في فحمة الليل

بارت 11

بقلم NabaaAlZubaydi

# في فحمة الليل

بارت _11_

واختلفنة براي واحد
‏گتلك هواية اجيتك
‏مرلي مرة ،                                
‏وانته گتلي لا تعاند
‏هي مرة !
‏حَتى اذكر بيها جان الليل گاعد
‏آخ لو شارعكم يعيد المشاهد ..

كاظم اسماعيل الكاطع

على صوت الديوجه كعدت سحبت نفسي من اهيس مطيت جسمي وفركت عيوني

اهيس اهيس اكعِد اهيس مو عندك روحه للجوبه

اهيس_ هااا اييي اييي

احلام _ صم الله ( اسم الله ) شجرالك فزيت

اهيس _ لااع ماكو شي بيش الساعه هساع

احلام _ مادري بس توه غبشت الدنيا يمكن حتى بعد ماوذن

اهيس _ جاا سويلي ريوك بين ما اغسل واصلي

احلام _ من عيوني

علكت ملابسه بالحمام وانا غسلت وجهي ورحت سلكت بيضات وخدرت الجاي وعجنت عبن ماياكلون الاا خبز حار مثلنا بس اهيس عادي شيلكي ياجل ميحجي عكس عمي وجويسم ونعومه

صمد _ جبيلي الريوك بالحوش دام الجؤ حلو

احلام _ هساع اجيبه بس يخدر الجاي

اهيس _ هاي شنهي بيض سلك ماريدن اريدن بيض عيون بالدهن الحر

احلام _ هساع اسويلك وابقي السلك لمايكعدون ياكلو

حطيت الطاوه على الجمر وجبت 3 بيضات من الدحاجات طازج هساع باظت ادور على دهن الحر ماهوو اختفى دورت بين علب وكواني الطحين ماهو عدنه زاويه خالين بيها عدس وتمن ولوبيه يابسه وفاصوليا هاي اشياء عمتي تيبسهن ووتظمهن نأكل شوي شوي منهن ومغطيهن برده .... رفعتهن ماهو الدهن يوميه مكوم انا اشوفنه بعيوني من يسون الريوك يمهن يخلنا اليوم ماهو طلعت الاهيس لكيته يدخن ويعاين على الدجاج

اهيس ماهو الدهن الحر

اهيس _ وانا شدراني

احلام _ عادي اسولكيا بدون دهن حر

اهيس _ سوي عسريع بس فضيني مظل وكت

كمت عسريع عسريع طكيتهن وخليت كرصتين خبز وكتلي الجاي والشكر

اهيس _ هاا وين رايحه كعِدي تريكي

احلام _ لاااع اروحن اسبح واصلي اكل انت بالعافيه

هز راسه محجه شي بس حسيته تضايق بس شسوي اخافن من نعومه لتطلع وتشوفني اتسوبح وتبوز

رحت سبحت طلعت ماهو يمكن راح للجوبه... ظفرت شعري وصليت كاعد اسبح سمعت صوتهم كعدوا سلمت ولميت السجاده وعلكت العبايه وطلعت صبحت عليهم