في فحمة الليل

بارت 46

بقلم NabaaAlZubaydi 

# في فحمة الليل

بارت _ 46 _

ضالّه بگلبي
مثل كل الخلگ احظه بنصيبي
وضاله بگلبي الهلا وچلمة تعال ويا حبيبي

جواد صغير

كعدت على صوت زقزقة العصافير تمطيت .. احس راسي وجسمي متكسرات  ..  دلكت راسي بأيدي ثواني وصفنت على السقف مو مال الشقة هذا ابد ... انا وين ؟؟ درت راسي على اليمين شفت فقاري

لا اردي ابتسمت وانا اتأمل ملامحه كان نايم بطريقة فوضوية  وفقط بالشورت ... عكست نفسي صرت مقابيلة بالضبط .

صافنه علية وعلى تقاسسم وجهه ادفع عُمري كُله حتى يومية أصبح بوجهه

فتح عيونه على كيفة ابتسم وتلمس وجهي وهوَ على نومته

مريم _ تدري احلى صباح بعُمري كُله

ذو الفقار _ ان شاء الله مو آخر صباح

مريم _ شلون وصلت لهنا البارحة وانتَ شلون شفتني انا كنت سهرانة

ذو الفقار _ كنت وراج وانتِ حسيتي علية

مريم _ ها اي صح مِن تعاتبنا وشرحتلي على المشروب تذكرت بس بعدها متذكرت شي .. شلون وصلت وغيرها .

ذو الفقار _ طبيعي ثكلتي بالشرب حيل

مريم _ ولا ادري انا كدامك افقد وحتى بدون سُكُر اسكَر .. عقلي يفصل وكلبي يتحكم بيه .

ذو الفقار _ واني مو اقل منج بَل ازيد

مريم _ وين احنه

ذو الفقار _ شُقتي هاي

مريم _ احد كان بيها قبلي؟؟

ذو الفقار _ واذا كان اكو احد قبلج شنو اليُفرق

مريم _ سكتت لان ماكو جواب فعلآ شني الفرق انا وهنّ نفس الشي ... طلعت تنهيده مِني

مسح على شفتي واتكلم

ذو الفقار _ اطمئني ياجميلتي انتِ اول شخص يدخل لهذه الشقة او آخر شخص .. نفسج يكفي بيها

مريم _ طِلت النظر بيّ وقلبي لو يمتلك أجنحة كان طار مِن الفرح ... الافهمه مِنك شني

ذو الفقار _ لِكُلّ حادث حديث هسه خلي نكوم نصحصح وناخذ حمام واطلع اجيبلج ريوك وانتِ جهزيليا بهاي ايدج الحلوه

قَبل ايدي بشغف ونَهض مِن السرير تقدم اخذ ملابسه ديفتح الباب واستوقفته بسؤالي

مريم _ بَعد ما نتريك شني اليصير

اندار علية وهوَ مُبتسم لازم يدة الباب

ذو الفقار _ انخلي على كُل حرف نُقاطة

ظليت نايمه على السرير لبضع مِن الدقائق .. ونهضِت افتح الكنتور ما بيَّ ملابس نِسائي ... فقط ملابسه سحبت قميص مِنه لونه جوزي غامُق ..