في فحمة الليل

بارت 53

بقلم NabaaAlZubaydi 

# في فحمة الليل

بارت _ 53 _

ماعدنه شرط مِن نُدخل الأنبار
شرط واحد شرطنه وعالدواعش خاص
إذا طب الحشد شدوا الملابس زين
مانرضه تتكرر شغلة ابن العاص .

( ناحية العلم ) 2014

أيمن _ قصي قصي كوووم اتريك يول

قصي _ هااا شمالك يخوي هوَ هج اليكعد

أيمن _ جاااا شون اكعدكم الوادم كاعد يسون ريوك خوما مِثل كِل يوم كِل شويه جايبين ريوك الواحد بينا

قصي _ هساع انا وياك مو يوميه نتريك سوه .. بس كرار يتأخر مِن يكعد

كرار _ ماعندكم سوالف غير كرار

أيمن _ مِن الله  يصكعك على كولتهم ..  عليش تمثل النوم

قصي _ ولك بس لا يوميه انتَ كاعد وتمثل النوم

كرار _ لا وعلي بس اليوم شابع نوم وكعدت كبلكم بس انتم نايمين وين اروحن

الشيخ _ صبحكم الله بالخير يا النشامه

قصي _ هلاا بالشيخ صباح النور

الشيخ _ هااا بوية كرار اليوم على وكت كاعد

كرار _ حتى انتَ يالشيخ وياهم عليّ

الشيخ _ افااا يوليدي اصيرن على الكل الا عليك ... يلاا ياولد تعدوا غسلو حتى تاجلون

قصي _ كمنا نغسل بالبراني انا وأيمن ونتمشى بالحديقة على كد ما جبيرة ومتفحه عبالك جنه

أيمن _ يول كاعد نزحمهم للوادم صار اكثر مِن شهر يمهم

قصي _ شنسوي يا خوية بس نطلع يكتلونه وانتَ تندل الطريق

أيمن _ لا .. ولنفرض اندله مليان دواعش

قصي _ بالضبط يعني ماكو مهرب نطلع منا نموت منا

برزان _ هااا يولد اليوم عاجبكم تاكلون هينا

أيمن _ الجو زين اليوم احسن مِن امس حارة

برزان _ عجل غير نهاية الثامن ... هاي شني كرار اليوم مِن وكت

كرار _ وعلي كبل شوية ابوك همَ كالي والولد نصبوا عليه مِن الصبح .. الدور انتَ

برزان _ لا يولو بس متعجب هج وكت تكعد مو مِن عواديك

كرار _ شبعان نوم

الشيخ _ يلا ياولد جربو الاجل جاهز 

برزان _ بوية خلهم هينا اليوم ياجلون

الشيخ _ صار بوية ... مصعب يا مصعب

معصب _ أمر بوية

الشيخ  _ انصب للولد الأجل بالحديقة

قصي _ ماله داعي بالشيخ

رفع ايده بسكتني بدون نقاش كعدنا نتريك بالحديقة ومصعب وبرزان وقتيبة فوك روسنا اخاف نحتاج شي والشيخ كاعد ويانا