بقلم NabaaAlZubaydi
# في فحمة الليل
بارت _ 39 _
لغة نحرك ترجمة صمت اليقين
عاذره الموت بمماتك ما يثق
الموت بارد وانت موتك بي شرار
الغيم اذا مايصطدم ما بي برق
باب نبضك حارة البيبان بي
منين ماينسد فتح ما ينغلق
ايهاب المالكي
الكلمة التي لم تُقال لنا في وقت انتظارها لا قيمة لها ، السند الذي يأتينا متأخّراً لا معنى له ، والرّد على طلبِنا إن لم يكن في عِز احتياجنا لا نريدُه ، والوعد الذي وضعنا كل ثقتنا بصاحبه إذا لم يُنفّذ في توقيتهُ لا طعمَ له ... الكثير من الأشياء إن لم تأتِ في وقت انتظارنا ولهفتنا لها لا معنى ولا قيمة لها ، وإن جاءت مضروبة بعشرة أضعافها...!
سديت الدفتر وتنهدت واكفه أمام الكنتور اجهز نفسي الاربيعين جدو علي .... مااريد اروح بس إكرام الامي والجدو اروح
والا بيت جدي لو يصيرون ذهب مااخطي بابهم ... من وعيت على الدنيا واني احس بالتفرقة من الطرفين اهل امي وأهل ابوية
بعمرهم ماكانوا سند كنت أتمنى حتى لو يجون متأخرين هم قابلة بس احس عندي أهل ... بيت جدي
كل همهم المظاهر والفلوس والجاه والسيط
ابسط مثال اهل امي عائلة غنية وثرية ومعروفة من بساتين وحلال وبيوت وقطع اراضي وعلوه يعني عدهم كل شي
بهذا عمري واني بستان بيت جدو مشايفتها يكولون جبيرة ومتتقدر بدوانم ويكولون جميلة وخلابة كل شي تريدين بيها ... يكولون !
بس شايفتها لاااا .. عكس اختي مره وحده شايفتها راحت واجت منبهره تسولف النه وماما دكوللها كل اني سويته وياهم وكلنا زرعناها وتعبنا بيها
انواع البان بيت جدو يسون وخالاتي انواع الطرشي ومرت خالو تسوي انواع الكبب والدولمة والحلويات ... وبيبي تسوي اجود أنواع الدبس والمربى
بس كل هذا احنه ما نضوك الاا بالصدف ... اني عن نفسي اعشق طرشي خالة بلقيس على كد ماتسوي طيب تتمنى اطمس روحك بيّ
مع الأسف كله يتوزع على الجيران وباقي خالاتي واذا دزولنا احنه ماما من تروح يظلون يذكروها دزينالكم وعوزنا من عدنا ودزينه الكم
ماما دكولهم ماريد لدزون الحمدلله ابو رسل ممقصر .. بس جدو حنين ويحب بناته كلهن .. يتنغص النه ويدز بيد ابن خالو
حتى وهمن جدو احنه مناخذ ونتنكس منهم .. طيب شلون نتنكس وامي منهم وبيهم !!
اهل امي أذية باذية الله يرحمها الرسل جانت تكره تروح الهم دكول يفرقون ماتحمل ... وصلت بيها دكول امي ليش اخذت بابا لو ماخذه ابن عمها جان صرنه مرغوبين ... لهنا وصلت من كد التفرقة
أنت تقرأ
في فحمة الليل
Romanceلكل فرد الحق في الحياة والأمن والحريه .. ولايجوز الحرمان من هذه الحقوق او تقيدها الااا بوفق القانون
