شضايعلك وتلتفت
شمأخوذ من گلبك
چنك ولا جربت
من تخسر بحربك
من ترجع بلا حلم
لا صوت لا ذكرى
ما تلگه منك أثر
بس جرحك وعطرك.
__________^^^^^^^^^_____
أنتَ تنقصني
#ميرال
______________^^^^^^^^^__________
رِسالة إعتذار مُطرزة بألاسفِ و النَدم
لكُل الذِين تَركنْاهُم في مُنتَصف الطرِيق
مِن دُون ايُ اسبابٍ تُذكَر
__________
يُسر
بعد مرور سنتين و ٣ اشهر ( بداية 1995 شهر الواحد
)
في أحد الدُول الأجنبية
( لم يَتِم الخُوض في غمار رحلتِهم الشاقة في الهجرة من العراق ، بل تم تفادي هذهِ الفترة ، و الحديث عن الفترة التي بعدها)
واكَفة بالمطبخ احضر الريوكَ
خليت البيض بالطاوة و نصيت النار جواها منتظرة يستوي
حسيت أحد حضني من ظهري
و خله راسه ع كتفي
نصر: صباح الخير
ابتسمت اله
مودة : صباح الخيرات
بأس خدي
نصر: شلون صرتِ اليوم
بعد عندج اوجاع، اخذج لدكتورتج
مودة: لا ميحتاج آخر مرة كَالت هاي اوجاع عادية، لتنسى دخلت بشهري
خله ايده ع بطني
نصر: شوكت يجي متحمس لجيته و متحمس شلون اشيله و إداري
خليت أيدي ع ايده
مودة: ما بقى شي هنه كم يوم و يجي
يلا اكَعد تريكَ حتى تروح لشغلك
رتبنا الاكل
و كَعد هو هالطاوولة و اني رحت اكَعد البنات
الحمل هالفترة كلش تعبني
احس حركتي ثكَيلة و نفسي مكَطوع حتى مااكَدر اصعد درج ا امشي هواي، مخلصتها نوم
فتحت الباب عالبنات لكَيتهم مبدلات
اجن حضنني بسمة و بسملة
نصيت الهن ابوسهن
بسمة: ليش اجيتي و تعبتي، احنا بمل الحالات جايين نتريكَ
بسملة: اي ماما بعد لتجين بابا كَال الدرج مو زين عليج
اذا صعدتي بعد نزعل عليج
مودة: فديييت البنات الحلوات
حاضر مااصعد بعد، أصيح عليكم من جوى و تنزلون
نزلنا سوى كملن ريوكَهن
و اخذهن ابوها وياه لمدرستهن
قفلت الباب وراهم و انمديت ع الاريكة
يُسر: بهاي السنتين تغيرت هواي حياتي
صرت ام لطفلتين صغار و زوجة محبة و ربة منزل
انشغلت صح بس دائماً الكَى نفسي كَاعدة افكر شصار بيه هسه ، تجي ببالي ذيج الايام من جان هو الوحيد الساندني ،اتذكر شلون استقتل حتى يخليني اكمل سادس و أحقق حلمي، تالي تركت الدراسة
طول هالفترة ابد ما تجرأت اسأل عنه او اعرف احواله
أحس مالي قابلية اسمع اخباره خاف بيه شي بسببي
إحساس بالذنب اني دمرته ياكلني كل يوم ،
اتمنى يكون بخير و يلكَى الإنسانة الي تسعده من كل كَلبي ادعيله و بكل صلاة ،
اندكَ الباب ،
مسحت دموعي و كَمت غسلت وجهي فتحته
دخلت امي
ام مودة: ها شلون صرتي اليوم ظل بالي يمج البارحة
مودة : تعالي تفضلي، ما بيه شي ، اوجاع تروح و تجي كل مرة
ام مودة: اي هاي تشاليع مو طلوكَ
فتنا كَعدنا جوه
اهلي سكنوا قريب علينا بالمجمع الي بصفنا
امي من يطلعون بابا و كرم تجي يمي
و مرات اني اروح يمها
وحدة ترد الوحشة عن الثانية
___^___^^^^^^^^^^^^^__________
رسائِل الإعتِذار
ليستْ مَرهَم لِما تسببتُم بهِ من ألم
سِنان
1995
ليلة من شهر فبراير ( شهر الثاني)
كَاعد بالحديقة شاعل نار و اكره حب، و المسجل
مشتغل ع عبد الحليم حافظ بصوت ناصي كلش
أنت تقرأ
أنتَ تنقصني (صبابة الهوى)
غموض / إثارة_كَيف لَنا أن نفترِق؟ _كيف لنا أن نتفِق؟ انتِ كالجليد و انا كالقبس .. كيف لنا أن نكمل في هذا العشق؟ _داخلكِ نبات زاهر بيما داخلي حُطام مُبعثر ضامِر... _هل لكِ أن تجمعي حطامي و تضميني بين ذراعيكِ ؟؟ و تكون كل صباحاتي جميلة كجمال خديك؟؟؟ #ميرا...
