بقلم NabaaAlZubaydi
# في فحمة الليل
بارت _4_
هو الماينام اليل لازم سالفه باله ..
لو مبيوع منه عزاز لو متمرمره احواله .!
احلام _ بساع حميد صاح ابووي وكلنا صدينا عليه ونتعايط عبن خفنا عل ( على ) عمي فاضل وعمي سالم وابنه بالمضيف عاط بينه عمي فلاح
فلاح _ يواشجن بس تتباجن خلن نفهم السالفه شنهي بس تتعايطن
احلام _ على صوتنا وكعدت حبوبه مهبوطه كوه تمشي وتصيح دخيلك ياعلي استرنا دخيلك يابو الحسنين احضرنا ياعلي شنهي ولجن كولن شمالجن
وعمتي نجيه طلعت تلف بشيلتها وترجف هيه عرفت عمي وابنه بره كعدت تطلم
وليش نجذب عل نفسنه كلنه كعدنا نرجف ونبجي
قرابة الساعه ودشوا علينا عمامي جايبهم عمي فلاح وابوي هساع دشوا مشت امي زقفلت (غلقت)الباب وكعدت وراهه تلهث
جبر _ شكوو شبيها الوادم عفتوني وطلعتوا تتراكضون
شاكر _ وين تعوف البيت عل أقل انت تبقى بي معفناك
جبر _ جاا غير مليان زلم
سعده _ هساع عوفنه من هل الحجي شبيها الوادم تصارخ
فاضل _ بيت حجي سعيد ابن ابنه جوي هساع اخذوا هو ابن عمه ماجد اخذوهم عبن طالعين ضد الريس
من كال عمي هج كلنا صدينا عل عمي فلاح بس هو ممهتم يدخن ويباوع علينا راحله ابوي
شاكر _ شفت فلاح هاي نهايه اليحجي ع حكومه واليندك بالريس
فلاح _ هساع انا حاجي بي مندك بي هاي انا مجابلكم وكاعد لو اروحن البغداد
سالم _ انا روحاتك البغداد معجباتني
شاكر _ اكعد واسكت انت وراك عايله تروش روش ونسوان وشوفت عينك ماخذين من ذاك الصوب
حبوبه سمعت وكامت تون وراحت ع عمي فلاح
سعده _ اغديلك فدوه يمه عوف هذا الطريج وين تريد تروح
فلاح _ يمه حبيبه ياشيخة السلف والديره هاذ انا كاعد كبالج
سعده _ اخواتك يحجون غير هذا الحجي
عمي فلاح بأس راسه جده وكعد يطمن بيها بالساعه كعد جدي ومحد خبره عل الصار خافو عليه عبن مريض
اليوم جان عليه الماي اجيب بس ابوي عمامي مقبلوا اجيب همه طلعوا يجيبون
صار العشا بس محد اكل بس الجهال اكلت عبن كلها خايفه وبعدها الهبطه بيهم بس عليوي لطف الجو هو واخوي صكر شويه فكوا
جنا مسوين جمريه وعالكين الاله وكاعدين كلنا بالهول ملتمين يم جدي وحبوبتي كلنه عمامي 5 ونسوانهم وجهالهم وابوي وامي واحنه وعمتي ثريا وعيالها
أنت تقرأ
في فحمة الليل
Romanceلكل فرد الحق في الحياة والأمن والحريه .. ولايجوز الحرمان من هذه الحقوق او تقيدها الااا بوفق القانون
