بقلم NabaaAlZubaydi
# في فحمة الليل
بارت 24
عيوني وي السهــر كلش عبـر حدهــا
وحمامات الصبـــح گمت انة اگعدهــا
لـ علي فاضل
احلام _ دشووا الجهال يعيطون هاجر غركت هاجر طافت بالماي
رِخت رجلي وتشنج كل جسمي هنّ كامن يتصايحن ويردن يفهمن وانا عكلي فصل عن كلشي موجود بالعالم تتخايلي ضحكتها وسوالفها وكصايبها( ظفاير) ذبيت ابتهاج مني بالكاع وارحن اركض عبن ماصدك بنيتي عافتني
مادري شون طلعت ولا ادري شون وصلت شفت قصي كاعد يبجي وحيده مابيده شي مايكدر يذب رويحته بالماي
قصي _ يممممه يمممه اخيتي غركت يممممه
وكفت بدون شعور اضربن برويحتي والطم والنسوان كلها يمي التموا الزلم مادري منين واجوي حمويني
اسمعن صوت اهيس ويلطم
اهيس _ يهلللل وادم بتي غركت بتي ( بنتي ) ماتتتت يهل وادم شورو عليه بتي طااافت يايابه يابويه
أحلام _ انا الطم ملخت رويحتي وقصي يلزم ايدي ويبجي وياي حضني حيل عبن مالطم
ماشوفن غير اهيس يهد عليه ويطك بيه ويصيح جدام الوادم
اهيس _ انتِ موتي بتي كله منججججججج كتلتلي بتي انتِ السبب بت *****
قصي _ يابه عيف امي معليها لا طكهاااا بويييييه كووومي يمممه
اهيس _ ماريدج ماريدن تظلين يمي هساااع تولين لهلج
جروا الوادم جتفوا وخذوا وقصي واكف يحاميني وانا يامن يجيبلي بنيتي
هجوره يمه وينج هساع شكالت رويحتج يممممه اغديلج فدوه كومي وياي
نزلوا الوادم للماي ويدورون على هاجر ساعتين يلااا لكوها عبنها عابره ذاك الصوب
طلعوها ريت ماشفتها ريت يوم كبل يومها الوجهه ازرك والشفايف زرك زرك متنكه ماي
ركضت عليه من بين الوادم اريدنها ترد وياي للبيت
هجوره يمه يبعد روحي بنيتي كومي يمه متلوكلج النومه يبعد جبدي كومي وياي نرد للبيت انا وياج واخيج كووومي يمه هاااااجر عليشششش متكعدين كو جاي اكعدج يمه لجججججج يمه كووومي
ليله _ اذكري الله حبيبه خلي ابوها وعمامها يأخذوها ويدفنوها
احلام _ اسك الله شتحجين انتِ هسااع تكعد تدرين بيها هي مالها صوت وتخاف من ظلها هساع تكعد بس تسمع صوتي
اجا سعد حمايه فد هو جان موجود عبن كلها بالجبهه اخذها مني واخذ رويحتي عيطت دكيت لطمت مفاد خذو بنيتي مني خذوها وخذوا رويحتي ودنيتي
أنت تقرأ
في فحمة الليل
Romansaلكل فرد الحق في الحياة والأمن والحريه .. ولايجوز الحرمان من هذه الحقوق او تقيدها الااا بوفق القانون
