Unicode Version
ဇာတ်ကောင်မိတ်ဆက် ၃
ရှားယဲ့ (Main Character)
အမည် - ရှားယဲ့/ ဓားဘုရင်/ ရွှမ်မင်
အသက် - unknown
အမျိုးအစား - Double-edged Tang Dao (110 cm)
အရပ် - ၁၈၃ စင်တီမီတာ
ကိုင်ဆောင်သူ - ရှိုးလော့ဖုန်းယွီ
×××××××××××
ရွှမ်မင် အစအနမကျန်အောင် ပျောက်ကွယ်သွားပြီးနောက် ရှိုးလော့ဖုန်းယွီလက်ထဲတွင် အနီရောင်အရှိန်အဝါများဖြင့် ဝန်းရံထားသည့် ဝိညာဉ်တစ်ခု ကျန်ရစ်ခဲ့သည်။
ထိုဝိညာဉ်ထံမှ အရှိန်အဝါသည် ကျစ်ထန်နန်းတော်တစ်ခုလုံးကို လွှမ်းခြုံလျက်ရှိသည်။ ယခုအချိန်၌ ဝိညာဉ်ထံမှ စစ်မှန်သောအရှိန်အဝါသည် အတားအဆီးမရှိ ပေါ်ထွက်လာနေပြီဖြစ်သည်။ ထိုအရှိန်အဝါကို မမှတ်မိစရာအကြောင်းမရှိပါ။
ရှင်းလော့က "ဘာဖြစ်လို့ မင်းဖြစ်နေရတာလဲ ရှားယဲ့"ဟု ခပ်တိုးတိုးရေရွတ်လိုက်မိသည်။
ရှိုးလော့ဖုန်းယွီသည် ရွှမ်မင်ထံမှ စုပ်ယူထားသည့်စိတ်ဝိညာဉ်ကို ပြန်လည်ထုတ်ယူကာ မူလစိတ်ဝိညာဉ်နှင့် ပေါင်းစည်းခွင့်ပေးလိုက်၏။
နောက်ဆုံး၌ ရှားယဲ့ဓားဝိညာဉ်သည် ရွှမ်မင်၏စိတ်ဝိညာဉ်နှင့် ပေါင်းစည်းမိသွားလေပြီ။ အဖြစ်မှန်သည်ကား ရှားယဲ့ဓားပျက်စီးသွားချိန်၌ ဓားဝိညာဉ်သည် မပျက်စီးဘဲလွင့်ထွက်သွားကာ နှစ်ပေါင်းများစွာကြာသောအခါ လူသားတစ်ယောက်အဖြစ် ပြန်လည်မွေးဖွားလာခဲ့သည်။ ဤသို့ဖြင့် လူသားခန္ဓာကိုယ်တစ်ခု ရခဲ့သော်လည်း စိတ်ဝိညာဉ်သည် ဓားအဖြစ်သာကျန်ရစ်ခဲ့၏။ အချိန်ကြာလာသောအခါ ရှားယဲ့ဓား၏ ဝိညာဉ်သည်လည်း လူသားခန္ဓာကိုယ်နှင့် နေသားကျလာခဲ့သည်။ ထိုလူသားကား မှော်လက်နက်ဝိညာဉ်ဖြင့်မွေးဖွားလာသည့် ရွှမ်မင်ဖြစ်သည်။
ရှားယဲ့ဓားနှင့် ဓားဝိညာဉ်အလုံးစုံ ပေါင်းစည်းမိသွားချိန်၌ လူသားတစ်ယောက်ပုံစံပေါ်လာသည်။
ရှိုးလော့ဖုန်းယွီလည်း ထိုအခြေအနေကို ခန့်မှန်းမိပုံမရပါ။
ВЫ ЧИТАЕТЕ
THE PROMISE OF A THOUSAND WISTERIA
ФэнтезиUnicode Version ရှင်းလော့သည် ကောင်းကင်ဘုံ၏အပြစ်ဒဏ်သင့်ကာ လူ့ပြည်တွင် ပုန်းခိုနေရသော နတ်ဘုရားတစ်ပါးဖြစ်သည်။ တစ်နေ့တွင် ရှင်းလော့သည် ဒဏ်ရာရကာ ဒုက္ခတွေ့နေသည့် မိစ္ဆာဖမ်းသူရွှမ်မင်နှင့်တွေ့ဆုံကာ ကယ်ထားခဲ့သည်။ ထိုချိန်က ရှင်းလော့သည် ကောင်းကင်ဘုံကြောင့် ဆ...
