في فحمة الليل

بارت 54

بقلم NabaaAlZubaydi

# في فحمة الليل

بارت _ 54 _

ساكت ياوطن والحرگَه تاكل بيك
لو خايف بعد والسكته مِن خوفك

مِن حرب الحرب جبنه العمر وياك
مِن اكل الجثث ما ينترس جوفك

ومابيك الذنب گول الذنب چا وين
يمكن نعتذر لو نفهم اظروفك .

في 30 يناير/كانون الثاني 2015 المقاتلون الأكراد ينجحون في تحرير مدينة عين العرب (كوباني) مِن قبضة التنظيم ودمار شُبه كُلي في المدينة نتيجة الغارات الجوية المكثفة.

في 3 فبراير/شباط 2015 التنظيم يصدر شريطاً مصورٌ يظهر اِضرام النار في الطيار الأردني معاذ الكساسبة الذي سقطت طائرته بالقرب من مدينة الرقة اواخر 2014.

في 15 فبراير/شباط 2015 اصدار شريط مصور يظهر عملية ذبح 21 قبطيا مصريا من قبل اتباع التنظيم في ليبيا على ساحل البحر الابيض المتوسط.

في 1 ابريل/نيسان 2015 القوات العراقية تستعيد مدينة تكريت .

أحلام _ رحمة ولج رحمة الباب كاعد تندك اطلعي شوفي منهو انا كاعد اخبز

رحمة _ اييي خالة سمعت هسه اطلع

عبرت مِن يم خالة دتخبز طشت خبز للجنود والعمال مال بيننا لأن دنبني لازمه وفي وصديق حمزة واحد اسمه عبدالله .

صحت منووور ؟ اجاني صوت وفي

وفي _ إني أخوية

رحمة _ ها وفي

وفي _ هاي المسواك الكُم وهذا الأهلج .. خوما محتاجين شي بعد؟

رحمة _ لا تسلم ممقصر

وفي _ مرت الغالي بالخدمة

رحمة _ خادم ربك

أحلام _ شني هذا وفي جاب المسواك

رحمة _ ايي والله خالة النه والأهلي

أحلام _ الله ينطي العافية ويرزقة منين ما يندار ... الولد ابد مقصر عسى ما بنص الليل إذا حتجينا يجينا

رحمة _ اييي والله وهمَ خلف الله عليّ كُل أسبوع يتسوك النه والأهلي وبيت آمين

أحلام _ اييي والله يمه ثلاث عوائل بركبته مِن عده اهله .. دامج واكفه اتصلِ على امج تجي تعاوني بالكليجة واخيتج تعاونج بالغدا مال عمال

رحمة _ خابرتها مِن الصبح كالت أكمل تنظيف البيت واجي

أحلام _ خوش .. جا ابوج شلونه

رحمة _ زين البارحة بليل إتصلت عليّ كلمة اسمع وعشرة لا ماكو شبكة قوية

أحلام _ مكلج شخبار البيجي

رحمة _ لا والله مججة بس سلم وراح لأن مدنسمع شي . بس الأخبار شفتيها شلونها كُل يوم يزيد الوضع خطورة