سِنان: ما بيه شي هسه ناخذه للمستشفى ساعديني نشيله
باهر: لا تعبون اني مودع
امير: لا لا بوية شلون تعوفني لا
اجه ضباب وتعاونا عليه خليناه بالسيارة طلعت امي شافته و ما اهتمت اتجهت لجنة لأبوي و ظلت تلطم بالشارع عفناها و اتجهنا للمستشفى القريب علينا
يمه يُسر خالته بحضنها ، ساق ضباب السيارة
و أمير لحكَنا بسياراته
باهر: أطفالي يُسر أطفالي
يُسر: اشششش لا تحجي هسه نوصل
باهر: ذمة بركَبتكم عائلتي
كَامت تبجي و هي تحضنه
يُسر: راح تعيش و تربيهم
و تعرس الهم
حاول يحجي سكتته وصلنا للمستشفى
نقلناه بالنقالة و دخلوه صالة العمليات
اجه يمي ممرض
ممرض: راح يخلص دمك
اكَعد نطلع الرصاصة و نداوي جرحك
سِنان: لا لا لما يطلع باهر
ضباب:كَوم كَوم هسه يطلع
يلا كَوم عالج جرحك
كَمت وياهم اخذني الممرض طلعت الطلقة شاخطة كتفي شخط خيط الجرح و ضمده الي
طلعت انتظر بباب غرفة العمليات
لكَيت امير جاي
سِنان: منو عفتوا بالبيت
مسح امير وجهه من الدمع و رد عليه
امير؛ أيسر بقى هناك، شالوا جثة دزوها للمستشفى و امك فاقدة عليه راحت وياه
كَعدت بصفه
سِنان: كَلبها راح يوكَف ع واحد خايس عافها و دار عائلتها ، بس ما يزكَف ع ابتها الربى أطفالها و دار باله عليهم و كبرهم و فنى عمره و هو يركض وراهم
اميشش هاي
ضباب: جرررحك لا ينفتح أهدأ
سِنان: خلي يطلع باهر و اني اعرف شلون اتصرف
يُسر وين
ضباب: كَاعدة بباب العمليات متقبل تكَوم
وصل أسلام يمنا و هو يركض
اسلام: ها شلون صار
ضباب؛ بعدهم جوه و محد ينطينا نشد عنه
أسلام: يطلع منها سلامات، ياما و ياما تعرصنا للاغتيال و نجى ، هاي هم راح يطلع منها
ظلينا نفتر بالممر ورى نص ساعة طلع الدكتور
ركضنا عليه نسأله
الدكتور: سوينا كل ال نكَدر ، الطلقة مخترقة القلب
البقية بحياتكم
سحبت الدكتور من ياخته
سِنان: شنوووو شنوووو البقية بحياتكم
بعدني عنه ضباب
الدكتور : ما بيدنا شي ، هذا قدره ابني ، سقطت ورقته من الدنيا
كَعدت بالكَاع و اني الطم ع راسي
و أمير شك قميصه
طلعوا ع السدية مغطين وجهه
ذبت روحها عليه يُسر و هي ترفع الغطى عن وجهه
و تصرخ
يُسر: مو هذا الرجى باهر مو هذا
كَتلي ما اعوفج وحدج جا هسه شلون عفتني
بعد بعد عندك احلام ما محققهن
لا زوجت امير و لا دخلت أرجوان كلية
و لا حضرت تخرج اسيل
شلوووننن تروح
امير: ما يموت ما يموت انتم غلطانين بعده عايش ارجعوا افحصوووه
حضنه أسلام و هو يبجي
امير :ولك أسلام راح صاحبك راح
راح اليفكَدك و يتعنى بيتك بنص اللليل حتى يشوفك و يتطمن عليك
ولككككك راح باهر
تقرب ضباب مني و هو يكَومني
ضباب: شد حيلك و كَوم اخوانك محتاجينك هسه
سِنان: هد حيلي و كسرني ضباب كسرني كسرة العمر
