في فحمة الليل

بارت 58

بقلم NabaaAlZubaydi

# في فحمة الليل

بارت _58 _

مِن الطف اخذنه الزين والزين 

وعفنالهم دور المساكين 

القناص اخذ دور البعيدين 

حرمله وياهم واحنه الحسين

رحمة _ اباوع على خالة شلون عيونها تجري دم بدل الدمع وتضرب على رجلها

رفقة _ كافي خالة حتموتين نفسج شنو الفائدة ومنو يستاهل

أحلام _ كله بسببنا يمممه كله بسببنا احنه كتلناها محتويناها

رحمة _ خالة حبيبتي انتِ شعليج هيّ مِن ايدها هيج سوت

احلام _ لاااااااااااا كله مِن ورانا عليش ماكلتيلي رحيمه عليش ما شفتها

رحمة _ خالة شكلج وشلون اخليها تشوفج وآني اصلآ ما شفتها بس مرة وحده ... وكنت مو بعقلي خايفه على الولد

رفقة _ والله خالة زين سوت رحمة ... وين كانت السنين السابقة جاية هسه ؟ وبعديش خالة ممخليه شي حرام ممسويته برائيج الولد يسكتون ! ياخالة حتى مِن المشاكل والحرب تعبنا همَ توهم ارتاحوا وكعدوا

رحمة _ بس يشوفوها يقتلوها بدون مترف الهم جفن شنستفاد إذا قتلوها ودخلوا السجن

أحلام _ ولجن يممه ادري بس انا كليبي حن الها ودي اشوفنها

رفقة _ حقج خالة بس شنسوي هذا الصار مو زين عليج يا عيني اسكتِ

أحلام _ وين بيه اسكت ولج يمه هاي انا ربيتها وانا داريتها تالي هج تسوي بينا

رحمة_ اخذت نفس وطلعت مِن المطبخ رفقة بقت يم خالة تسكتها .. بس شنو بأيدي أني هيّ هذا حد يومها ومالتقيت بيها غير مرة وحده وبمدة قليل توفت .

كملت تنظيف البيت كله وخالة دتبجي عليها ..  وينج يا ابتهاج شخسرتي مِن اهل وشخسرتي مِن ام تبجي دم بدل الدمع .. خسرتي كل شي با استهتارج وجشعج وبحجة حرية وانفتاح .

طلعت الدولمه مِن المجمده خليتها على الطباخ وخالة شاده راسها وعيونها حمر عصرتلها ليمونه ورفقة نطتها حبة ضغط .. راحت نامت

اجوي الولد صبينا غدا وخالة كوه طلعتها على عمود ليحسون الولد

حمزة _ انا مو تدرين بيه ما اكل الدولمة

رفقة _ سويتلك باكله بالدهن

حمزة _ ها جا وينها

رفقة _ هياتها كملتها تريد فوكاها بيض ؟

حمزة _ جا شلون

جابت رفقة صينية باكله ودهن اكلوها الولد واحنه اكلنا دولمة وخالة هيج كاعده الولد يسئلوها وهيّ دكلهم راسي يوجعني شوية .