في فحمة الليل

بارت 33

بقلم NabaaAlZubaydi

# في فحمة الليل

بارت _33_

سَهل من تبتعَد
بس !
صعُب تلگه أنسان
شايل طيبتي ويهواك ع الفُطره
باچر من ترد ماتلگه شي مَوجود ..
تلگه الوَرد ذابل والارض صَحره !
تلگاني مَدينه مسَدده البيبان
بَيـه الكُمر ميت ، والشَمس حَمره

_ خالة حمزة ليش كاله كان ارتاح بالأول

احلام _ لاااع يمه مو مال يرتاح عبن جان وضعنا ذاك هو مبين  وهو اول مايجي متعلم تتلكا اخيته

خالة _ اووف الله يساعده اوكي كملي شلون كانت ردة فعل قصي

قصي _ شكاعد تتحجون انتم كل عكلك هساع تريدني اصدكك  .... يمااا شكاعد يرطن هذا ؟؟

راح حمزة جتفه من ايدي وكعد يفهمه

حمزة _ مااحجي اذا انت متهدء

قصي_ هدددد ايدي يووول هدها

حمزة _ كتلك ماهدها لحد ما تهدء لتصيح منا الوادم

قصي_ **** بالوادم ولك اختي تدري شنهي اختي ماهي انتم ضاميها عليّ انا متأكد

حمزة_ بس اهدء وانا احجيلك كلشي

قصي _ هاااي هدئت هساع ارطن رحمة لليهود

حمزة_ كعدنا الغبشه( الفجر ) الله شاهد كل ظني مهمودة كمت توضيت وكاعد اصلي وعمتي شهكت وكامت تنده باسمها انا كلت كاعد تتوضي مع العلم هي متصلي بس وين تروح ماهو غيرهن يو تتوضى يو بالحمام يو مطبخ ...

هساع كملت اعاين على عمتي كعدت بعتبت الباب وتبجي شمالج عمه تكلي ابتهاج ماهي

وين ولت جاا ... طلعت ادور بنفس البيت ندور بي انا وامك مرة مرتين تلاثة ماهي ... البيت صغير كدام عينك كلبنا كلب حتى بالتنور الطين رحنا ندور ماهي بين الفراش ماهي

طخت عندي فد لا شردت هنا انا حالتي جانت مو اكل من حالتك وعلي ... عبنها عرضي طلعت للديرة مثل المسودن ادورن عليها ماهي ياقصي للساعة 8 الصبح الديره نبشتها نبش خفت اسئل الوادم عليها ويحسون ونصير فرجة لامة محمد  ...  كلت عسى ولعل راده للبيت او خاتلة بمكان احنه ماندري عنه

رديت للبيت لكيت امك واكعة ومتخربطة والبيت فارغ معناها مراده

جبيت ماي على امك واول مكعدت سئلتني عنها جاوبي وجوابها جان واحد ماهي ابتهاج

امك طلعت للجيران كالت اطقس اشوفن بلكت يمهم واحنا ندري متروح يم احد ولا الها علاقه بأحد فد نقشمر رويحتنا ... كالتلي ابقى بالبيت اخافن ترد

والله شوية وردت امك وحيدها  .... طلعت انا هم ادورن عليها بالديرة ماهي ... وشكد جنت حاقد عليها ودي اكتلها خلاص بس ترد  .... كل هذا وتنازلت عنه وكلت فد ترد عكلي كام يودي ويجيب اخافن صارلها شي يو تعرضلها شي ... يو متواعده ويا واحد وشردت