بقلم NabaaAlZubaydi
# في فحمة الليل
بارت _ 28 _
حسافه الدهر لا يبلى ولفنه
على الچانوا بهالديرة ولفنه
ترى اشما طالت الغيبة ولفنه
يظلون الغوالي والاحباب
للراحل ابو قادسية الجبوري ..
ابتهاج _ طلعنا كلها تدور على ابتسام وفروخها فد فص ملح وذاب ماهي
قصي _ وين تروح هساع وين ادورنها
لبيبه _ اخافن شردت المعزاية
انعام _ جااا شنهي يوم جاااا غير شردت هي وفروخها
لببيه _ يبوووو تعزينا وتصخمنا شنكل للوادم جنتنا شردت وخذت فروخنا
احلام _ عمه شوفوها اخافن راحت بيت واحد من حمويني
قصي _ يما رحت دورت ماهي كالن مااجت
انعام _ وهساع شنسوي من يجي اهيس شنكله
قصي _ واحنه شعلينا جااا كلشي يكع براسنه هي شردت تتحمل اليجرالها لابد ترجع بيوم
لبيبه _ يمعزه شنكل للوادم شنكل العمامك وابوك شنكله
قصي هز ايده
قصي_ الي يجي من ايده الله يزيده كاعده معززه مكرمه حتى فلوس انطيها جا شتريد بعد
حمزه _ تريد رجال جاااا شتريد
اندارينا عليه كلنا مستغربين يمته اجا
قصي _ انت شنهي متدك الباب متكل حرمة بيت صخام هج تفوت يمته تتعلم ؟؟؟
حمزه _ مفايت البيتك من افوتن البيتك عود ذيج الساعه ادكنها
لبيبه _ جده حمزاوي مجتي مرت عمك اهيس يمكم
قصي _ جااا مساع شلغيت انا
حمزه _ لااع جده شيجيبها النه ايسي هاي متعلمه على درب الشرده
انعام _ ولك عميمه الوادم شنكلها مو انفضحنا بينهم؟
حمزه _ تسترن على الموضوع مثل ماشردت من هلها وعرست على عمي وسترتن عليه هساع هم استرن عليها
لبيبه _ شنكل للوادم بلاا ذيج وكلنا يتيمه هساع شنكلهم ؟؟؟
حمزه _ والله ياجده عليج دروب محد يكدرلج كليلهم هجت يم عمامها
قصي _ يماااا انا طالع
احلام _ وين رايح يمه
قصي _ للكاع فاتح الماي من امس بليل هساع غركت حسبالي اطلعن من غبشه
حمزه _ هوو انت اثول لو تبقى عليك جان هساع مصفرين احنه سديته الماي
قصي اتجاهله واشرد بايده عليه وعلى امي
احلام _ هااا وليدي
قصي _ يما اخذي اخيتي ودشن بالحجره لتحتكن بيهن تراهن حادات سنونهن عليجن ونارهن تاكل حطبهن كلمن ينجزي بشر اعماله
أنت تقرأ
في فحمة الليل
Romansaلكل فرد الحق في الحياة والأمن والحريه .. ولايجوز الحرمان من هذه الحقوق او تقيدها الااا بوفق القانون
