بقلم NabaaAlZubaydi
# في فحمة الليل
بارت _20 _
هم عبرت الساعه 12
هم اجه الليل بدونك
وما ادري وين انطي الوجه
من تجي بالي عيونك
احمد عاشور
احلام _ تمر الأيام والشهور بمرور الكرام مابيها شي غير التعب والهم مرت سنه كامله انا مشايفه هلي ولا رايحه عدهم ماعدا عمي فلاح مرات يسئل عليه من باب الدرب ويروح وخطيه محمل اشكال الوان وامي هم على طول تجيني تجيب وياها التمر النكوع الدبس المربئ حايره شتجيب وجده تخثر القصي خاثره ولبن وحليب وزبد هاي اشكال الوان يجيبولي فد شنهي يو اضوكن منا يووو اصلا مالحك اشمه مع انو عيالي عدهم وهم مثل اهلي فد عمتي كله تبيعه
لبيبه _ احلام أحلام
احلام _ هاا عمه
لبيبه_ شمالج خايبه العجين اختمر وينج عنه
احلام_ عمه كملت الشغل ودشيت للحجره ابدل القصي
لبيبه _ زركي طركيهن مظل وكت حتليل
احلام _ هساع عمه فد قصي بقي يمج
لبيبه _ كبل لترحين علكي جمريه الشمس غابت
احلام _ هساع اعلك
طلعت بالحوش اكسر حطب وخشب واخلي بالطشت مسوي مال جمريه طكت رويحتي لما شتعل عبن عمتي تكطر علينا تكطر بالنفط
خليتها تصفى النار ورحت اشنك عفيته يرتاح رحت شجرت التنور ورجعت فوتت الجمريه للهول عاين ليه قصي وضحك فده الضحكته ترد الروح
رجعت اخبزن كملت وديته بالمطبخ اسمع صوت قصي ابني يبجي عفت من ايدي ورحت عليه والكي عمتي تارسه الهول بخور
وقصي مختنك وجم مره بمره حجيت بس بلا فائده محد يسمع اخذت ابني وانا اكولن بكلبي حسبي الله ونعم الوكيل هساع هو ابن ابنج وتدرين بي يختنك من البخور
الدور كام يكح وانا روحي طلعت شبيدي شنهي الاكدر اسوي اله
اسم الله يمه اسم الله الرحمن
اخذت ماي وشربته وغسلتله منه اعرف الماي بارد بس هذا الموجود وهو صاير نحس حيل بشكل عبن كاعد يطلع أسنان الليل كله ماانامه بس يبجي
جبت الصندوك وحاطه جواه كارتونه وفوكاها بطانيه مسويته شون الدوشك كعدته بي وانا كعدت اسوي عشا على الجوله مثروده وشوربة عدس عبن جويسم مشتهي شوربة وابني يناغي وياشر بايده على النار
احلام _ لااا يمه هذا نار بووو
قصي_ بووو
أحلام _ اييي بووو اوووو هذا
نطيته خبزه يحك بيها اسنانه
أنا اسوي بالعشا واغني لقصي
وماي العين ياولدي
كمر ومنور سماي
وشوكه بعين كل حاسد
ربيع بهاي دنياي
وقصاوي هيل وفستقه
واحلى ولد بالمنطقه
أنت تقرأ
في فحمة الليل
Romansaلكل فرد الحق في الحياة والأمن والحريه .. ولايجوز الحرمان من هذه الحقوق او تقيدها الااا بوفق القانون
