بقلم NabaaAlZubaydi
#في فحمة الليل
بارت_6_
يكووول ....
لأتامن ...
الفرح دور جيبوبه وشوف ..
جايبلك دمع من تخلص الفرحه ،،
متاجر دنيتك والسوك مضمون ....
والربحان ابد لايكيف بربحه .
مثل مدّ وجزر والدهر ما معروف !!
احلام _ كعدنا الغبشه على حس حبوبه تندهن نكوم كمنا كلياتنا نصلي ونجهز الريوك للعرسان
سعده _ سهامه صخيمه وين تولي
سهام _ ها عمه هاي انا موجوده وين اروحن
سعده _ خبزتن الخبزات
سهام _ لااع عمه هساع البنيات يطركنهن
سعده _ شمالجن كومة نسوان بالدار ولا شغيله كاضياتها لهساعجن
بثينه _ عمه هساع نكمل مضل شي غير الخبزات هساع البنيات يطلعن يطركنهن
سميره _ شووو احلام كومي بعد عميمتج وجري التنور ونطركهن انا وياج عسريع
احلام _ طلعت اوجر التنور جان عليوي كاعد عالدجه مال بيت المرح ويعاين ليهن شلون يتصارخن
كمت اكسر بالحطب واخلي بالتنور صد عليوي على صوت طكت السعفه خطيه فزز
عليوي _ والغسل كون الغسل تنحنحي تصخمي مثل واحد داخل هجوم
احلام _ وانا شعرفني انت صافن بعدين عليش فزيت قابل عفريت شفت
عليوي _ هو اليشوفج يعني شايف عفريت وين الغلط بالموضوع
احلام _ الكي مثل جمالي وبعدينه عيب على راحتك
عليوي _ ايهووو رح تخبصنا بجمالها
احلام _ عليش اخبصك انا اكلك الكي وحده مثلي
عليوي _ وين الكا وحده سمره وطويله وعيونها كبار
احلام _ كول الجدتي هساع هيه تلكيلك
عليوي _ لااع شنهي مارايد روحي هساع تكلي اخذ حلام ولو تضلين اخر وحده ماخذج
احلام _ وشنهي انا كاتله نفسي عليك الف من يتمناني
سميره _ ولج حلام انا وديتج توجرين التنور وتخبزين لو دكين سوالف هساع حبوبتج تحجي علينا
احلام _ انا مالي شغل هو عليوي حجاني
سميره _ يلاا يلااا فضينا نفض الخبزات هساع العرسان يكعدون
احلام _ خبزنا الخبزات وكعدنا نسوي دهن حر وشكر بالخبز
كعدوا العرسان والهلاهل تركع من كل كتر وصوب طلعوا وراهم رويده وإيمان خجلانات وخدودهن حمر باركنا الهم ...
ومدينا السفره مالذ وطاب انواع الأكل كعدنا نأكل بكل شهيه وكلها فرحانه لل 6 الصبح فضينا الأكل واجت الناس تباركلهم ورفجانهم كعدوا الزلم بالمضيف .. ورويده وإيمان يم حبوبه .. كل شويه رويده تريد تكوم تشتغل وحبوبه تصيح عليها عبن هيّ ممتعلمه عل كعده
أنت تقرأ
في فحمة الليل
Romanceلكل فرد الحق في الحياة والأمن والحريه .. ولايجوز الحرمان من هذه الحقوق او تقيدها الااا بوفق القانون
