بقلم NabaaAlZubaydi
# في فحمة الليل
بارت _ 52 _
مانمت بوكت بيّ فارغ البيت
كُل عقلك انام وطبو اغراب
أنا البس شمس مِن اطلع بليل
ولا كلمت ختل بالطاري تنجاب .
أيمن _ هساع شلون نكدر نخلص رويحتنا واحنه مناك لهنا كوه خلصنا .
كرار _ هاي اخر لحظات بحياتنا
قصي_ ياولد بس مكاعد يتحرك بس يعاين لينه
أيمن _ داعشي يمعود متعاين شلون صافن لينه
قصي _ لا مو داعشي عاين مكاعد يتحرك
كرار _ كاعد يأشر لينا
أيمن _ وين نروح يول هساع تطلع خطه ويطكونه
قصي _ لا مِن المستحيل يكون داعشي .. وإذا كان داعشي فا احنه هيج هيج ميتين
أيمن _ يعني نتقدم
قصي _ نتقدم والله الكاتبة يصير
كرار _ طلعنا مناك هنا نموت اغديلك فدوه يربي ارحم بحالنا .
توكلنا على الله تقدمنا واحنه كلبنا يرجف لغاية ما وصلنا اله .
كان كاعد على صخره وحالة يرثئ لها الدم نازل مِن كصته .
_ يا ولد انا منكم وبيكم وعلي .طالب طيران
مِن كال هيج اطمنينا تمشينا بخطوات بسيطه وصرنا يمه .
أيمن _ عليش حالتك هج
كرار _ شسمك ومِن يا وحدة
_ انا طالب طيران اسمي حيدر
قصي _ حياك الله خوية ... بس عليش هج حالك
كرار _ انا طلعت مِن الموت بقدرة قادر
ايمن _ اكِعدو يا ولد احنه بين الكصب خلونا نفهم
كرار _ امشي عليك العباس ميت عطش
حيدر _ مِن العصر انا هنا عاين كدامك على الجسر كلهم فوكاه بس تعبرون يشوفونكم ويطكوكم
قصي _ عاينت صح الجسر صار كدامنا اقل حركة منا نروح بيها وهمه صاعدين فوك الجسر مال تكريت قريب على القصور الرئاسية .... يعني اذا تحركنا خطوه وحده بعد يحسون علينا ... عبن لازمين حراسة فوك الجسر .
ايمن _ احجيلنا شصار وياكم
حيدر _ انا اعرفنك عز المعرفة امس تصيح وترجع ليورا لتطلعون يكتلونكم .. وصار مِثل مكلت انتَ
ايمن _ جنت حاس يصير هيج حاولت امنعكم بس انتم مسمعتوا
حيدر _ لا يخوي مكتوبة النه الشهاده
كرار _ هساع احجيلنا شلون كدرت تخلص روحك منهم
حيدر _ انا مِن بداية 2014 اداوم هنا .. لحد ما اجا اليوم تعرضنا لهجوم قوي مِن قبل القاعده خسرنا شهداء هواي تقريباً ب 200 واحد وا اكثر عاد احنه اجينه يمكم .. اذا تذكرونه
أنت تقرأ
في فحمة الليل
Romanceلكل فرد الحق في الحياة والأمن والحريه .. ولايجوز الحرمان من هذه الحقوق او تقيدها الااا بوفق القانون
