بقلم NabaaAlZubaydi
# في فحمة الليل
بارت _ 8_
اصبر واكول تهون .
بس المصيبه شلون ؟؟
مابقى عندي عيون والله الدمع أذاني .
محبوبي مايدري .
حسراتي ال بصدري
يادمعتي تحضري ،،
احلام _ صعب من يخيروك بين عقلك وكلبك .. عقلي يكلي اذا شردتي تخسرين اهلج وسمعتج اذا اشرد ابوي شون بي شيصير بي جدي عمامي امي خواتي اخوي كلهم خليتهم كدام عيني .. وهناك كلبي يكلي هذا ولفج هذا الي تعيشين العمر كله ويا اختاري وعيفي الدنيا كلها وراج ... وارجع واكول وهلي يرد يجاوب كلبي ينسون بس تمر ايام وينسون .. وعقلي يرجع بسؤال أقوى من القبله والوادم والثارات والدم اذا رحتي تفتحين وراج شط من الدم ويرد يجاوب كلبي كلشي يتصلح بمرور الوقت ... طلعت تنهيده بدون ماادري
سهام _ شمالج يمه اسم الله عليج من التنهيده
احلام _ عاينت ليها وعيوني مليانه دمع وحيره ... يمه تعبانه
سهام _ شنهي المتعبج يبعد جبدي
احلام _ مادري
سهام _ اخافن مصخنه لو مريضه
احلام _ اخذت تنهيده ورديت ليها ... لااع ماحسن بشي
سهام _ اكومن اشوفن عمتي بلكت عدها شي شياتين يطيبج
احلام _ راحت وانا كلت شنهو اليطيبني اذا كلبي يوجعني
شويه واجتي حبوبه
سعده _ شمالج يمصخمه مساع جنتي تكمزين شجرالج
احلام _ مابيه شي حبوبه هج احس بتعب شوي
سعده _ اشوفنج اكفي
خلت ايدها على كصتي ونزلت كمشت ايدي وجعب ( قدم ) رجلي
سعده _ ماكو شي اخافن صخونه داخليه ... سهامه كومي فوريلها حليبه
احلام _ ماريدن شي حبوبه هساع اكومن
سهامه _ لاااع اكعدي انا متطلعين ويانا للزرع خليج بالبيت ارتاحي
دش ابوي شافهن ملتمات عليه عكد حاجبه وسئل
شاكر _ شمالجن ملتمان هنا
سعده _ ماكو شي ليظل بالك .. بس شوي احلام مريضه
شاكر _ شمالج بويه
احلام _ هو كلي هج نزلن دموعي خليت ايدي على وجهي وانحب وهمه نخبصوا
سعده_ يااا يااا شمالج حبوبه منهي وياج
شاكر _ حلام بويه شو عايني ليه ... شمالج يبعد ابوج
سهام _ يمه عايني ليه شجرالج
شاكر _ سهامه لكون انتِ محاجيتها
سهام _ لاااع وعلي ممحاجيتها بشي انا مساع جنت كاعده احوكن بالدشداشه وكالت تعبانه رحت العمتي كتلها تنطيني دوء شي شياتين وهاي انتم اجيتو
أنت تقرأ
في فحمة الليل
Romanceلكل فرد الحق في الحياة والأمن والحريه .. ولايجوز الحرمان من هذه الحقوق او تقيدها الااا بوفق القانون
