بقلم NabaaAlZubaydi
# في فحمة الليل
بارت _ 35 _
⠀
بعيوني أريدك تجي لو بس حلم عابر
انطيني نسمة هوى وبراحتك سافر
من دونك اني ترا متلعثم وحاير
لو گلبي لو خاطري ماأعرف شكاسر!
| إيهاب المالكي
محمد _ زينب سوي نزلية للناس الكعدوا يمنا جديد
زينب _ اييي عيوني ادلل اني هم فكرت وكلت اسوي قبل لتكولي
محمد _ تمام كوليلي شنو تريدين اجيب
زينب _ اسوي فاصوليا يابسة وتمن
محمد _ بسس
زينب _ لاا وياها زلاطه ولبن وبطل ببسي وخبز
محمد _ لاا عيب اجيب وياها دجاج
زينب _ مو اخاف فلوسهن هواي
محمد _ واذا هواي واحد يبيض وجه ... همه مو منا اني حجيت ويا ابنهم طلع من الجنوب
زينب _ يااا عود صدُك
محمد _ اييي والله بس بعد مادري شلونهم
زينب _ والله صارلهم اسبوع من نزلوا صوت مالهم
محمد _ بعد مادري هم توهم نزلوا بالايام الجاية تبين
زينب _ اييي والله ... دروح عيني اتسوك اليوم وباجر اسويلهم غدا واقوم بالواجب
محمد _ خوش بس كوليلي شتريدين
زينب _ ربع كيلو لحم وفخذين دجاج وبطل ببسي
محمد _ فاصوليا طماطه خيار
زينب _ لااا عندي فاصوليا تقريباً ربع كيلو وطماطه وخيار هم عندي عود الخبز جيبه من الخباز
محمد _ زين لعد اكوم اجيبهن
زينب _ اخذ وياك البنات
رفقة _ اني ماروح
رحمة _ اني اروح
زينب _ طبعا تروحين تكيفين على الدياحه
رحمة _ طلعنا اني وبابا نتسوك رغم كسرتهم ومرضهم على رسل بس وكفوا على عمودنا اني ورفقة وصاروا حذرين ويانا بشكل حتى طلعه الاا وياهم ودائماً سادين بابنا وكاعدين
أخذن المسواك ورجعنا جان الولد الجديدين واكف بالباب يدخن ويمه امين جيرانه كاعدين يسولفون من شافوا بابا سلموا علية وبابا رد السلام ..
ظليت اباوع على الولد الجديد حجيهم مو مثلنا ابد ولابس دشداشه احنه هنا يمنه قليل يلبسوها وبس الكبار يلبسوها بس هو صغير ولابسها
باوع علية وابتسم رديتله الابتسامة ... طبينا اني وبابا للبيت اخذت امي المسواك منه ... وبليل امي نكعت الفاصوليا
أنت تقرأ
في فحمة الليل
Romanceلكل فرد الحق في الحياة والأمن والحريه .. ولايجوز الحرمان من هذه الحقوق او تقيدها الااا بوفق القانون
