أنتَ تنقصني (صبابة الهوى)

part5

من شفتك شفت روحي بلا مرايه
ولگيتك تشبه البيه وحيد وحزنك ولايه

مصطفى الخزاعي
/////////////////////////////////
بقلم ميرال
////////////////////////////////

يُسر
كعدت الصبح ما لكيته موجود
كمت سبحت و كعدت اصلي
ورى مكملت بعدني عالسجادة
انفتح الباب و دخل بيده صينية ريوك
باهر: يا صباح الورد حليلة باهر عروستي الحلوة
يلا تعالي تريكي حتى نطلع منتظرينا عالغده
يُسر_صباح النور جان كعدتني من وكت
خاف نتأخر عليهم
تقدم يخليها عالطاولة
باهر _شفتج تعبانة البارحة ما صخيت اكعدج من وكت
كلت خليها ترتاح ما ورانا شي
اول و تالي نروح نتغدا ب٢ او ب٣ الظهر
هزيتله براسي و كعدنا ناكل سوه
باهر:باعي قبل لنروح للبيت اريد انبهج ع كم شغلة اريد تخليهن ع بالج

يُسر:تركت من أيدي و باوعتله ، شنو هنه اسمعك.

خله ادي عالطاولة و شبكهن كال
باهر : خوالي ، خالاتي، بناتهن، ولدهم ماريد اي علاقة تجمعج بيهم
مجرد سلام من بعيد و بس ، هذا الشي سوي لراحتج
لان متعبين بشكل و يأذونج
يُسر: شلون يأذوني يعني شعدهم
باهر: واصلين بالدولة اقل فتنة منهم تصيرين بخبر كان
يُسر : فهمتك
باهر :لتولين أهمية لأي كلمة تسمعيها و لا تدققين بأي شي تشوفي
طنشي كلشي و فوتي لغرفتج و سدي بابج
هزيتله راسي اردف
باهر: و اخر شي اكلج اي مشكلة تصير وياج اتمنى تجين تحجيلي و اني اتصرف ...
يُسر: رفعت راسي و باوعتله بنظرة مطولة بلا ما احجي
لزم أيدي وكال
باهر :ههههه افهم شنو دتكولين بداخلج هسه
انهُ هذا تقييد و جاي اكتم ع انفاسج
بس صدكي كلشي امنعج منه لمصلحتج حتى ميصيبج شره ، اريد احافظ عليج بكل طريقة ممكنة
خليت أيدي ع ايده
يُسر: ح احاول التزم بكل الي كلته و ما اطلع عنه
بس بشرط متضم عليه شي مثل ما اني ما ا ضم عنك
باهر : ماشي هاي سهلة
يلا مدام اتفقنا كومي نروح للبيت
تركته
كمت بدلت و طلعنا لبيتهم
نزلت من سيارته و دخلت كبل لبيتنا
قبل ما ادخل الهم رحت لبابا تطمنت عليه
و شفت وضعه زين و ممحتاج شي ..

يلا دخلنا لبيتهم
و تلكونه بالهلاهل و الجكليت
كعدنا شوية وراها تغدينا و صعدنا لغرفتنا
مرت الايام هادئة ما بيها شي يُذكر
يجي باهر بليل و يكعد يسولفلي شصار بيومه
و اني هم اسولفله
مرات نطلع نفتر العصر
و بليل نروح نسير ع بابا ..

كانت المشكلة الأساس عائلته غامضين بشكل
كلامهم بوجودي يكون كله الغاز و عبارات ممفهومة
صح نجتمع ع سفرة وحدة و ضحك و سوالف
مع هذا ما كدرت امن لشخص بيهم احسهم متنكرين و متحفظين ع هواي أسرار
لهذا ما كدرت أأمن او أثق بواحد بيهم
عشت وياهم انام مفتحة تك عين

فعلاقتي بيهم جداً سطحية ما يجمعنا حديث الا ما ندر و يكون حديثنا رسمي بحت
متحفظين من جهتي ميحجون اي شي كدامي
باهر دائماً يحذرني ما اتقرب الهم او أتدخل بشي و بكل مرة من أسأله ليش يريد نفس العبارة
_ لسلامتج صدكيني لسلامتج
اتأكدي باهر ميسوي شي يضرج
هذا كله لسلامتج
اني مشتريج بروحي
ما جنت افهم كلامه
او بالأحرى ما ردت ادقق بي و اكشف شي يتعبني ..
و يخليني عايشة حياتي برعب
نفذت كلامه و هم ما سلمت ع روحي ...