في فحمة الليل

بارت 30

بقلم NabaaAlZubaydi 

# في فحمة الليل

بارت _ 30 _

گِضه الواهس
عله طيوفك بعد ما أصيرلك حارس
أجيتك وإنه كلي أخضر
رحت منك ورگ يابس

عبدالسلام

قصي _ سعددددد دك الناقصة بيه للمره الألف

احلام _ ولك يمه على كيفك شنهي الجرالك

قصي _ سعد النذذذذل بااااايع شكو شي عدنه هسااااااع احنه والكاااع سوه

احلام _ عززززا بعينه شووون بايعهن يمه

حمزه _ هساع رجال اجا وكال عمك سعد بايعله الكياعين والبساتين والحلال كله

احلام _ يمممممه عززززا بعينه كووون شون يبيعهن منو كله وعليش هج سوه احنه وين نروح

حمزه _ عمه يوو على هذا ميخالف بس اليكاتلنا شون ويمته لحك يبع كل هذا

قصي _ واليكتلك بنص السعر بايعهن وشارد ...... يماااا حطك حموتن اوووووووف سعددد لون اكضك

ابتهاج _ اعاين على قصي حاله يرثى له وحمزة يفتر بالبيت داير مدايره ويصيح

فزيت على عيطت قصي ويا حمزه

قصي _ انت مو رجال البيت عشتووو شون عمك يبعد عمي اخذ الأوراق الثبوتيه مال البيت وانت نايم

حمزه _ وانا شدراني مو وياك على طول بالكاع

قصي _ بس فهمني انا ماعندي بيت امي واختي كاعدات يم لبيبه والأوراق وكلشي يمها .... انت يمك كلشي وامك متعرف تقرأ ولا تكتب شون بعد أخذ الملكيه صخمان

حمزه _ شنهي قصدك انا متفق ويا ومنطي الأوراق يعني انا خاينك وبايع العشره

قصي _ شنهي تفسر جاااا ... شون وصل للأوراق وشون خذاهن اذا مو الك ايد ويا ؟؟؟؟

حمزه _ تراك تجاوزت حدودك هواي كاعد جفص بطني

قصي _ هاي الحقيقه زعجتك

حمزه متحمل وجيت على قصي وزنكه من دشداشته وقصي رجعله الضربه وانا وامي نفاكك بيهم واحد يصيح على الآخر ويتهاوشون

من كيفهم كعدوا كل واحد على جهه يلهث من التعب امي اندارت عليه وكالت جيبي ماي رحت جبتلهم كوه يشربون قصي من الأعصاب يرجف وحمزه خال ايده جوه راسه وساند روحه على كرويته عمي جويسم

امي تهدي بينهم وتصلي على محمد  ... حمزه رفع راسه لقصي

حمزه _ والحل هساع شنو نظل نتهاوش ويا الوادم وهي تريد حكها عمك بايع الأول والآخر

قصي _ انت كلتها بايع الدنيا والآخر واذا تهاوشنا مالنا الحك عبن حكهم وجاين ياخذوا

حمزه _ جااا شنهي الحل وين نروح بلاا لو علينا جااا هسه نطورد بالدروب وانت بعد شهر تلتحق وانا اشوفلي مكان اكعد بي  .... الا امك واختك ويانا