بقلم NabaaAlZubaydi
# في فحمة الليل
بارت _ 19 _
.
.
تلملمن ..
تلملمن…… .
شو بس عليه تلملمن
وهمومي ويلي ...أهمومي مايتوصفن
مااااا ايهيدن بيه يوم
لااااا ابگعده ولابنوم
كل شموع افراحنه الحلوه انطفن
گمت ادور ع الفرح بالذكريات
واحلم واصحى على الماضي الي فات
آنه اريد احلامي منكم
يلگضت ايامي عدكم
جانن احلى ايام ياوسفه أرحلن
تلملمن شو بس عليه تلملمن
ياصبر ماعندي غيرك ياصبر
انه بغيابك علي شح العمر
عمري ضاع وياهم
گلي وين الگاهم
بس الله يدري بيا وكت وبيا زمن
.
.
لــ طالب السوداني
احلام _ عمي طالع وعايش وكِلشي مابي وانتم ضميتوا عني
اندارو عليه مستغربين
جويسم _ وشنهي يابه انتِ تتصنتيت ( تتنصتين ) علينا
احلام _ عليش اتنصت وانا بالمطبخ وانتم بالحوش اهيس صدك عمي طلع ليش مكتلي( مكلتلي )
اهيس _ وعليش حتى اكلج يفرق عندج
احلام _ صِدك انت تحجي يو تشاقه اهيس هذا عمي وانت تشوفني شون الوبن على خبر منا
جويسم _ وهساااع شصار قابل نبي وطالع نعومه صبيلي بعد جوي
احلام _ ضليت واكفه بمكاني صافنه معكوله اكوش هج بشر اعاين ليهم رحمة بالوجه ماكوش يو فد وياي هج اخذت ابني ودشيت حجرتي بساع نزلت دمعتي حكهم ميعرفون شنهو العم ولاا شيعنيلي عمي زين اهلي عليش مكاعد يجوني معكوله نسوني لو هذا هو صرت اسيرتهم ...
عاينت على قصي مفتح عينه ويشمر بايده ابتسمت لاارداي ورحت ابوس بي
يمه وليدي يمه ضناي باجر تصير عزوتي وسندي املي كله بيك يمه ابوك غسلت ايدي منه وهساع اذا عايشه ومتحمله اهل ابوك وابوك فهو فد الخاطرك يبعد جبدي
يممممه اغديلك فدوه تحس بأمك وتضحك اييي اييي اضحك يبعد هلي الضحكه متلوك بس الك
اهيس _ جاااا وين هدومي
احلام _ معلكات وره الباب يمك
اهيس _ انطينياهن
احلام _ كمت انطتيا عاينت ليه اهيس اردك براس جلمه
اهيس _ اذا على الشغل والبيت واختك وامك تراني مافاضي ومالي خلك نجره( مشكله )
احلام _ ليش انا يايوم جيت شكيتلك صح بداية زواجنا كلتلك فد من شفت ماكو فايده من الحجي وانت متسوي شي انلصمت
اهيس _ عليش يابه ترديني اكتل امي واضيم اخيتي على عمود مره باجر عكبه ترحين انتِ تجي بدالج عشره ماهي صعبه فد اذا راحت امي لو اخيتي منهي يعوض مكانهن
احلام _ ليش انا كايلتك اكتل لو عيفهن وانا من جنت اشكيلك من همي وعين انت رجلي ومرتين تلاثه انلصمت وكل هذا تشوف الحك وياي وتسكت بس لو انا شوي عصبت تكلب الدنيا عليه بعدين مشكور متكصر عرفت مقامي عندك
أنت تقرأ
في فحمة الليل
Romanceلكل فرد الحق في الحياة والأمن والحريه .. ولايجوز الحرمان من هذه الحقوق او تقيدها الااا بوفق القانون
