بقلم NabaaAlZubaydi
# في فحمة الليل
بارت _12_
شيل عينك لا ادنك من اجيك
بلكي تبرد ناري من اعتب عليك
سمير صبيح
احلام _ شتكلين يممه من صجج تحجين شون ماتدرون عنه شي جان دوروتو عليه عمامي ابوي الولد شمالهم عليش كاعدين وساكتين
سهام _ وانتِ منهي كلج كاعدين مو مخلووا مكان يعتب عليهم صار تلث مرات يرحون البغداد وعليوي عبنه يعرف الأماكن جان يروحلهن عبنه عمج جان يسوللفله راح هو وعمج فاضل فد مثل مراحوا رجعوا
احلام _ جااا وين راح هو ميتاخر هلكد ابد
سهام _ والله مادري شكلج يايمه فد فص ملح وذاب
احلام _ حبوبه شونها هساع
سهام_ شونها يعني عويناتها حتعمي من كد النوح والطم وجدج على غفله يسلمها الربه
دكيت على صدري عزززا يمه الله ليكولها
سهام _ جااا هي بيدنه
احلام _ يمه انا اردن اجي وياج
سهام _ وين تجين اكعدي وسكتِ انتِ شافيه شون صايرين وادم تهومش بوادم الله شاهد البيت مينجرع كله بجي والطم على أقل هنا احسن بشوي خلي وليدج وكعدي وهم انتِ حامل
احلام _ يمه انتِ تكلين كل الوادم تدري بعمي ماهو واكيدن هساع رجلي وعيالي يعرفون بس ماحجوا
سهام _ وهاي انا واجيت وكتلج شحتسوين شنهي البيدج زلم مشوربه عليها الاعتماد يرحون البغداد يرجعون مخذولين اكعدي واسكتِ بيتج يمه مالي خلك المشاكل هساع
احلام _ اخذت نفس واحسن الدنيا ضاكت بيه مرديت عليها هي كعدت تلاعب قصاوي شويه وراحت
بس راحت كعدت ابجي ووليدي يمسح بعيوني عبن ميريدني ابجي ضحكت بوسط حزني وهمي وليدي عوينات امك من هساع تمسح دموعي جااا من تكبر شتسوي
كمت كملت شغلي وابني وراي وراي لحد مااجا اهيس طببت هدماته للحمام وكعد ياكل بس شنهي الجلمات تدور بعقلي وماهي راضيه تسكت
احلام_ صدك اليوم اجتي امي
اهيس_ امممم
احلام_ اييي جتي شويه وراحت والي عرفته عمي فلاح مختفي ماهو صار تلث اشهور
اهيس_ عسى بالحرك انا شلي شغل انا البيه مكفيني
احلام _ عليش تدعي عليهم همه بيا حال هساع هاي ابدال متوكف وياهم
اهيس_ ويا منهي اوكف انتِ مسودنه مابيها مجال
احلام _ عليش مسودنه المفروض توكف وياهم عبنهم اهل مرتك
اهيس_ وانا اوكفن وياهم وبعدين تجي الأمن تشيلني ابويه انتِ اهلج معارضين للدوله وعلى أي ساعه يشلوكم نسوان فروخ زلم تدرين انا ياخذوني وياهم على مال منهي
أنت تقرأ
في فحمة الليل
Romansaلكل فرد الحق في الحياة والأمن والحريه .. ولايجوز الحرمان من هذه الحقوق او تقيدها الااا بوفق القانون
