بقلم NabaaAlZubaydi
# في فحمة الليل
بارت 41
ياهو الشاف صدره
شكثر بي دخان
يشرب كل جكاره بطيف من عمره
عباس الغالبي
رفقة _ ماما شوكت يوكف الضرب
زينب _ واني ادري يايمه
رحمة _ على اي ساعة نموت
ويا ماحجت صوت ضربه صارت بيتنا كمنا نصيح ونعيط
زينب _ اسم الله الرحمن ابوجن محمددددد وينك محمددددد
محمد _ هااا هااا هياني خوما صار بيكم شي
زينب _ لااا لااا وين الضربه
محمد _ مادري والله بس كلش قريبه اني عبالي بيتنا
زينب _ محمددد حنموت ماصدك بعد نعيش
محمد _ كوموا كوموا نطلع نهج
زينب _ وين تأخذنا عندك مكان نتشرد بالشوارع خلينا نموت ولا نظل بمنيت احد
محمد _ تعبت زينب والله تعبت لااا اكدر اطلعكم ولا اكدر اعوف الدوام واكابلكم بيش تعيشون واحنه كل عيشتنا من هل راتب ..
زينب _ دنموت والله دنموت شدعي على الكان السبب .. الناس هجت اني لااا اهل بيهم خير ولا عيال بيهم خير
محمد _ احاول اطلعكم اليوم
امي انتفضت وكامت تصيح متريد بابا يطلع لان من المستحيل اليطلع يعيش ... بالخصوص هاي الايام
امي لامتنا الحضنها وتبجي وبابا يشرب جكاير ويحرك بروحه وهو باجر لازم يلتحق لان عندهم إنذار وحاير بينا وبين الدوام إذا بطل بشنو نعيش ومنو يرحمنا اذا احنه عدنه راتب ومحد سائل عنه نوب ماعدنه فلوس بعد محد ميكول شلونكم
طلع بابا للكراج وامي تتوسله يظل بالهول
محمد _ زينب الخاطر ربج قابل حموت بالكراج والهول اعيش
زينب _ ميخالف محمد اكعد هنا
محمد _ اطلع اشوف وين الضربة
زينب _ دخيلك ودخيل الله اكعد محمد وين تطلع
بابا طلع وامي ادردم وره
زينب _ ابوجن ميكعد راحه حيموتني عبالك طفل
طلعت وره واني ورحمة ماسكين ايد بعض ونرجف الكهرباء تجي وتطفى والضرب مستمر
محمد _ البيت كله تراب
زينب _ هي وينها الكهرباء حتى نسحب مي ونغسل .. تعال ياعيني طب
محمد _ شبيجججججج زينب زعطوط جاهل وتخافين علية
زينب _ شلون مااخاف عليك والدنيا مكلوبه
دنحجي وسمعنا صوت قصي من الحايط يصيح
أنت تقرأ
في فحمة الليل
Romansلكل فرد الحق في الحياة والأمن والحريه .. ولايجوز الحرمان من هذه الحقوق او تقيدها الااا بوفق القانون
