بقلم NabaaAlZubaydi
# في فحمة الليل
بارت _13_
يـما تدري الحجي شكثرة
تعال افرش شليلك خل اترسة أعتاب
واراويك الوجع بگلوب متكسرة
- حسين كامل
فلاح _ خويه انا هنا انطرج
بثينه _ ان شاء الله ماتاخر بس ازتها
احلام _ فتحت الباب وفتت جانت ليله بيدها الديخه مال النخل وتكنس بالحوش لافه الفوطه على وجهه وشعرها وبنتها الصغيره وراها وراها رفعت راسها صوبنا ابتسمت ذبت من ايدها الديخه وجتي تركض
ليله _ ياهلا حي الله من جانا
بثينه _ حي الله اصلج
ليله _ هلااا حبيبه هلااا دشووا البيت بيتكم ..... شلونج احلام البقاء في حياتكم خاتمة الاحزان ان شاء الله
بثينه _ حياتكم الباقيه
ليله _ وعلي فشلانه منكم جي ماجيت مكدرت عذريني حبيبه البارحه المغرب يلاا اجيت لهلي عبن رجلي التحق
بثينه _ لااع حبيبه مصار شي ان شاء الله احنه اهل ... بس اليوم جيت اوصل حلومه واردن للبيت
ليله _ ياهلاا البيت بيتها وزين ماسوت حلومه
بثينه _ يلاا حبيبه انا اترخص حماي ناطرني بالباب
ليله _ يااع شون عيب خلي يدش وانا هساع ادزن فرخ ينادي لأبوي لو اخوتي
بثينه _ لااع والزهره مستعجلين عبن اليوم جمعه وكاعد نسوي جمعيه لحميد
ليله _ جعله واصل ان شاء الله
بثينه _ يلاا عمه احلام دشي لحجرتج وتعالي عاوني حماتج وعودان ادزلج ثواب .... حبيبه بالكم عليها عبنها حامل
ليله _ بعيوني ليظل بالج صكد جذب بحسبة أخيتي وعلي
بثينه _ تظل يمكم العافيه
ليله _ ياهلاا ومية هلاا هلاا بيكم عيني
طلعت عمتي بثينه منا وجان تطلع نعومه لابسه دشداشه صفره وشاده الربطه عاكدتها من فوك مثل المصريات وبيدها سطل ماي وصلة مسح
نعومه _ هاا اجيتي
ليله _ اييي هساع وصلوها عمها ومرت عمها
نعومه _ هممممم ... شوو شويه حبيبه هاج هذا السطل وكملي عني انا تعبت صار كومه شايله البيت بوحدي
احلام _ هساع اجي اكمل عنج فد اودي غراضي
دخلت الحجرتي كايمه كاعده البرده واكعه ومحد معلكها وهدوم اهيس بالكاع وعلى الجربايه والنفاضات بيهن الجكاير الجراجف بالكاع وحتى بسمار مال هدماتنا واكع واكعات الهدوم هوسه بهوسه نزعت عباتي وذبيت علاكتي وتشلهت اعزل ويا ليله غسل وكنس ومسح
أنت تقرأ
في فحمة الليل
Romanceلكل فرد الحق في الحياة والأمن والحريه .. ولايجوز الحرمان من هذه الحقوق او تقيدها الااا بوفق القانون
