بقلم NabaaAlZubaydi
# في فحمة الليل
بارت _ 5 _
يكول ...
اخخخخ شصعبه تصير !!
يامدة الأيد .
من تطلب الحاجات موش من اجاويد .
لاتطلب الحاجات الااا من اهلها !
خل روحك بعز دوم بالك تذلها !.
احلام _ من كال اَل ثجيل شهكت وكع مني السطل الماي .. شلون ماعرفهم ذوله عداوه ويانا مو اليوم البارحه من زمان من الستينات ولليوم احنه عداوه
انداريت عليه واني ارجف اريدن احجي شي الحجي ميطلع مني اخذت السطوله ومشيت واسمع يصيح ورايه من الخوف معرفت شلون اتصرف كل همي يطلع جذب مو منهم
وصلت البيتنا محد جان موجود كلها طاشه الشغلها بارده حيل ... الدنيا بارده بس مجاي احس بالبرد ابد رفعت ايدي ع وجهي هاي دموعي شوكت بجيت وليش اصلا ابجي انا شعليه ؟؟؟ اسئل نفسي بس ماكدر اجاوبها
كمت طلعت للحضيره كعدت هناك يم الهوش والصخول على الشمس وافكر انا شلي شغل بي
كمت على صوت صلاح
صلاح _ شتساوين هنا
احلام _ هج اتشمس جااا البنيات ماهن وينهن
صلاح _ كمره جاي تخبز والباقيات طلعن يحون ويانا
احلام _ هااا زين انت عليش اجيت؟
صلاح _ اسرح بالغنمات خالي جبر أمرني
احلام _ زين يلااا اودعناك محتاج شي
باوع عليه بستغراب وجاوب
صلاح _ لااع سلامتج
عفته ورحت اشغل نفسي بأي شغيله عبن انسى طلعت الفراشات شريته عل شمس وكنست الهول دشيت للحجره مال حبوبه جانت مجطوله( مدده) وتسبح
سعده _ احميلي الماي عبن ااغسل اليوم جمعه ولازمن اغسل واصلي صلاة الظهر
احلام _ حبوبه انا المن ارد احمي كلهم يردون يغسلون اليوم عبن جمعه
سعده _ ميلي عني يالغبره انا من اكلج على شغيله تكضيها وانتي ساكته ماسمع منج جلمه غير التم
احلام _ اييي جده غير اكلج كلهم يردون يغسلون
سعده _ احميلي الميات يمصخمه انا لون بيه حيل لجان جسرت العصا عليج ميلي غادي
احلام _ حاضر جده هساع احميلج الماي
طلعت بالحوش شفت عبيس وصحتله يروح ينده اديبه شويه واجت اديبه كتلها تروح تجيب ماي اخذت عبيس وراحت تجيب ماي وانا وجرت النار على ما تجي رحت جبت الكدر الجبير من وره البيت .. خليت الماي العدنه بالجدر صار نصه عفته لما تجي اديبه
وانا كمت اكنس الحوش كله كطوف جكاير وحب ونوه مال تمر ورك مال خس لميت الورك مال خيس خليته بصندوك اسود للهوايش( الأبقار ) والباقي كنسته وذبيته خليته بكونيه وكترته ع جنب هساع كملت كنس الحوش واجت اديبه هيه وعبيس جايبين الماي درتهن بالجدر ....
أنت تقرأ
في فحمة الليل
Romanceلكل فرد الحق في الحياة والأمن والحريه .. ولايجوز الحرمان من هذه الحقوق او تقيدها الااا بوفق القانون
