بقلم NabaaAlZubaydi
# في فحمة الليل
بارت _ 48 _
شيء واحد
أتمنى أن يحصل
نظراً لأني
من سنين لا أفعل شيئاً
سوى المغادرة
أتمنى
أن اجرَب شعور الوصول
ولو مرة …
الاء _ ولججج رفقة بس نأكل ميته مِن الجوع
رفقة _ مظل وقت رح تبلش المحاضرة
بنين _ اني ما ادخل اظل يم طارق
رانية _ اني هم جوعانة بس المحاضرة حتبدي اروح ويا رفقة
الاء _ على الأقل بس اكمل الفه
رفقة _ وين يفهم دكتور أثير يطردنا والله ونتفشل امام الطُلاب . إني حدخل مابيه حيله
تركتهن وكمت وراية اجتي رانية لكينا الدكتور ديمشي كدامنا ديدخل للقاعة اسرعنا بمشيتنا ودخلنا قبله
كعدنا بمقاعدنا الاخيرة البيها إني ورانية والاء وبنين وطارق .
دخل دكتور اثير كالعادة دكول كاتلين اهله مِن دون أي حركة وكل شي ممسوين كام يغرد
دكتور أثير _ انتم هم طلاب هَم حاسبين نفسكم على طلاب الطبية الأطفال احسن منكم اتفلوا بنص وجهيييي اذا نجحتكممم اذا ماخليكم تعيدووون تعالوووا عاتبوووني .
أنا وين كنت فعلآ طالب .. ذاك زمانا زمَان كنا مبينين طُلاب علم مِن هندامنة واسلوبنا لا نجادل دكتورنا وعلى الموعد احنه يلكانا ملابس مرتبة وشعر مرتب هسه انتم هَم بشر مثلنا رجلكم طالعه وحذائكم بدون جواريب وشعركم ملزكي بدهن ومسوي سباكي وسكسوكه .
رفقة _ كالعادة طلعنا جاين مِن غير كوكب وهو مِن كوكب .. كام يشرح ومخنزر عينه
ابن امك وابوك اسئل سؤال وكول مفهمت عيده مباشرةٌ يرزلك ويكلك وين كان عقلك ..
رانية _ رفقة ولج رفقة
رفقة _ اششش ديشرح ليشوفنا ويطردنا
رانية _ لا ولج باوعي آلاء دتاشرلنا تريد تدخل
رفقة _ رفعت راسي هاي كُل عقلها هسه تدخل غير يمسح بيها الكُلية ذهاباً واياباً
رفعتلها ايدي واكلها روحي معصب بس هيّ مسمعت كلامي طرقت الباب ودخلت والدكتور يشرح
أثير _ تفضلي
آلاء _ تسمحلي دكتور ادخل
رمى القلم على المكتب وتقدم ناحيته
أثير _ وين كنتِ بابا
آلاء _ دكتور كنت يم السكرتيرة رادتني عندي نقص بالتسجيل
أثير _ ومكدرتي دكولليلها عندي محاضره
آلاء _ لا
أثير _ اذاً روحي جيبِ لي ورقة مِن القسم وتعالي
أنت تقرأ
في فحمة الليل
Romanceلكل فرد الحق في الحياة والأمن والحريه .. ولايجوز الحرمان من هذه الحقوق او تقيدها الااا بوفق القانون
