بقلم NabaaAlZubaydi
# في فحمة الليل
بارت _ 23 _
و آنه گتلك ترا التكثر أعذاره يروح
من يكثر الغيّم مبَينة سالفته
و اذا تعرف بروحك ما تظل وياي
الحچي الـ بأوَل أيام شجابرك گلته !
_ واكفه اغسل مواعين وخاله تغني الابني وتذبله كولات وهو يصفك ويضحك مكيف على الوضع واني اسمع كولات خاله اضحك واحاول احفظهن
احلام _ او ميدرون ميدرون عدنه نونو صغيرون
كركوشته عكاله ذهب وثيابه كالذون
وياربي خله خله ايروح للمحله ويجيب لأمه سلة
وياربي ديمه ديمه ايروح للعزيمة ويجيب لأمه لحيمه
_ خربت ضحك رحمة الله والديج خاله هسه اني اريد لحمه ..... ضحكت على ضحكتي وابني لازم بشيلته يعني حطيني بحظنج حطته وتغنيله
خاله
احلام _ كولي يمه
_ غنيلنا مال هاي ام الولد والبنيه من تصير بينهن ردود
احلام _ ياهي منهن هنّ هواي
_ رفعت كتفي بكيفج خاله اي وحده
احلام _ ينسوان جيبن ولد لتجيبن البنتايه
هول ابوها صغيرون ميوسع المشايه
وترد ام البنيه عليها
ولتحبج بالتملك ريتها برجل التطلك
وريتها سبع بنات والمغاني كاعدات
والتحبج بالشفاكه ريتها بسبعين ناكه
وريتها بسبع البنين محزمين ملزمين
وبالمجالس كاعدين
ضحكت شلون تكولهن حلو وتلحنهن يمكن اني لو اكولهن الأستاذ يخرب ضحك
خاله ليش احس هاي الكلمات تجسد وضعج وضعها وضع عمتج هم هيج جان مُتملقه مثل محجيتي
احلام _ يووو لتذكريني جانت حيل متملكه الها وهي عمتي شونها هي ورجلي كلمه تجيبهم وكلمه توديهم
_ خاله فدوه كمليلي من وين ماوصلنا
احلام _ لج يمه شلج بي خلينا متونسين
غسلت ايدي من الزاهي وأخذت مناديل مسحتهن ورميتهن بسلة النفايات وانداريت عليها ..... فدوه خاله الخاطري بالله احب اسمع عن قبل كُلش اتونس
كامت تحجي واني رجعت اغسل المواعين
احلام _ من كلي جويسم ابوي وعمامي ماخذيهم الأمن وهاديهم وطمني مابيهم شي كعدت على الهرش ارتاجيت وأخذت نفس اذبن بهل حسرات واردن لِوره
من تالي اهلي هج صاروا من تالي انا ماشوفن اهلي جنت عدهم ليل نهار تالي هساع شوفتهم حسره عليه انا بتهم ومن دمهم ..... هساع عرفت عليش اهلي بالهم مو يمي عبن ملتهين ومالهم احد
شفت همي ومصيبتي سهله ولاشي كدام اهلي همهم اصعب رحت سئلت جويسم عن عمي فلاح بلكت اكوش خبر عنه بس كال انسوا الي يصير يم الأمن مستحيل يطلع منهم إلا بقدرة القادر
أنت تقرأ
في فحمة الليل
Romanceلكل فرد الحق في الحياة والأمن والحريه .. ولايجوز الحرمان من هذه الحقوق او تقيدها الااا بوفق القانون
