في فحمة الليل

بارت 50

بقلم NabaaAlZubaydi

# في فحمة الليل

بارت _ 50 _

شحَسيت ؟
مِن تقهرني ؟
مِن ترد برد بارد وآنا جايك بِكُلّ حنيتي ؟
مِن خليت غيري يمدحك گدامي ؟
مِن خليتني ندمان لان بادرت ؟
مِن عيشتني بخوف ؟
مِن تخليني اتوجع بسبب كلامك ؟

رانية _ مو كلتي بعد ما احاجي والله اتركه وما ارجعلة اشوفج متصالحة ويا .

بنين _ يمعوده توسل بيه دارجعلة وإني همَ احبة

رانية _ او باجر همَ تزعلون وتتعاركون وتتصالحون

بنين _ هسه قابل ضاريج بشي احنه

رانية _ لا والله بس مالها داعي يومية تتعاركون وتفضحون نفسكم تالي تتصالحون

رفقة _ كافي رانية لعد احنه شنريد غير يرجعون البعض ونشوفهم متصافين .

رانية _ اي قابل شعندي وياهم بس غير هُمه يوميه مشكله

اتنهد مابيه حيل المشاكل واوكع بين بنين ورانية سكتت وتاخذت الصمت.. كمت مِن يمهن متجهه للحمامات ... دخلت واشوف آلاء تبجي

رفقة _ الوشه شبيج حبيبي ليش تبجين

آلاء _ مابيه

رفقة _ ودموعج شنو لعد

آلاء _ قلم الكحُل دخل بيها واني داحط

رفقة _ غير تنتبهين ياعيني

آلاء _ مابيه شي ليظل بالج

رفقة _ زين امشي نكعُد بالقاعة

آلاء _ لا لا حروح إني

رفقة _ وين تروحين ترى انتِ مدتحضرين مُحاضرات ولا حتى دتروحين للمستشفى تطبيق

آلاء _ اييي ان شاء الله احضر بعد اليوم بس هسه حطلع

رفقة _ اخذت جنطته وراحت مِن دون حتى متلتفت .. أمرها مُريب جداً حتى بُكاها مو مِن الكحُل غسلت ايدي وعدلت شالي ومكياجي وطلعت

رجعت للقاعة مابيها احد لا بنين ولا رانية هذني وين راحن ..

طلعت ادور عليهن لمحت بنين كاعده يم طارق والغريب بالأمر رانية يم سرمد ..

مو مال اروحلهم اتجهت للكافتريا... واشوف ابو الأمن يطلع مِن الحديقة صدفة دنكت راسي وكلبي يخفق بشدة .. امشي إني واحس بيَّ يمشي وراية ابد مو وقته احس حيغمى علية ..

دامشي واعثر بالمسطبة يبوووووووو يهل فشلة الاكلتها أتمنى ميته ولا صاير هذا الشي

انوب الملازم ولاب كوت وكعن مِن ايدي كلها صاحت الله الله الا هو فات دخل للكافتريا .. وإني دنكت ألم الغراض ودمعتي بعيني .. بنات ساعدني بلمهن مِن الأرض

شكراً بنات

تركتهن مِن دون ما اسمع الجواب لأن خجلانه ومستحية بشكل .. رجعت للقاعة كعدت واريد ابجي على الموقف السخيف ..