بقلم NabaaAlZubaydi
# في فحمة الليل
بارت _10_
طبعي گهوة شما تعضني النار حيل
أكسب من النار محمود الصفات
روحي ابوها الظيم وامها المستحيل
هية وسنين الگحط ولدن خوات
لـ عطا السعيدي
دشوا هلي لو روحي ردتلي بشوفتهم وجيتهم ذبيت روحي عل امي انحب اشتياك ولهفه
سهام _ يمه بنيتي أحلام يبعد رويحتي شعلومج يمه افادي ( قلبي ) نار عليج يبعد جبدي
أحلام _ يمه مشتاكتلكم هساع روحي ردت عبن شميت ريحتكم
سعده _ شوو اشوفن يمصخمه شمالج تتعايرين هاي احنه جدامج مدكليلي شجرالج
ثريا _ يمه هساع وكتج
سعده _ نجبي وابو الحسن علي اكومن اجسر الصونده عل ظهورج
مسحت دموعي والابتسامه شكت حلكي شكد مشتاكتلج حبوبه ومشتاكه لحجياتج
سعده _ يبعد جبدي يحلومه كلنا مشتاكيلج عبن البيت أظلم من دونج تكدمي احبج
مادري اذا تحجي صدِك او لاا عبن حبوبه تكيف تزوجنا كلنا .... رحت ليها وشبكتها وشبكتني حبتني
كمت اسلم على الباقي عاينت بس اديبه وكمره جايه حتى اخواتي ماهن
سلمت عليهن ونحبنا سوه عبن هنا روحي مو بس بنيات عمي ورفيجاتي
جاا ليش ماكوو رويده وخواتي وإيمان والباقيات
كمره _ رويده متكدر تجي عبن حامل وإيمان ظلت يم جدي هي وسلوى
اديبه _ وانتٍ تعرفين حبوبه متقبل وحده تجي ممتزوجه
أحلام _ جاا انتِ شنون اجيتي
اديبه _ الله يخليلنا عمي فلاح متتت لما قنعته وراح قنع حبوبه
أحلام _ شعلوم عمي فلاح حيل مشتاكتله وجبدي طاك عليه
اديبه _ هو هم والعباس يلوب متذكرين شنون جان يلوبن عل كمره من تزوجت ومهداله بال الاا سوالها عزيمه وشافها
كمره _ اغديله فدوه العمي وين اكو منه جاا هوو عل طول يمرلي
أحلام _ جانت الحفله حلوه بوجود اهلي واحبابي صبو الغدا وكلها تغدت اهلي مو كلهم جاين نسوان عمامي ماعدا عمتي نجيه مجايه وحبوبه وامي وعمتي وكمره واديبه ... غدوهم وحد بالهول وهنه تغدن بالمطبخ والحوش جهالهم
ليله هي وازهار وافتخار جانن كله بيدهن وكامت وياهن كمره تعاونهن بس اديبه ابد متحركت وكل شويه جده تضربها لو ترزلها عبن دكلها هساع شيكلون علينا جايبين بت ( بنت) حديثه ( شابه) ويدللون بيها
وهذا الصار بس طلعوا هلي سمعت حمواتي ونسوان حمويني يحجن عل اديبه بس سكتت عبن امي وحبوبه وعماتي يوصن بيه شتسمعين لتحجين اسكتي عيب تحجين مالج دخل بيهم شيسون وشيردون كولي تم لتناقشين لتحجين لتتعاركين عبن عيب
أنت تقرأ
في فحمة الليل
Romanceلكل فرد الحق في الحياة والأمن والحريه .. ولايجوز الحرمان من هذه الحقوق او تقيدها الااا بوفق القانون
