في فحمة الليل

59

بقلم NabaaAlZubaydi

# في فحمة الليل

بارت _59 _

شَــفــــتــــه بمطـــعـمنــــاالتُـــركــي
فـــــــــوك “الجـــنـــايـــن” يـحـــــكــــي
يــغــــني بـصـــــوت الكُـــــــــركــــــــي
” وعــــادل” جـــافــــاه التفــــســـــيـر

الثورة _ هيّ أيّ حراك يؤدي الى تغيرات سياسية واجتماعية وغيرها ضمن مجموعة محدده .

توجد ثورة سياسية شعبية ثقافية تكنلوجية صناعية ... احنه عدنه كلهن سياسية لأن الناس صار عندها وعي .. شعبية لأن الشعب كُله طالع ... تنكلوجية لأن مخلوا شغلة تقنية حتى يكسرون حظر الحكومي اتجاه النت ويفتحون النت ويتواصلون ..  أما صناعية ديصنعون اكل بساحة التحرير انواع وأشكال مالذ وطاب ..

هاي بشكل عام بس بالعراق صار هيج ومستحيل ويُستحال يصير بغير بلد اخر فقط بالعراق

ثورتنا هاي بالذات غيرت هواي اشياء خلتنا نتكاتف وناس تساند ناس وناس تساعد ناس

بنت المنصور وبنت الريف اثنينهن يتاسبقن على المساعده

حكومتنا كانت مقسمتنا الى اعراف دينياً وعشئرياً طبقياً مِن رحنه وشفنا بعينا ماكو فرق بينا سواء كان مذهب دين عشائر فرق مادي إجتماعي سياسي ثقافي

كلنا واحد وكلنا مطلبنا( وطن ) انريد وطن ... كلنا نام بطانية وحده ونشرب مِن نفس الكلاص ونفس الملابس ونفس الخيم انام .

هاي ثورة ماكو منها لا صارت ولا حتى حتصير .

قبل كانوا السياسين يصنفونا  دينياً عشائرياً عرفياً مناطقياً إجتماعياً وصلوها للبيت الواحد البيت الواحد كان بيّ خمس او ست أشخاص كُل واحد شكل ..

اليوم ماكو هذا الشي كلنا واحد .. والكُل متلفلف بالعلم العراقي واحدهم تكول عنه سوبر مان او سوبر هيرو كلها طالعه للتحرير .

البنات والولد بمكان واحد !!! وماكو تحرش ولا اكو اشياء فاسقه ..

سابقاً كنا نظن او هُمَ زرعوا هذا الشي ابالنا ميصير يجتمع الولد والبنيه بحجة الحلال والحرام ..

طلع مو هيج لا طلعوا يخافون مِن هذا التجمع ويخافون الولد والبنيه يكونون ساندين بعض .

ابسط مِثال أيّ شخص طلع يتظاهر .. طلع مِن البيت شايل علم .. ابو التكسي مستحيل ياخذ منك كروه وانتَ شايل بايدك علم .. توصل للتحرير يجون ولد بنات متعرف مِن إيّ طائفه لو مِن وين وشنو شغلك وشدارس وين بيتكم منو انتَ ميسأل ولا انتَ تسئل ينطيك كمامه لأن خايفين عليك التختنك ..

اخذت الكمامه مشيت شوية لكيت مجموعه تنطيك ببسي وخمره تخاف عليك مِن الدخانية .

شويه ثانية تمشي ينطوك العصير والكيك والمرك وتمن دولمة دجاج لحم سمك اليعجبك ..