في فحمة الليل

بارت 47

بقلم NabaaAlZubaydi

# في فحمة الليل

بارت _ 47 _

‌‏⠀
حلاة السالفة بأولها من تنگال
وانت السالفة الـ ما عابرة الشفة
أتيه كل شي من يندارلي طاريك
وبخطواتي تلگى آثار للرجفة
وأتخيل ضحكتك وأبتسم وأندار
مشايفها بس گالوا شگد ترفة!

| احمد عاشور

احلام _ اُم رسل أم رسل حبيبه

زينب _ يااا ليش واكفه دفوتي يمعوده

احلام _ لا هاي المره جيتي خطار

زينب _ صدُك جذب يمعوده اُم قصي دفوتي احنه اهل

احلام _ الله يسلمج

زينب _ اكوم اجيبلج المي

احلام _ لا اكعدي حبيبه قابل اريد اجربكم .. البنيات ماهنّ

زينب _ لا بس رحمة بالكلية ورفقة عطلت تدرين عنده امتحانات سادس

احلام _ الله يفتحها بوجهنّ ان شاء الله .. انا اليوم جيتي كلها غير شكل

زينب _ خير أم قصي كولي واطلبي

احلام _ كل الخير ان شاء الله ... احنه وياكم عشرة عمر لا يوم ولا يومين اكلنا وشربنا ونمنا سوى طلعنا سوى فرحنا وحزنا سوى ... كبل لا يكونن بناتج هنّ بناتي وكبل لا هُمَ ولدي ولدج .

زينب _ والنعم منكم صرتولنا أهل

احلام _ وانتم صرتولنا وطن .. انا اليوم جايه اطلب ايد رحمة بنيتي لوليدكم قصي

رفقة _ ابد ماكنت مصدومة تصدكين لأن هذا قصي وكُلش اعرفه

رحمة _ هسه كملي لظلين تماطلين

رفقة _ اييي شبيج .. المهم ماما اخذتلها صفنة بعدين استوعبت ابتسمت ولوما العيب مِنها كان كامت باستها

زينب _ يوم السعد وا ناسبكُم ليش انتو هَم اكو واحد مثلكم .. اني مِن جهتي انطيها الكم وبالأخص القصي واني مغمضة ومطمئنه

احلام _ يا بعد روحي متقصرين الله شاهد اشيلها بعيوني

زينب _ واني متأكدة مِن هذا الشي

احلام _ جااا شاوري ابو رسل ورحومة وردولنا الخبر ان رضيتوا خيرآ على خير واحنه نكون ممنونين منكم ... وان ما كو قسمة وعلي لا رح يتغير شي ولا ابد احنه اهل أن شاء الله

رفقة _ كامت خالة طلعت وراه ماما رجعت اتصلت على بابا وكلتله هسه تجيني .. فعلآ شوية واجا كان رده

محمد _ زينب انطيها الهم واني بقمة سعادتي ليش المِثل قصي هم ينرد

زينب _ واني هَم اكول هيج بس اخاف رحمة مترضى

محمد _ وليش حتى مترضى إنسان مثقف وتعبان على نفسه مِن اجانا ميلك ربع بجيبها وهسه شوفي بهذا عمره يملك اشياء اني بكبرتي ماكدر اتخيلها مو عاد املكها