بقلم NabaaAlZubaydi
# في فحمة الليل
بارت 31
شسويلكِ بعد وعيونكِ أمليها
انه سويتِ حتىٰ الما مسويها
وَ الله لخاطرك قررتِ آحب أشياءِ
عشت طول عِمري مامقتنعُ بيها .
_ جاوب ليش ساكت
قصي _ احمم ايي نعم
_ يعني متنكر عمك جاسم جمعة فرحان شعبان
قصي _ اييي عمي
_ تعرف بنفسك مطلوب للحكومه وعمك جان معارض للحكومة ؟؟؟
قصي _ لاااا ماعرف بس الي اعرفه خذيتوا جدي وابوي وعمامي شني السببب ماعرفن
عاين ليه بنظره ماكره وخله الجكاره بين شفايفه سحب نفس منها ونزل نظره للمكتب دك بااصبعه تلث دكات ورفع عينه عاين ليه
_ مخفت وانت هنا يجون يشيلوك
قصي _ عركت واحسن رويحتي محاصر وكله ماعدهي رحمه شجاوب وشكلهم حاير
احمم اييي اقصد يعني انا جيت اخدم بلدي
_ يعني انت مو جاسوس
قصي_ الف مره لعنت عمي بكلبي على هل موقف الخلاني بي ...... لاااا انا اجيت اخدم بلدي ومقرر اظلن بالجيش
عاين ليه وطول بنظرته راد الضابط يحجي سكته وكلي انصرف
مصدكت كلي اطلع ضربت التحية وطلعت بس رديت الباب وراي حسيت طالع من جهنم خذيت نفس عميق جني بحبل المشنقه جنت بساع نزلت للساحه شفت طباخنا كاعد يركب ( يطبخ ) نفسي نسدت عبن اكلهم ميناكل
عمر _ يعني هساع عمك ضد النظام ومعارض للريس
قصي _ ايي وحتى ساموم عمي قصي بحريم بيتنا
عمر _ جذب
قصي _ شتكل انت
عمر _ وعمك سلم نفسه
قصي _ لااع مسلم واضطروا هلي يطلعون تهريب
عمر _ يوولو هذا عمك عار على الزلم اذا مو كدها ليش يدخل روحو بهل معمعه
قصي _ بعد صارت
عمر _ وهساع انت شتسوي يولو
قصي _ يولو انا من حالك ماعرفن عليش وده عليه وشراد
عمر _ بربك عيد يولو تدري جثير حلو بالسانك
قصي _ عيفني برويحتي عمر تراني راسي كاعد يفر
عمر _ ديلاا هساع ليسعمك يكول هذا نايم يموو
قصي _ خااب اسكت وخلني اشوفن حل لهل مصيبه
عمر _ تريد الصدك
قصي _ كول شني
عمر _ اكلك بدون زعل ... بس ترى مدام عرفوا عمك معارض وأهلك يمهم وانت مسوالك شي اكيد عدهم غايه براسهم؟؟
أنت تقرأ
في فحمة الليل
Romanceلكل فرد الحق في الحياة والأمن والحريه .. ولايجوز الحرمان من هذه الحقوق او تقيدها الااا بوفق القانون
