بقلم NabaaAlZubaydi
# في فحمة الليل
بارت _ 7_
صارت عينه بعيوني
عبرني وسيطرت كوه
عرفت انوخذ شي مني
واحس انباك هستوه
بديت اتلمس بصدري
اثاري الكلب ماهو ...
احلام _ ظليت ساكته وبس اكلن بنفسي اريدن صورة حل ماكوو تعبت من التفكير والقلق حتى عشا متعشيت حل الليل حطيت وسادتي ونجضعت افكرن ب صمد ويمته يجي الصبح اطلع اخبره ظليت اتكلب الليل كله عيني مغفت من التفكير الوادم هجعت ونامت وانا النوم طاير من عيني احس بنعاس بس،ماكدر انامن غبشت الدنيا كامت تشرق الشمس شوي شوي وصوت الوذان وصوت الديوجه( الديك ) صارت حركه بالبيت والسلف
كمت طلعت من الحجره اتوضى لازمين سره عبن نصلي شافتني امي
سهام _ اشوو منمتي بس تتكلبين شمالج
احلام _ لاااع يمه نمت بس شبعت نوم وظليت كاعده
سهام _ جااا صلي خاطر تعجنن وتخبزنه
احلام _ هزيتلها براسي ... رحت توضيت اديبه تصبلي ماي وانا من اكمل اصبلها خاطر تتوضى رحت صليت وطلعت عجنت وجده سعده تركض وراه الدجاجات تلم البيض وعمتي ثريا تحلب الهايشه كل واحد بينه لزمتلها شغيله عجنت واديبه طلعت توجر التنور خاطر يحمى ...
كعدت اكطع بالخبز واسويها شنكه .. اجتي رويده يمي
رويده _ شمالج حوليتي متشوفين العجين بعده فطير
احلام_ تنهدت روحي واصله الهامتي ...جااا شون اخبزن وهساع يصيحون يردون ريوك والخبز ماهوو واذا اكلهم العجين بعده فطير كله تكب عليه
رويده _ جان دثرتي وهساع الجو بدء يدفئ مو نفس قبل
احلام_ اكلج رويده روحي غادي عني انا روحي كوه حاملتها تردين ذاك يمج الطحين وروحي عجني وخبزي مابيه نصايح ومواعظ من صباحيات الله
رويده _ وسم ليسمج انا يول شكتلج وكبيتي غير الخاطرج عبن هساع يحجون عليج
احلام _ تنهدت بصوت مسموع وأخذت صينية الخبز تلكتني اديبه جانت توجر التنور
اديبه _ شمالج تتراكضين جن الجني وراج
احلام _ انلصمي وخلي نكضي الخبز عبن اروحن اجيبن ماي
اديبه _ جاااا مو عمي منع اي وحده منه نجيب الماي
احلام _ وشعرفهم اذا انتِ مدكولين
اديبه _ والله انتِ شغلتج ماهي خاليه
احلام _ هساع تسكتين يو لاا
اديبه _ اجي وياج
احلام كمت اطرك بالخبز وانطيها تلطش....
شعندج جايه ويايّ رايحه اعرس؟؟
أنت تقرأ
في فحمة الليل
Romanceلكل فرد الحق في الحياة والأمن والحريه .. ولايجوز الحرمان من هذه الحقوق او تقيدها الااا بوفق القانون