كوة وخر الكادر الطبي يُسر عن باهر
و راح ضباب كمل إجراءات شهادة الوفاة
خلينا باهر بالتابوت و اخذناه للبيت
وصلنا الباب مفتوح و الناس مالية البيت ، شلنا التابوت و دخلنا للبيت و احنا نصيح الا اله الا الله
طلعت اسيل و ارجوان عالصوت ظلن صافنات علينا
نزلنا التابوت للطارمة ، عاط بينا أيسر و هو دموعه تنزل
ايسر: طلعه طلعه جايبللللي جثة ابوك للبيتت طلعه و المره بأقرب حاوية طلعوه من البييت
سِنان: هذا باهر
ايسر: شتحجي انتَ ، لا باهر بعده عايش هسه رايحه للمستشفى
سِنان: باااااهر هذا ممددد بالتابوت
دفعني و هو يفتح التابوت
تقدمت أرجوان و هي ترجف كَعدت كَباله تمسح ع وجهه
ارجوان: بابا
ظلت واكَفة اسيل بالباب مصدومة
دخلت يُسر و ام ضباب ساندتها
من شافتها اسيل ركضت عليها حضنتها و هي تبجي
يُسر: بعد غرب دلالج وين تلكَينا
فقدت ارجوان و هي تعيط ع التابوت و كَابلها محمد
ووهي تلطم ع عيونها
جريتها لحضني و اني اجتف اديها
حاولت تفك نفسها و ضربتني بمكان الجرح
ما هديتها ، اصتكت بيدي و تكَلبت عيونها
تقرب ضباب و هو يسحبها من حضني شالها و دخلها جوه يصحيها
اسلام: هم يله نروح ندفن، وصلت السيارة
خلي نطلعه راح يموتون نفسهم
سِنان : ارجوان فاقدة شلون أخذها
أسلام: اتركها باليت
دخلت وراهم شفتها صاحية و ضباب يحاجيها
سِنان: وصلت السيارة
ارجوان: اني اروح وياكم
ضباب: لا ابقي و انس اخذج ورى الدفن
ارجوان : لا اروح وياهم ما اعوف بابا
ضباب: خالو افهمي مراح تتحملين تشوفين الدفن
ابقي و اني اخذج وعد من هالشارب
سِنان: ابقي رجوة تتأذين من ترحين
ضباب: روحوا انتم ، هي تبقى هنا ويه رحيق
سِنان: ايسر راح يبقى هنا لوحده
ضباب: لا اني باقي وياه ، اخذوا محمد و يُسر وياكم
و امي راح تروح تساعدها
هزيتله راسي و طلعت لكَيتهم شادين التابوت ع السيارة صعدت و كَعدت يمه
وصلنا النجف و بده الدفان يحفر
كمل حفر و دفناه ..
الكل صعد السيارة و فرغ المكان
تمددت و حضنته ترابه
سِنان : چـف رمــاد
وچـف حلم متروس شيـب
وچف تحنّـه اعله السواد وحلـم برعـم مات هـــرفـي ومالحگ ياخـذ امــراد
__^^__^__&&___€&&&&&&&&&^^&_^__^^_
قراءة ممتعة
بارت حزين بس هاي الحقيقة
باهر انقتل ع ايد ابوه بسنة ٢٠٠٣
ترحموا اله
______
اتمنى ما اكون وجعت كَلوبكم
ميرال
أنت تقرأ
أنتَ تنقصني (صبابة الهوى)
Mystery / Thriller_كَيف لَنا أن نفترِق؟ _كيف لنا أن نتفِق؟ انتِ كالجليد و انا كالقبس .. كيف لنا أن نكمل في هذا العشق؟ _داخلكِ نبات زاهر بيما داخلي حُطام مُبعثر ضامِر... _هل لكِ أن تجمعي حطامي و تضميني بين ذراعيكِ ؟؟ و تكون كل صباحاتي جميلة كجمال خديك؟؟؟ #ميرا...
