في فحمة الليل

بارت 56

بقلم NabaaAlZubaydi

# في فحمة الليل

بارت _56 _

والمزارات الصحت اسمك بنصهن
مستحي مافايتلهن

فشله لو ارد ادعي بيهن
شرد اكلهن

وحت لو ادعي عليك
وافتح اعكود العلوكه وما اجيك
انا عاكد روحي بيك

امير فيصي

رحمة _ خالة هاي المن دتعجنين الكليجة

أحلام _ يمه للجيران .. كلت انا أبادر وادزلهم كليجة الحب يرجعه النه اهلاً وسهلاً والمحبو جيرتنه همَ اهلاً وسهلاً

رحمة _ همممم فكرة حلوه ... تحبين اساعدج بشي

احلام _ هساع اتريكِ يمه وتلحكين تعاونيني

رحمة _ ما اشتهي نفسي مسدوده عن الأكل

أحلام _ كله مِن ورا الأخبار اكلج يمه لتعاينين عليهم ميفيد وياج هساع عايني حالج مِن أمس لليوم انتِ وجهج اصفر امشينا اكلي

رحمة _ لا خالة شعلي الأكل بس والله داموت مِن اشوف الأخبار ولد بعمر الورد ديموتون يومية .. البارحة الأشتباكات الصارت بجرف الصخر خلتني الليل كُلة ما انام ونوب قُصي ميرُد خلاني اموت قلق للفجر يلا رَد .. وبعد ما أجاني نوم ابد

أحلام _ يايمه سوده علية شلونه هساع

رحمة _ يكول زين .. بس أني شفت الأخبار الوضع متراجع عدهم .

أحلام _ كليبي نار عليهم بس شبيدي انا كُل واحد راسة هلكبره لايسمعون ولا يهجعون

رفقة _ صباح الخير ريحة الهيل كعدتني

أحلام _ هلا يمه صبحج الله بالخير

رحمة _ خالة دتسوي كليجة وتوزع للفرع كا مُبادرة

رفقة _ هممممم فكرة حلو والله

أحلام _ امشينا يمه تريكن

رفقة _ والله ولا اشتهي

أحلام _ شمالجن يا يمه مزين عليجن على الأقل كلاص حليب

رفقة _ على طاري الحليب خالة شلون كدرتي تعوفين حلالج وبطاتج دجاجاتج

أحلام _ شسوي يايمه هنا المنطقة مو مِثل منطقتنا غادي جان الوادم تطلع طب كل شوية مرية مسيره علية هساع لو يفوتولنا حرامية همَ محد يطلع ولا يدرون ... عبن قصي كال المنطقه راقية ماخذ الحلال اخلي يم وادم وهمَ يجيبون النه ..

رحمة _ اهون خالة يمعوده كانن ماليات المنطقة بصوتهن هسة هدوء

أحلام _ ياهدوء يايمه حطكن واموتن عبن ممتعلمه على هذا الجو ... الدور قصي جاب تنور ستيل احسن الخبز ماله معنى

رحمة_ خالة هوَ هسه منو ظل يخبز وانتِ همَ تعبتي بيج حيل تخبزين بتنور طين

أحلام _ اييي وعلي حيلي مو مِثل كبل وين جنت وين هساع